ವರ್ಷದ ಶ್ರೇಷ್ಠ”ಬೈದಶ್ರೀ” ಮಾನಾದಿಗೆ….

ಶ್ರೀ ಬ್ರಹ್ಮ ಬೈದರ್ಕಳ ಸಾಂಸ್ಕೃತಿಕ ಅಧ್ಯಯನ ಕೇಂದ್ರ ( ರಿ ) ಆದಿಉಡುಪಿ ವತಿಡ್ದ್ ಕೊಡಮಾಡುವ ಬೈದಶ್ರೀ ವಾರ್ಷಿಕ ಶ್ರೇಷ್ಠ ಪ್ರಶಸ್ತಿ ಪ್ರಧಾನ ಸಮಾರಂಭ ಬೈದಶ್ರೀ ಡ್ ನಡತುಂಡ್.
ಹಿರಿಯ ಬೈದೆರೆನ ದರುಶನ ಪಾತ್ರಿ ಶ್ರೀ ಕಲ್ಮoಜೆ ರಾಘು ಪೂಜಾರಿ ಬೊಕ್ಕ ಹಿರಿಯ ಗರೋಡಿ ಸೇವಕೆರಾಯಿನ ಶ್ರೀ ಅಪ್ಪು ಮಡಿವಾಳ ಮೊಕ್ಲೆಗ್‌ ಪ್ರಶಸ್ತಿ ಮಾನಾದಿಗೆ ಮಲ್ತೆರ್. ( ಫಲಕ ಬೊಕ್ಕ ರೂ 5000/- ಪಣವು ) ಒಟ್ಟುಗ್ ದಾಮೋದರ ಕಲ್ಮಾಡಿ ಬೊಕ್ಕ ಚೆಲುವ ರಾಜ್ ಪೆರಂಪಳ್ಳಿಮೇರ್ ಬರೆಯಿನ ‘ದೇಯಿ ಬೈದೆದಿ’ ಕನ್ನಡ ಅವ್ರತ್ತಿ ಪುಸ್ತಕ ಬುಡುಗಡೆ ಅಂಚೆನೇ ವೀನಸ್ ಇಂಟರ್ನ್ಯಾಷನಲ್ ಸಂಸ್ಥೆ ವತಿಡ್ದ್ ಹರೀಶ್ ಎಮ್ ಕಲ್ಮಾಡಿ ಮೇರ್‌ ಕೊರ್ತಿನ ದೇಯಿ ಬೈದೆದಿ ಭಾವಚಿತ್ರನ್ ಮುಖ್ಯ ಅತಿಥಿ ಅಚ್ಚುತ ಕಲ್ಮಾಡಿ ಮೇರ್ ಅನಾವರಣ ಮಲ್ತೆರ್.
ಸಭೆ ಟ್ ಶ್ರೀ ದಾಮೋದರ ಕಲ್ಮಾಡಿ ಗುರ್ಕಾರ್ಮೆಡಿತ್ತುದ್, ಮುಖ್ಯ ಅತಿಥಿ ಯಾದ್ ಪಾಲ್ ಪಡೆಯಿನ ಕಲ್ಮಾಡಿ ಗರೋಡಿದ ಗೌರವ ಅಧ್ಯಕ್ಷೆರಾಯಿನ ಅಚ್ಚುತ ಕಲ್ಮಾಡಿ ಮೇರ್ ಪಾತೆರ್ದ್ ಬೈದೆರೆನ ಸಂಶೋಧನ ಕೇಂದ್ರ ಅಪರೂಪವಾದಿತ್ತುದ್ ಉಂದೆನ್ ಒರಿಪಾದ್ ಬುಲೆಪಾವುನ ಅವಶ್ಯಕತೆ ಉಂಡು ಪಂಡೆರ್.
ಈ ಪೊರ್ತುಡ್ ಗರೋಡಿ ಪೂ ಪೂಜಾನೆ ಕಾರರ ಸಮ್ಮೇಳನ ನಡೆದಿತ್ತುದ್‌‌ ಸಂಪನ್ಮೂಲ ವ್ಯಕ್ತಿಅದ್ ಕಲ್ಮoಜೆ ರಾಘು ಪೂಜಾರಿ. ಪಾಂಗಳ ಗುಡ್ಡೆ ಗರೋಡಿ ಮನೆ ಸುಧಾಕರ್ ಡಿ ಅಮೀನ್. ಕಿನ್ನಿಮುಲ್ಕಿ ಗರೋಡಿ ದ ಭಾಸ್ಕರ್ ಸುವರ್ಣ ಕನ್ನರ್ಪಡಿ ಪಾಲ್ ಪಡೆದಿತ್ತೆರ್. ಈ ಪೊರ್ತುಡ್ ಕರ್ನಾಟಕ ತುಳು ರತ್ನ ಪ್ರಶಸ್ತಿ ಪಡೆಯಿನ ಗಂಗಾಧರ್ ಕಿದಿಯೂರ್. ಕರ್ನಾಟಕ ರಾಜ್ಯ ಮುದ್ರಣ ಕಾರೆರೆನ ಸಮನ್ವಯ ಸಮಿತಿ ರಾಜ್ಯ ಸಂಚಾಲಕೆರಾದ್ ಆಯ್ಕೆ ಯಾಯಿನ ಎಮ್ ಮಹೇಶ್ ಕುಮಾರ್ ಮಲ್ಪೆ ಬೊಕ್ಕ ಕರ್ನಾಟಕ ಸರಕಾರ ಡ್ದ್ ಸ್ಕೌಟ್ ಸೇವೆ ಗಾದ್ ವಿಶೇಷ ಪ್ರಶಸ್ತಿನ್ ರಾಜ್ಯಪಾಲೆರೆಡ್ದ್ ಪಡೆಯಿನ ಶೇಖರ್ ಮಾಸ್ಟರ್ ಕಲ್ಮಾಡಿ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.
ಬೈದಶ್ರೀ ದ ಕಾರ್ಯದರ್ಶಿ ಎಮ್ ಮಹೇಶ್ ಕುಮಾರ್ ಸ್ವಾಗತ ಮಲ್ತುದ್ ಕೋಶಾಧಿಕಾರಿ ಮಹೇಶ್ ನಯಂಪಲ್ಲಿ ಕಾರ್ಯಕ್ರಮ ನಿರೂಪಣೆ ಮಲ್ತೆರ್. ಹಿರಿಯ ವಿಶ್ವಸ್ತೆರಾಯಿನ ಗಂಗಾಧರ್ ಕಿಡಿಯೂರು ವಂದನಾರ್ಪಣೆ ಮಲ್ತೆರ್.