ತುಲುಬಾಸೆದ ದುನ್ನ ತೆರಿಯೊಡಾಂಡ ಪರದೇಶೊಗ್ ಪೋವೊಡು. ಅಲ್ಪ ಪೋಯಿನಪಗ ನಮಕ್ ನಮ್ಮ ತುಳುನಾಡುಧ ಮಹತ್ವ ತೆರಿಯುಂಡ್. ಪಂಡುದ್ ತುಳುರಂಗಭೂಮಿದ ನಿರ್ದೇಶಕೆರಾಯಿನ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ಮೇರು ಅಭಿಪ್ರಾಯ ಪಟ್ಟೊಂಡೆರ್. ಆರು ಕುಡ್ಲ ಉರ್ವಸ್ಟೋರ್ ದ ಅಂಬೇಡ್ಕರ್ ಭವನದ ತುಳುವ ನೇಸರೆ ಎಸ್. ಆರ್. ಬಂಡಿಮಾರ್ ಚಾವಡಿಡ್ ಜೈ ತುಳುನಾಡ್ ಅಟ್ಟಣೆ ಮಲ್ದಿನ ಪೊಲೈಸಿರ 2025 ಲೇಸ್ ದ ಉದಿಪನ ಮಲ್ತುದ್ ಪಾತೆರಿಯೆರ್.ಜವನೆರೆನ ಕೂಟ ಸೇರ್ದ್ ಸಂಘಟನೆ ಆಯೋಜನೆ ಮಲ್ದಿನ ಜೈ ತುಳುನಾಡ್ ಸಂಘಟನೆದ ಈ ಕಜ್ಜೊ ತುಳುನಾಡೊರ್ಮೆ ಪಸರಡ್. ಪನ್ಪಿನ ಆಶಯೊನ್ ಪಂಡೆರ್.
ಕುಡೊರಿ ಮಲ್ಲ ಬಿನ್ನೆರಾಯಿನ ತುಳು ಅಕಾಡೆಮಿದ ಮಾಜಿ ಪದುಕೆರಾಯಿನ ಮುಲ್ಕಿ ಬೆದ್ರದ ಶಾಸಕೆರಾಯಿನ ಶ್ರೀ ಉಮಾನಾಥ್ ಕೋಟ್ಯಾನ್, ಪಾತೆರ್ದ್ ತುಳುನಾಡ್ದ ಆಚಾರ, ವಿಚಾರ, ಸಂಸ್ಕ್ರತಿ ಸಂಪ್ರದಾಯ ಜಗತ್ತುಗ್ ಮಾರ್ಎದರ್ಶನ ಕೊರ್ಪಿನ ಬಾಸೆ ನಮ್ಮ ತುಳುವೆರೆಡ ಇತ್ತಿನ ವಿದ್ವತ್ ಇನಿ ವಾ ಡಿಗ್ರಿ ಕಲ್ತಿನಕಲೆಡಲಾ ಇಜ್ಜಿ.. ಅಂಚೆನೇ ತುಳುಬಾಸೇಗ್ ತುಳುಬುಲೆಚ್ಚಿಲ್ ಗ್ ಅನುದಾನ ಕೊರೊಡು ಪಂಡುದ್ ತುಳುಅಕಿಡೆಮಿಗ್ ಆಗ್ರಹ ಮಲ್ತೇರ್.
ಸಂಘಟನೆದ ಗುರ್ಕಾರೆರಾಯಿನ ಉದಯ್ ಪೂಂಜಾ ತಾಳಿಪಾಡಿಗುತ್ತು ಮೆರೆನ ಗುರ್ಕಾರ್ಮೆಡ್ ನಡತಿನ ಈ ಊಜ್ಜೊದ ಮಿತ್ತರ್ಮೆಡ್ ತುಳು ಉಪನ್ಯಾಸಕಿ ಮಣಿಮೋಹನ್ ರೈ, ದೈವನರ್ತಕೆ ಪ್ರದೀಪ್ ಕುಂಜಾಲ್ ಕಟ್ಟೆ, ಕಾಸರಗೋಡು ಎಗ್ಗೆದ ಗುರ್ಕಾರ್ದಿ ಕುಶಾಲಾಕ್ಷಿ ಕಣ್ವತೀರ್ಥ, ಒಡಿಪು ಎಗ್ಗೆದ ಸುಶೀಲ ಜಯಕರ್, ಬೆಂಗಳೂರು ಎಗ್ಗೆದ ನಿಧೀಶ್ ಶೆಟ್ಟಿ, ಕುಡ್ಲ ಎಗ್ಗೆದ ಮನೀಶ್ ಕುಮಾರ್, ಕಾರ್ಲ ಎಗ್ಗೆದ ರವಿಚಂದ್ರ, ಅಂಚೆನೇ ಮಾಜಿ ಗುರ್ಕಾರ್ಲಾಯಿನಶ್ರೀ ವಿಶು ಕರ್ಕೇರ, ಶ್ರೀ ಅಶ್ವತ್ ತುಲುವೆ, ಪ್ರಶಾಂತ್ ಸಾಲ್ಯಾನ್ ಸುದರ್ಶನ್ ಸುರತ್ಕಲ್ ಉಪಸ್ಥಿತರಿತ್ತೆರ್.
ಕಜ್ಜೊನ್ ಪ್ರಜ್ಞಾಶ್ರೀ ಮೇರ್ ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್. ಸಂತೋಷ್ ಊಟಪಾಡಿ ಸೊಲ್ಮೆ ಸಂದಾಯ್ತ ಮಲ್ತೆರ್.ರೇಣುಕಾ ಕಣಿಯೂರು, ಗೀತಾ ಲಕ್ಷ್ಮೀಶ್, ಲೇಸ್ ಸುಧಾರಿಕೆ ಮಲ್ತೆರ್.
by 