ಕೆಮ್ತೂರು ನಾಟಕ ಪಂತೊದ ಇನಾಮು

ತುಳು ಭಾಷೆ, ತುಳುನಾಡುದ  ಆಚಾರ-ವಿಚಾರ, ಸಂಸ್ಕೃತಿ ಬೊಕ್ಕ ವಿಶಿಷ್ಟ ವ್ಯವಸ್ಥೆನ್ ಜಗತ್ತುಗ್ ಪರಿಚಯ ಮಲ್ಪುನೇಟ್ ಉಡುಪಿ ತುಳುಕೂಟ  ಎಡ್ಡೆ ಕಾರ್ಯ ನಿರ್ವಹಣೆ ಮಲ್ತೊಂದುಂಡ್. 24 ವರ್ಷಡಿಂಚಿ ತುಳು ನಾಟಕ ಸ್ಪರ್ಧೆ ಆಯೋಜನೆದ  ಮೂಲಕ ತುಳು ಭಾಷೆ, ತುಳು ಕಲಾವಿದೆರೆಗ್ ಪ್ರೋತ್ಸಾಹ ಕೊರೊಂದುಂಡ್. ತುಳುಕೂಟದ ಈ ಕಾರ್ಯ ಬೊಕ್ಕ ಕೊಡುಗೆ ಜಗತ್ತು ದ ಬಾಕಿದ  ಭಾಷೆಗುಲಾ ಮಾದರಿಯಾದುಂಡ್ ಪಂಡುದು ಶಾಸಕ ಯಶ್ಪಾಲ್ ಸುವರ್ಣ ಶ್ಲಾಘನೆ ಮಲ್ತೆರು.
ಉಡುಪಿದ  ಎಂಜಿಎಂ ಕಾಲೇಜಿದ ಮುದ್ದಣ ಮಂಟಪಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ತುಳುಕೂಟ ಉಡುಪಿ ವತಿಡ್ದ್   ಫೆ.8 ತಾರೀಕು ಗ್ ಐತಾರ  ಆಯೋಜನೆ ಮಲ್ದಿನ ಕೆಮ್ತೂರು ದೊಡ್ಡಣ್ಣ ಶೆಟ್ಟಿ ಸ್ಮರಣಾರ್ಥ 24ನೇ ವರ್ಷದ ಕೆಮ್ತೂರು ತುಳು ನಾಟಕ ಪ್ರಶಸ್ತಿ ಪ್ರದಾನ ಸಮಾರಂಭಡ್ ಪಾತೆರಿಯೆರು. ತುಳುಭಾಷೆಗ್ ಸರಕಾರ ನ್ಯಾಯ ಕೊರ್ಪಿನ ಅಗತ್ಯ ಉಂಡು ಪಂಡೆರ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರಾಯಿನ ತಾರಾನಾಥ ಗಟ್ಟಿ ಕಾಪಿಕಾಡ್ ಅಧ್ಯಕ್ಷತೆಡಿತ್ತೆರು. ಜಿಲ್ಲಾ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕಿ ಪೂರ್ಣಿಮಾ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಧ ಸದಸ್ಯ ಉದ್ಯಾವರ ನಾಗೇಶಕುಮಾರ್, ಉಡುಪಿ ತುಳುಕೂಟದ ಸ್ಥಾಪಕ ಅಧ್ಯಕ್ಷೆ ಡಾ. ಭಾಸ್ಕರಾನಂದ ಕುಮಾರ್, ಬಿಲ್ಲವ ಸಮಾಜ ಸೇವಾ ಸಂಘ ಮಲ್ಪೆಧ ಅಧ್ಯಕ್ಷೆ ಗೋಪಾಲ್ ಸಿ. ಬಂಗೇರ, ತುಳುಕೂಟ ಉಡುಪಿಧ ಉಪಾಧ್ಯಕ್ಷ ಭುವನ ಪ್ರಸಾದ್ ಹೆಗ್ಡೆ, ಕೆಮ್ತೂರು ಕುಟುಂಬದ ವಿಜಯಕುಮಾರ್ ಶೆಟ್ಟಿ ಉಪಸ್ಥಿತರಿತ್ತೆರು.
ತುಳು ನಾಟಕ ಪಂತೊದ ತೀರ್ಪುಗಾರೆರಾದಿತ್ತಿನ ಡಾ.ಸುಕನ್ಯಾ ಮೇರಿ ಮಾರ್ಟಿಸ್ ಮೆರೆನ್ ಗುರ್ತ ಮಲ್ತುದ್ ಮಾನಾದಿಗೆ ಮಲ್ತೆರ್..
ತೇಜಸ್ವಿನಿ ಅನಿಲ್ ಸುಗಿತೆರು. ತುಳುಕೂಟ ಉಡುಪಿ ಅಧ್ಯಕ್ಷ ಬಿ. ಜಯಕರ್ ಶೆಟ್ಟಿ ಇಂದ್ರಾಳಿ ಸ್ವಾಗತ ಮಲ್ತುದ್, ಪ್ರಾಸ್ತಾವಿಕ ಪಾತೆರಿಯೆರು. ನಾಟಕ ಪಂತೊದ  ಬಗೆಟ್ ನಾಟಕ ಪರ್ಬ ಸಂಚಾಲಕ ಬಿ.ಪ್ರಭಾಕರ್ ಭಂಡಾರಿ ಮಾಹಿತಿ ಕೊರಿಯೆರು. ಖಜಾಂಜಿ ಚೈತನ್ಯ ಎಂ.ಜಿ. ಪ್ರಶಸ್ತಿ ಪುರಸ್ಕೃತೆರೆನ ಪಟ್ಟಿ ಓದಿಯೆರು. ರತ್ನಾಕರ ಇಂದ್ರಾಳಿ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ತುಳುಕೂಟ ಉಡುಪಿದ ಉಪಾಧ್ಯಕ್ಷ ದಿವಾಕರ್ ಸನಿಲ್ ಸೊಲ್ಮೆ ಸಂದಾಯ್ತ ಮಲ್ತೆರು.
ಸಭಾ ಕಾರ್ಯಕ್ರಮಡ್ ಸುರುಕ್ ಜಯರಾಂ ಮಣಿಪಾಲ್ ಬೊಕ್ಕ ತಂಡದಕ್ಲೆನ’ಪದರಂಗಿತ’ ತುಳುಗೀತ ಗಾಯನ ಕಾರ್ಯಕ್ರಮ ನಡತುಂಡ್.. ಸಭಾ ಕಾರ್ಯಕ್ರಮಡ್ ಬೊಕ್ಕ ತಮಾಂಗ್ ಹಿರೋಶಿ ಮೂಲ ಕಥೆತ, ಬಾಲಕೃಷ್ಣ ಶಿಬಾರ್ಲ ಅರೆನ ರಂಗರೂಪ ಬೊಕ್ಕ ಅನುವಾದಡ್, ವಿದ್ದು ಉಚ್ಚಿಲ್ ಅರೆನ ವಿನ್ಯಾಸ ಬೊಕ್ಕ ನಿರ್ದೇಶನಡ್ ‘ಯೇಸ’ ನಾಟಕ ಪ್ರದರ್ಶನ ನಡತುಂಡ್..