ಪಿಟ್ಟಿಕತೆ

ಪಿಟ್ಟಿಕತೆ

ಬೇಲಿ

ಶಂಕರಣ್ಣೆ ಬೊಕ್ಕ ದೂಜಣ್ಣೆಒಂಜೆ ನೆರಕೆರೆಟ್ ಬಾರಿ ಎಡ್ಡೆಡ್ ಇತ್ತೆರ್. ಆನಿ ಒಂಜಿ ಸಲ ಜಾಗೆದ ವಿಷಯಡ್ ಚೊರೆ ಆದ್ ಅವ್ವು ಲಡಾಯಿ ಮುಟ್ಟ ಪೋದ್ ಪಗೆಮಾನಿ ಆಯೆರ್. ಇರ್ಲ್ ಕರಿದ್ ಪಗೆಲ್ ಆಪಿನೆರ್ದ್ ದುಂಬು ರಡ್ಡ್ ಇಲ್ಲದ ನಡುಟ್ ಮುಳ್ಳುದ ಬೇಲಿ ತರೆ ದೆರ್ತ್ಂಡ್. ಐತಾರದ ಒಂಜಿ ದಿನ ರಡ್ಡ್ ಇಲ್ಲದ ಎಲ್ಯ ಪ್ರಾಯದ ಜೋಕುಲು ಇಲ್ಲಡ್ ತೋಜಿಜೆರ್. ಲೆತ್ತ್ಂಡಲ ಓ ಕೋರಂದಿನ ಜೋಕುಲೆನ್ ನಾಡೊಂದು ಬನ್ನಗ  ಇಲ್ಲದಕ್ಲೆಗ್ ಅಚ್ಚಿರ ತೋಜಿಂಡ್. ಜೋಕುಲು ಬರಿತ ಕಂಡೊಡು ಮಣ್ಣ್‌ಡ್ ಪೊರೆಲೊಂದು ತೆಲ್ತೊಂದು ಪತ್ತೊಂದು ಗೊಬ್ಬೊಂದಿತ್ತೆರ್. ಅಕುಲು ಉಡಲ್‌ಗ್ ಒವ್ವೆ ಬೇಲಿ ಪಾಡಂದೆ ಜೋಕುಲಾದ್ ಲಾಗ ಪಾಡೊಂದಿತ್ತೆರ್.

✍️ರಕ್ಷಿತ್. ಬಿ.ಕರ್ಕೇರ
     ಪದವಿನಂಗಡಿ
ತುಲುವೆರೆ ಕಲ (ರಿ)