ಮಸ್ಕತ್ ಡ್ ಮೇ.12 ಗ್ ಶಿವಧೂತ ಗುಳಿಗೆ..

ಮಸ್ಕತ್ ಡ್ ಮೇ 12 ತಾರೀಕುಗ್ “ಶಿವದೂತೆ ಗುಳಿಗೆ” ಪ್ರದರ್ಶನ.

ಮಸ್ಕತ್: ವಿಜಯ ಕುಮಾರ್ ಕೊಡಿಯಾಲಬೈಲ್ ಮೆರೆನ ನಿರ್ದೇಶನದ ವಿಭಿನ್ನ ಶೈಲಿದ ತುಳು ಬೊಕ್ಕ ಕನ್ನಡ ನಾಟಕ ದಾಖಲೆ ಸಂಖ್ಯೆಡ್ ಪ್ರೇಕ್ಷಕೆರು ತೂದ್ ಮೆಚ್ಚುಗೆ ಪಡೆಯಿನ “ಶಿವದೂತೆ ಗುಳಿಗೆ” ನಾಟಕ ಮೇ 12 ತಾರೀಕುದಾನಿ ಮಸ್ಕತ್ ದ ರೂವಿಯ ಅಲ್ ಫಲಾಜ್ ಹೋಟೆಲ್ ದ ಗ್ರಾಂಡ್ ಹಾಲ್ ಅಡಿಟೋರಿಯಂಡ್ ಪ್ರದರ್ಶನ ಆವರೆಗುಂಡ್.

ವಿಶ್ವ ಪರ್ಯಾಯ ಸಂಚಾರೊಡುಪ್ಪುನ ಭಾವಿ ಪರ್ಯಾಯ ಪೂಜ್ಯ ಪುತ್ತಿಗೆ ಮಠಾದೀಶೆರಾಯಿನ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿಲು ಮಸ್ಕತ್ ಗ್ ಭೇಟಿ ಕೊರಿನ ಈ ಸಂಧರ್ಭಡ್ ಅರೆನ ಸಾನಿಧ್ಯಡ್ ಲೆಪ್ಪೋಲೆ ಪತ್ರ ಬುಡುಗಡೆ ಸಮಾರಂಭ ಮಸ್ಕತ್ ದ ಶ್ರೀ ಕೃಷ್ಣ ದೇವಸ್ಥಾನ ದಾರ್ಸೈಟ್ನಡ್ ಇಂಚಪ್ಪೊಗ್ ನಡತುಂಡ್.
ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿಲು ಪಾತೆರ್ದ್ “ತುಳುನಾಡುದ ದೈವ ದೇವೆರುಲೆನ ಕಥೆ ಉಪ್ಪುನ ಈ ನಾಟಕೊನ್ ಮಸ್ಕತ್ ಡ್ ಉಪ್ಪುನ ಮಾತಾ ತುಳು ಕನ್ನಡಿಗೆರು ತೂವೊಡ್. ವಿಶೇಷವಾದ್ ಈ ನಾಟಕನ್ ನಮ್ಮ ಜೋಕ್ಲೆಗ್ ತೋಜಾದ್ ನಮ್ಮ ತುಳುನಾಡ ಸಂಸ್ಕೃತಿನ್ ಒರಿಪಾವುನ ಪ್ರಯತ್ನ ಆವೊಡ್ ಪಂಡೆರು. ಇತ್ತೆನೇ ಕರ್ನಾಟಕ, ಮುಂಬೈ ಬೊಕ್ಕ ಕೇರಳದ ಗಡಿನಾಡುಡ್ 400 ಕ್ ಲಾ ಜಾಸ್ತಿ ಪ್ರದರ್ಶನ ಆಯಿನ ಈ ನಾಟಕೊನ್ ಮಸ್ಕತ್ ಡ್ ಹೌಸ್ ಫುಲ್ ಪ್ರದರ್ಶನ ಮಲ್ಪುನವ್ ಮಾತೆರೆನ ಕರ್ತವ್ಯ ಪಂಡುದ್ ನಾಟಕೊಗ್ ಶುಭ ಹಾರೈಸಿಯೆರ್.”

ಸಮಾರಂಭಡ್ ಶ್ರೀ ಜಿ.ವಿ.ರಾಮಕೃಷ್ಣ, ಶ್ರೀ ಲಕ್ಷ್ಮೀ ನಾರಾಯಣ ಆಚಾರ್ಯ, ಶ್ರೀ ಹಿರಿಯಣ್ಣ ನಾರಾಯಣ ಸ್ವಾಮಿ , ಶ್ರೀ ಶಶಿಧರ್ ಶೆಟ್ಟಿ ಮಲ್ಲಾರ್, ಶ್ರೀ ದಿವಾಕರ್ ಶೆಟ್ಟಿ ಮಲ್ಲಾರ್, ಶ್ರೀ ಗಣೇಶ್ ಶೆಟ್ಟಿ ಕುತ್ತಾರ್ ಪದವು, ಶ್ರೀ ಎಂ. ಜೆ. ಚಂಗಪ್ಪ, ಶ್ರೀ ಮಂಜುನಾಥ್ ನಾಯಕ್, ಶ್ರೀ ನರೇಶ್ ಪೈ, ಶ್ರೀ ನಾಗೇಶ್ ಶೆಟ್ಟಿ ಕಿನ್ನಿಗೋಳಿ, ಶ್ರೀ ಡಾ ಅಂಚನ್ ಸಿ ಕೆ, ಶ್ರೀ ಯುವರಾಜ್ ಸಾಲಿಯಾನ್ ಮೊಕುಲು ಉಪಸ್ಥಿತರಿತ್ತೆರ್. ನಾಟಕ ಸಂಘಟಕೆರಾಯಿನ ಕರಾವಳಿ ಫ್ರೆಂಡ್ಸ್ ಮಸ್ಕತ್ನ ರಾಜೇಂದ್ರ ಶೆಟ್ಟಿ, ಹಿತೇಶ್ ಮಂಗಳೂರು , ಪದ್ಮಾಕರ್ ಮೆಂಡನ್ , ರಮಾನಂದ ಶೆಟ್ಟಿ ,ಮಂಜುನಾಥ್ ರಾವ್ , ರವೀಂದ್ರ ಆಚಾರ್ಯ , ಶಿವಾನಂದ್ ಕೋಟ್ಯಾನ್ , ರಾಮಕೃಷ್ಣ ಪ್ರಭು , ಸುಕುಮಾರ್ ಅಂಚನ್ ಗಣ್ಯೆರೆನ್ ಸ್ವಾಗತ ಮಲ್ತೆರ್. ಮಜಾನ್ ಈವೆಂಟ್ಸ್ ಈ ಕಾರ್ಯಕ್ರಮನ್ ಮಸ್ಕತ್ ಡ್ ಆಯೋಜನೆ ಮಲ್ತುದ್,
ನ್ಯಾಷನಲ್ ಬ್ಯಾಂಕ್ ಆಫ್ ಒಮಾನ್ ಪ್ರಸ್ತುತ ಪಡಿಸಾವರೆಗುಂಡ್.
ಕಾರ್ಯಕ್ರಮದ ಮುಖ್ಯ ಪ್ರಯೋಜಕೆರಾದ್ ಅಲ್ ಮಹಾ ಪೆಟ್ರೋಲಿಯಂ ಬೊಕ್ಕ ಸಹಪ್ರಯೋಜಕೆರಾದ್ ಮಲ್ಟಿಟೆಕ್ ಕಾಂಟ್ರಾಕ್ಟಿಂಗ್ ಸಹಕಾರ ಕೊರ್ತೆರ್.

ಮಂಗಳೂರುದ ಪ್ರಸಿದ್ಧ ನಾಟಕ ತಂಡ ಕಲಾಸಂಗಮದ ಸುಮಾರು 28 ಕಲಾವಿದೆರು ಶ್ರೀ ವಿಜಯ್ ಕುಮಾರ್ ಕೊಡಿಯಾಲಬೈಲ್ ಮೆರೆನ ದಕ್ಷ ನಿರ್ದೇಶನಡ್ ಈ ನಾಟಕೊನ್ ಪ್ರದರ್ಶನ ಮಲ್ಪರೆಗುಲ್ಲೆರ್.ಕಾಂತಾರ ಚಲನಚಿತ್ರ ಗುರುವ ಖ್ಯಾತಿದ ಸ್ವರಾಜ್ ಶೆಟ್ಟಿ ಗುಳಿಗನ ಪಾತ್ರೊಡ್ ಮಿಂಚರೆಗುಲ್ಲೆರ್.