.
ಸುಮನಸಾ ಕೊಡವೂರು ಆಟಿದ ಅಟ್ಟಿಲ್
ಸುಮನಸಾ ಕೊಡವೂರು ಸಂಸ್ಥೆದ ಪೊಂಜೊವುನಕುಲು ಆಟಿದ ಅಟ್ಟಿಲ್ಲ್ ಕಾರ್ಯಕ್ರಮ ಐತಾರಗ್ ಸುಮನಸಾ ಕಾರ್ಯಾಲಯಡ್ ನಡತುಂಡ್… ಸುಮನಸಾ ಕಾರ್ಯದರ್ಶಿ ಚಂದ್ರಕಾಂತ್ ಕುಂದರ್ ಬೊಕ್ಕ ಶಿಲ್ಪ ಚಂದ್ರಕಾಂತ್ ದಂಪತಿಲು ಸುರೇಖ ವಿನಯ್ ಮೇರು ತಯಾರ್ ಮಲ್ದಿನ ಗೆಂಡದಡ್ಡೆದ ಸೀಪೆನ್ ಪಟ್ಟೊಂಬಿನ ಮುಖೇನ ಕಾರ್ಯಕ್ರಮ ಉದಿಪನ ಮಲ್ತೆರು.. ಹಿರಿಯೆರಾಯಿನ ಸುಮತಿಯಮ್ಮ ಮೇರು ಆಟಿದ ವೈಶಿಷ್ಟ್ಯ, ಆಟಿ ಅಮಾವಾಸ್ಯೆದ ಕಷಾಯದ ವಿಶೇಷತೆನ್ ಸವಿವರವಾದ್ ತೆರಿಪಾಯೆರು… ಅಪ್ಪೆನಕುಲು ಆ ಕಾಲದ ಕಷ್ಟದ ದಿನೊಕ್ಲೆನ್ ಇನಿತ ಪೀಳಿಗೆಗ್ ತೆರಿಪಾವೊಂದ್ ಜೋಕ್ಲೆಗ್ ಪೊಕ್ಕಾಟ, ಜುಬಿಲಿ, ಚನ್ನೆಮಣೆ ಗೊಬ್ಬುನ್ ಪಂಡುದ್ ಕೊರಿಯೆರು. ತಂಕುಲೇ ತಯಾರ್ ಮಲ್ದಿನ ಆನಿದ ಕಾಲದ 33 ಬಗೆತ್ತ ತೆನಸುಲೆನ ಪರಿಚಯದ ಒಟ್ಟುಗ್ ಅಯಿಟುಪ್ಪುನ ಆರೋಗ್ಯ ಮಾಹಿತಿನ್ ಕೊರಿಯೆರು. ಸುಮನಸದ ಅಧ್ಯಕ್ಷೆರಾಯಿನ ಪ್ರಕಾಶ್ ಜಿ. ಕೊಡವೂರು ಪಾತೆರ್ದ್ ಜೋಕ್ಲೆನ್ ಮೊಬೈಲ್ ಡ್ ದೂರ ದೀಯರೆಗ್ ಇಂಚಿನ ಒಳಾಂಗಣ ಗೊಬ್ಬುಲು ಪೂರಕ ಪನ್ಪಿನ ಸಂದೇಶ ಕೊರಿಯೆರು. ಈ ಸಂದರ್ಭಡ್ ಸುಮನಸಾ ಸಂಚಾಲಕೆರಾಯಿನ ಭಾಸ್ಕರ್ ಪಾಲನ್ ಬೊಕ್ಕ ಪದಾಧಿಕಾರಿಲು, ಸರ್ವಸದಸ್ಯೆರು ಉಪಸ್ಥಿತರಿತ್ತೆರು. ವಿದ್ಯಾದಾಯಿನಿ, ಸಂಧ್ಯಾ ಪ್ರಕಾಶ್, ಗೀತಾ ಹರೀಶ್ ಮೊಕ್ಲೆನ ಪಾಡ್ದನದೊಟ್ಟುಗ್ ಕಾರ್ಯಕ್ರಮ ಸುರುವಾದ್ ವಿಜಯ ಭಾಸ್ಕರ್ ಮಾತೆರೆನ್ ಸ್ವಾಗತ ಮಲ್ತೆರು. ಪ್ರಿಯಾ ಪ್ರವೀಣ್ ಸೊಲ್ಮೆ ಸಂದಾಯ್ತ ಮಲ್ತುದ್ ಶೋಭಾ ಯೋಗೀಶ್ ಕಾರ್ಯಕ್ರಮದ ಮದಿಪು ಕೊರಿಯೆರು..
ಸುಮನಸಾ ಕೊಡವೂರು ಮಾತೆಯರಿಂದ ಆಟಿದ ಅಟ್ಟಿಲ್.
by 