ತುಳುಕೂಟ ಉಡುಪಿದ ವತಿಡ್ದ್ 22 ನೇ ವರ್ಷದ ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ನೆಂಪುದ ತುಳುನಾಟಕ ಪರ್ಬ ಉಂದುವೇ ಬರ್ಪಿನ ಜನವರಿ 7 ತಾರೀಕುಡ್ದ್ 13 ತಾರೀಕುಮುಟ್ಟ ಬಯ್ಯಗ್ 6.30 ಗಂಟೆಗ್ ಉಡುಪಿ ಎಮ್.ಜಿ.ಎಮ್.ಕಾಲೇಜಿದ ಮುದ್ದಣಮಂಟಪೊಡ್ ನಡಪರೆಗುಂಡ್.
7 ತಾರೀಕುದಾನಿ ಐತಾರ ಬಯ್ಯಗ್ 5 ಗಂಟೆಗ್ ಉಡುಪಿದ ಶಾಸಕೆರಾಯಿನ ಯಶ್ ಪಾಲ್ ಸುವರ್ಣೆರ್ ಕಜ್ಜೊದ ಉದಿಪನ ಮಲ್ಪರೆಗುಲ್ಲೆರ್.ಕಜ್ಜೊಡ್ ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್, ಉದ್ಯಮಿ ಪ್ರಸಾದ್ ರಾಜ್ ಕಾಂಚನ್, ತುಳುಕೂಟ ಪುಣೆದ ರಜತ ಮಹೋತ್ಸವ ಸಮಿತಿದ ಪ್ರವೀಣ್ ಶೆಟ್ಟಿ ಪುತ್ತೂರು, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಉಡುಪಿದ ಸಹಾಯಕ ನಿರ್ದೇಶಕೆರಾಯಿನ ಶ್ರೀಮತಿ ಪೂರ್ಣಿಮಾ,ಮಲ್ಲ ಬಿನ್ನೆರಾದ್ ಪಾಲ್ ಪಡೆಯರೆಗುಲ್ಲೆರ್.ತುಳುಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ ಕಜ್ಜೊದ ಗುರ್ಕಾರ್ಮೆಡುಪ್ಪುವೆರ್.ಉದಿಪನದ ಲೇಸ್ ಆಯಿಬೊಕ್ಕ ಸುರುತ್ತ ದಿನತ್ತ ನಾಟಕ ಗಯಾಪದ ಕಲಾವಿದೆರು ಉಬರ್ ಪುತ್ತೂರು ಮೊಕ್ಲೆನ ಶಶಿಕುಮಾರ್ ಕೂಳೂರು ಮಂಜೇಶ್ವರ ರಚನೆ ಮಲ್ತುದ್ ನಿರ್ದೇಶನ ಮಲ್ದಿನ “ಮುರಳಿ ಈ ಪಿರ ಬರೊಲಿ” ನಡಪರೆಗುಂಡ್.
ರಡ್ಡನೇ ದಿನತ್ತ ನಾಟಕ ವಿಷ್ಣು ಕಲಾವಿದೆರು ಮದ್ದಡ್ಕ ಮೊಕ್ಲೆನ ಅನಂತ್ ಎಸ್.ಇರ್ವತ್ತಾಯ ರಚನೆದ ದಿನೇಶ್ ಕರ್ಕೇರಾ ಮೂಡುಬಿದಿರೆ ನಿರ್ದೇಶನದ”ಬ್ರಹ್ಮದಂಡ”ಮೂಜನೇ ದಿನ ಓಂ ಶ್ರೀ ಕಲಾವಿದೆರು ಬಿ.ಸಿ.ರೋಡ್ ಕುಡ್ಲದಕ್ಲೆನ ಪದ್ಮನಾಭ ಆಚಾರ್ಯ ಪಚ್ಚಿನಡ್ಕ ರಚನೆದ ,ಸುರೇಶ್ ಕುಲಾಲ್ ಬಿ.ಸಿ.ರೋಡ್ ನಿರ್ದೇಶನದ “ಅಂದ್ಂಡ ಅಂದ್ ಪನ್ಲೆ”ನಾಲನೇ ದಿನತ್ತ ನಾಟಕ ಭೂಮಿಗೀತ ಸಾಂಸ್ಕೃತಿಕ ವೇದಿಕೆ ಪಟ್ಲದಕ್ಲೆನ ಐ.ಕೆ.ಬೊಳುವಾರು ರಂಗಪಠ್ಯದ ಸಂತೋಷ್ ನಾಯಕ್ ಪಟ್ಲ ನಿರ್ದೇಶನದ “ಒಂಜಿ ದಮ್ಮ ಪದ“ಐನೇ ದಿನತ್ತ ನಾಟಕ ಸಂಗಮ ಕಲಾವಿದೆರು ಮಣಿಪಾಲದ ರೋಹಿತ್ ಎಸ್.ಬೈಕಾಡಿ ನಿರ್ದೇಶನದ “ಮರಣ ಗೆಂದಿನಾಯೆ” ಆಜನೇ ದಿನತ್ತ ನಾಟಕ ನವಸುಮ ರಂಗಮಂಚ (ರಿ) ಕೊಡವೂರು ಮೊಕ್ಲೆನ ಬಾಲಕ್ರಷ್ಣ ಕೊಡವೂರು ನಿರ್ದೇಶನದ “ಗಿಡ್ಡಿ”ಏಳನೇ ದಿನತ್ತ ನಾಟಕ ಕರಾವಳಿ ಕಲಾವಿದೆರು ಮಲ್ಪೆದಕ್ಲೆನ ವಿಜಯ್ ಆರ್.ನಾಯಕ್ ಮಾರ್ಪಳ್ಳಿ ನಿರ್ದೇಶನದ “ಎನ್ನುಲಾಯಿದಾಲ್” ನಡಪರೆಗುಂಡ್ ಪಂಡುದ್ ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ನೆಂಪುದ ತುಳುನಾಟಕ ಪರ್ಬದ ಸಂಚಾಲಕೆರಾಯಿನ ಕೆ.ಪ್ರಭಾಕರ ಭಂಡಾರಿ , ಕಾರ್ಯಕರ್ತೆರಾಯಿನ ಗಂಗಾಧರ್ ಕಿದಿಯೂರು, ಪಣವುದ ಪಾಲವೆರಾಯನ ಚೈತನ್ಯ ಎಂ ಜಿ ಪತ್ರಿಕಾ ಪ್ರಕಟಣೆ ಡ್ ತೆರಿಪಾದೆರ್..
by 