ಪಗಪು ನಾಟಕ

ಜುಲೈ 18 : ತುಳು ಅಕಾಡೆಮಿ ವತಿಡ್ದ್  ‘ಪಗಪು’ ನಾಟಕ ಸುರುತ್ತ  ಪ್ರದರ್ಶನ

ಮಂಗಳೂರು: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಕಾಲೇಜು ವಿದ್ಯಾರ್ಥಿಲೆಗ್  ಆಯೋಜನೆ ಮಲ್ದಿನ ತುಳು ನಾಟಕ ಕಾರ್ಯಾಗಾರಡ್  ಅಮೃತ ಕಾಲೇಜಿದ ವಿದ್ಯಾರ್ಥಿಲೆಡ್ದ್  ತಯಾರಾತಿನ  ‘ಪಗಪು’ ತುಳು ನಾಟಕದ ಸುರುತ್ತ ಪ್ರದರ್ಶನ ಜು.18 ತಾರೀಕು ಗ್  2.30ಗಂಟೆಗ್  ಬಲ್ಮಠ ಸರಕಾರಿ ಪೊಣ್ಣು ಜೋಕ್ಲೆನ ಪದವಿ ಪೂರ್ವ ಕಾಲೇಜಿಡ್  ನಡಪರೆಗುಂಡ್..
ಹಿರಿಯ ನಿರ್ದೇಶಕೆರಾಯಿನ ಜಗನ್ ಪವಾರ್ ಬೇಕಲ್ ಮೇರು ನಿರ್ದೇಶನ ಮಲ್ದಿನ  ಈ ನಾಟಕದ ಸುರುತ ಪ್ರದರ್ಶನದ ಉದಿಪನನ್  ಜಿ.ಎಸ್.ಟಿ. ಬೊಕ್ಕ ಆದಾಯ ತೆರಿಗೆ ಸಲಹೆಗಾರೆರಾಯಿನ  ಯು. ಪುಂಡರೀಕಾಕ್ಷ ಮೂಲ್ಯ ನಡಪಾವರೆಗುಲ್ಲೆರು. ಕಾರ್ಯಕ್ರಮದ ಗುರ್ಕಾರ್ಮೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಗುರ್ಕಾರೆರಾಯಿನ  ತಾರಾನಾಥ್ ಗಟ್ಟಿ ಕಾಪಿಕಾಡ್ ಉಪ್ಪುವೆರು. ಇಂಟಾಕ್ ಮಂಗಳೂರು ಘಟಕದ ಸಂಚಾಲಕೆರಾಯಿನ  ಸುಭಾಷ್ ಬಸು, ಅಮೃತ ಕಾಲೇಜಿನ ಪ್ರಾಂಶುಪಾಲೆರಾಯಿನ  ಡಾ. ಚಂದ್ರಹಾಸ ಕಣ್ವತೀರ್ಥ ಮಲ್ಲ  ಬಿನ್ನೆರಾದ್ ಪಾಲ್ ಪಡೆಯರೆಗುಲ್ಲೆರ್..
ಕಾರ್ಯಕ್ರಮಡ್  ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ  ಕುಂಬ್ರ ದುರ್ಗಾ ಪ್ರಸಾದ್ ರೈ , ಸರಕಾರಿ ಪದವಿ ಪೂರ್ವ ಕಾಲೇಜಿದ ಪ್ರಾಂಶುಪಾಲೆರಾಯಿನ  ವನಿತಾ ದೇವಾಡಿಗ ಉಪಸ್ಥಿತರಿಪ್ಪುವೆರು ಪಂಡುದು ತುಳು ಅಕಾಡೆಮಿದ ಪ್ರಕಟಣೆ ತೆರಿಪಾದುಂಡ್..