ತುಳುವ ಮಹಾಸಭೆ.

ಉಡುಪಿ ತಾಲೂಕು ತುಳುವ ಮಹಾಸಭೆ ಸಂಚಾಲಕೆರೆನ  ಸಭೆ
ತುಳುವ ಮಹಾಸಭೆ ಮೂಲಕ ತುಳುನಾಡು ಕಟ್ಟುನ ಸಂಕಲ್ಪ – ತಾರಾ ಉಮೇಶ್ ಆಚಾರ್ಯ

ಉಡುಪಿ: ಉಡುಪಿ ತಾಲೂಕು ತುಳುವ ಮಹಾಸಭೆತ ಸಂಚಾಲಕೆರೆನ ಸಭೆ ಉಡುಪಿದ ಹಿಂದಿ ಭವನಡ್ ನಡತುಂಡ್.. ಸಭೆನ್ ತುಳುವರ್ಲ್ಡ್ ಫೌಂಡೇಶನ್‌ ಕಟೀಲ್, ಕಾರ್ಯದರ್ಶಿ ಬೊಕ್ಕ ಹಿಂದೂಸ್ತಾನ್ ಪೆಟ್ರೋಲಿಯಂ ಲಿಮಿಟೆಡ್‌ ದ ನಿವೃತ್ತ ಮುಖ್ಯ ಪರಿಚರಣ ಪ್ರಬಂಧಕೆರಾಯಿನ ವಸಂತ ರೈ ಕುತ್ತೆತ್ತೂರು ಉದಿಪನ ಮಲ್ತೆರು.

ಗುರ್ಕಾರ್ಮೆಡಿತ್ತಿನ  ತುಳುವರ್ಲ್ಡ್ ಫೌಂಡೇಶನ್‌ ದ ಒತ್ತು ಗುರ್ಕಾರ್ದಿ  ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆ ಶ್ರೀಮತಿ ತಾರಾ ಆಚಾರ್ಯ ಪಾತೆರ್ದ್ , “ತುಳುವ ಮಹಾಸಭೆಟ್  ಪ್ರತಿಯೊರಿ  ತುಳುವೆಲಾ ಪಾಲ್ ಪಡೆಯೊಡ್  . ನಮ್ಮ ಹಿರಿಯೆರು ಕಟ್ಟುದಿನ ತುಳುನಾಡುದ ಕನ  ನಿಜ ಮಲ್ಪರೆಗ್ ಉಂದು ಅಗತ್ಯ. ಸರಕಾರಡ್ ನಮ ನಾಡು-ಬೂಡು ಕೇಂದುಜ, ನಮ್ಮ ಭಾಷೆಗ್  ಮಾನಾದಿಗೆ  ಕೇಂಡ.. ಅವ್  ನನಲಾ ತಿಕ್ಕುಜಿಡ , ನಮ್ಮ ಸಂಸ್ಕೃತಿ-ಭಾಷೆನ್  ಒರಿಪಾದ್ ಬುಲೆಪಾವುನವ್  ನಮ್ಮ ಕರ್ತವ್ಯ” ಪಂಡುದು ಪಂಡೆರು.

ಕಾರ್ಯಕ್ರಮಡ್  ತುಳುವರ್ಲ್ಡ್ ಫೌಂಡೇಶನ್ ನಿರ್ದೇಶಕೆರು ಡಾ. ರಾಜೇಶ್ ಆಳ್ವ ಬದಿಯಡ್ಕ, ಪ್ರಧಾನ ಸಂಚಾಲಕೆರು ಬೊಕ್ಕ ಸಂಗೀತ ನಿರ್ದೇಶಕೆರು ಪ್ರಮೋದ್ ಸಪ್ರೆ, ಆಧ್ಯಾತ್ಮ ಸಾಧಕೆರು ಬೊಕ್ಕ ತುಳುವ ಮಹಾಸಭೆ ಮಂಗಳೂರು ತಾಲೂಕು ಸಂಚಾಲಕೆರು ಅರವಿಂದ ಬೆಳ್ಚಾಡ, ಕಾರ್ಯನಿರ್ವಾಹಕ ಸಂಚಾಲಕೆರಾಯಿನ  ರಾಘವೇಂದ್ರ ಶೆಟ್ಟಿ ಅತ್ರಾಡಿ ಬೊಕ್ಕ ಹರಿಪ್ರಸಾದ್ ರೈ ಜಿಕೆ ಉಪಸ್ಥಿತರಿತ್ತೆರು.

ಸಭೆಟ್  ಉಡುಪಿ ತಾಲೂಕು ಸಂಚಾಲಕೆರು ಸುನಿಲ್ ಸಾಲಿಯಾನ್ (ಗವರ್ನರ್ – ಅಲಯನ್ಸ್ ಇಂಟರ್‌ನ್ಯಾಷನಲ್), ವೈದ್ಯರತ್ನ ಭಾಸ್ಕರ ಪೂಜಾರಿ, ಅಶೋಕ್ ಶೆಟ್ಟಿ ಉಡುಪಿ, ರಕ್ಷಿತ್ ಆಚಾರ್ಯ (ಅಮೃತ ಭಾರತಿ ವಿದ್ಯಾಲಯ, ಹೆಬ್ರಿ), ಮಾಲತಿ ಆಚಾರ್ಯ (ಮಾಜಿ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ, ಬೊಮ್ಮರಬೆಟ್ಟು), ಆದಿತ್ಯ ಭಾಸ್ಕರ್ (ಸಿವಿಲ್ ಇಂಜಿನಿಯರ್, ಉಡುಪಿ), ಶಿವಪ್ರಸಾದ್ ಆಚಾರ್ಯ ಪೆರ್ಡೂರು (ಕಾಷ್ಠಶಿಲ್ಪಿ), ಉಲ್ಲಾಸ್ ಮೂರೂರು, ರಂಜಿತ್ ಕಾರ್ಕಳ, ಪ್ರಶಾಂತ್ ಹಿರಿಯಡ್ಕ ಮೊಕುಲು ಕಾರ್ಯ ವೈಖರಿ ಬಗೆಟ್ ಸಲಹೆ-ಸೂಚನೆ ಕೊರಿಯೆರು.

ತುಳುವ ಮಹಾಸಭೆತ  ಉಡುಪಿ ತಾಲೂಕು ಪ್ರಧಾನ ಸಂಚಾಲಕೆರು ಬೊಕ್ಕ ಆಧ್ಯಾತ್ಮ ಚಿಂತಕೆರು, ಪಾರಂಪರಿಕ ನಾಟಿ ವೈದ್ಯೆರಾಯಿನ  ವಿಶ್ವನಾಥ ಆಚಾರ್ಯ ಎದ್ಕೊನೊಂದ್, ಈ ತುಳುವ ಮಹಾಸಭಾ ಎಸ್.ಯು. ಪಣಿಯಾಡಿದರೆನ ಕನತಂಚ ಪ್ರತೀ ಇಲ್ಲ ಇಲ್ಲಗ್ ಮುಟ್ಟೊಡು  ಪಂಡುದ್ ಉಡುಪಿ ತಾಲೂಕುದ ತಮ್ಮ ಪರಿಕಲ್ಪನೆದ ತುಳುವ ಮಹಾಸಭೆಕ್ 2028 ಟ್  100 ವರ್ಷ ಆವರೆಗುಂಡ್.. ಈ ನಿಟ್ಟುಡ್  ತೊಡಗಿಸಾವೂನ ಬಗ್ಗೆ ವಿವರ ಕೊರಿಯೆರು. ಸೌಮ್ಯರಾಣಿ ವಿ. ಆಚಾರ್ಯ ಪೆರ್ಡೂರು , ಆರ್.ಹೆಚ್.ಪಿ ಆಯುರ್ವೇದ ಕೈರು ಮೇರು ಕಾರ್ಯಕ್ರಮ ನಿರ್ವಹಣೆ ಮಲ್ತೆರು. ಸಭೆಯಲ್ಲಿ ಅಕ್ಟೋಬರ್ 6ಡ್ದ್  11ಮುಟ್ಟ ತುಳುವೇಶ್ವರ ದೇವಸ್ಥಾನಡ್  ನಡಪುನ ಅಷ್ಟಮಂಗಳ ಪ್ರಶ್ನೆ ಚಿಂತನೆದ ಬಗ್ಗೆ ಪ್ರತಿಯೊರಿಲಾ ಪಾಲ್ ಪಡೆದ್ ಕಾರ್ಯ ಪ್ರವೃತ್ತರಾವರೆಗ್  ನಿರ್ಧಾರ ಮಲ್ತೆರ್.