ಡೊಂಬಿವಲಿ ತುಳುವ ಮಹಾಸಭಾ ಘಟಕದ ಸಂಚಾಲಕೆರಾದ್ ಕಲಾವಿದ, ಅನಿಮೇಟರ್ ಬೊಕ್ಕ ಆರ್ಟ್ ಪ್ರೊಫೆಸರ್ ಜಯ ಸಾಲಿಯನ್ ನೇಮಕ
ಡೊಂಬಿವಲಿ : ಕಲೆ, ಶಿಕ್ಷಣ, ಅನಿಮೇಷನ್ ಬೊಕ್ಕ ಸಮಾಜಮುಖಿ ಕ್ಷೇತ್ರಲೆಡ್ ತನ್ನನೇ ಆಯಿನ ವಿಶಿಷ್ಟ ಪುಗಾರ್ತೆನ್ ಪಡೆದಿನ ಕಲಾವಿದೆ, ಅನಿಮೇಟರ್, ಗುರು ಬೊಕ್ಕ ಕನ್ನಡ ಅನಿಮೇಷನ್ ಚಿತ್ರ ನಿರ್ದೇಶಕ ಜಯ ಸಾಲಿಯನ್ ಮೆರೆನ್ ಡೊಂಬಿವಲಿ ತುಳುವ ಮಹಾಸಭಾ ಘಟಕದ ಸಂಚಾಲಕೆರಾದ್ ನೇಮಕ ಮಲ್ದುಂಡ್..
ಮುಂಬೈ ವಿಶ್ವವಿದ್ಯಾಲಯಡ್ ಪಿಎಚ್.ಡಿ. ಮಲ್ತೊಂದುಪ್ಪುನ ಜಯ ಸಾಲಿಯನ್ ಮೇರು ಎಂ.ಎಸ್‌ಸಿ. (ಅನಿಮೇಷನ್ ಮತ್ತು ವಿಎಫ್‌ಎಕ್ಸ್ – ಗುಜರಾತ್ ವಿಶ್ವವಿದ್ಯಾಲಯ), ಬಿ.ವಿ.ಎ. (ದೃಶ್ಯಕಲೆ – ಕನ್ನಡ ವಿಶ್ವವಿದ್ಯಾಲಯ, ಹಂಪಿ), ಎಂ.ಎ. (ಕನ್ನಡ – ಮುಂಬೈ ವಿಶ್ವವಿದ್ಯಾಲಯ), ಎಂ.ಎಫ್.ಎ. (ಫೈನ್ ಆರ್ಟ್ಸ್ – ಶ್ರೀ ಅಲ್ಲಮಪ್ರಭು ಲಲಿತಕಲಾ ಅಕಾಡೆಮಿ, ಮೈಸೂರು), ಡಿಪ್ಲೊಮಾ ಇನ್ ಆರ್ಟ್ ಎಜುಕೇಷನ್ (ಸರ್ ಜೆ.ಜೆ. ಸ್ಕೂಲ್ ಆಫ್ ಆರ್ಟ್, ಮುಂಬೈ), ಬಿಎಫ್‌ಎ/ಜಿಡಿ ಆರ್ಟ್ (ಥಾಣೆ ಸ್ಕೂಲ್ ಆಫ್ ಆರ್ಟ್), ಎಟಿಡಿ (ಸರ್ ಜೆ.ಜೆ. ಸ್ಕೂಲ್ ಆಫ್ ಆರ್ಟ್, ಮುಂಬೈ) ಸೇರಿನಂಚ ಕೆಲವ್ ಪದವಿಲೆನ್ ಪಡೆತುದೆರ್..
ಪ್ರಸ್ತುತ ಎ.ಎಂ. ನಾಯಕ್ ಸ್ಕೂಲ್ ಕಲಾವಿಭಾಗದ ಮುಖ್ಯಸ್ಥೆರಾದುಪ್ಪುನ ಮೇರು, ಐಟಿಎಂ ಯೂನಿವರ್ಸಿಟಿಯಲ್ಲಿ ವಿಭಾಗ ಮುಖ್ಯಸ್ಥೆರಾದ್, ವಿಶ್ವನಿಕೇತನ ಇನ್‌ಸ್ಟಿಟ್ಯೂಟ್ ಆಫ್ ಡಿಸೈನ್ ಡ್ ಅತಿಥಿ ಉಪನ್ಯಾಸಕೆರಾದ್, ಪವಾರ್ ಪಬ್ಲಿಕ್ ಸ್ಕೂಲ್ (ಚಾಂದಿವಲಿ)ಡ್ ವಿಭಾಗ ಮುಖ್ಯಸ್ಥೆರಾದ್, ಅಶಾಪ್ರಭ ಚಿತ್ತರಕಲಾ ಮಹಾವಿದ್ಯಾಲಯ (ಕಳ್ಯಾಣ)ದಲ್ಲಿ ಪ್ರಾಧ್ಯಾಪಕೆರಾದ್, ಬಿರ್ಲಾ ಶಾಲೆ (ಕಳ್ಯಾಣ)ಡ್ ಕಲಾ ಶಿಕ್ಷಕೆರಾದ್ ಕಾರ್ಯನಿರ್ವಹಣೆ ಮಲ್ದೆರ್.. ಯುಟಿವಿ ಟೂನ್ಸ್ (ಮುಂಬೈ)ಡ್ ಅನಿಮೇಟರ್ ಆದ್, ಸಂಜೆ ಸುದ್ದಿ ಬೊಕ್ಕ ಮಹಾನಗರಿ ವರ್ತಾಹಾರ (ಮರಾಠಿ ಪತ್ರಿಕೆ)ಲೆಡ್ ಚಿತ್ರಕಾರ ಬೊಕ್ಕ ಲೇಔಟ್ ಕಲಾವಿದೆರಾದ್ ಸೇವೆ ಮಲ್ದೆರ್..
ತಮ್ಮ ಕಲಾ-ಶೈಕ್ಷಣಿಕ ಸಾಧನೆಗಾದ್ ಮಾಸ್ಟರ್ ಅವಾರ್ಡ್, ಪದ್ಮಶ್ರೀ ವಾಸುದೇವ ಗೈತೊಂಡೆ ಪ್ರಶಸ್ತಿ, ಆದರ್ಶ ಕಲಾ-ಶಿಕ್ಷಕ ಪ್ರಶಸ್ತಿ (ಮಹಾರಾಷ್ಟ್ರ ರಾಜ್ಯ ಕಲಾ ಅಧ್ಯಾಪಕ ಸಂಘ, ಮುಂಬೈ), ಗುರು ದ್ರೋಣಾಚಾರ್ಯ ಪ್ರಶಸ್ತಿ, ಅಂತರರಾಷ್ಟ್ರೀಯ ಆನ್‌ಲೈನ್ ಪೋರ್ಟ್ರೆಟ್ ಸ್ಪರ್ಧೆದ ಮೆರಿಟ್ ಪ್ರಶಸ್ತಿ, ಮಣಿಕರ್ಣಿಕಾ ಕಲಾಭೂಷಣ ಪ್ರಶಸ್ತಿ, ಐಡಿಟಿ ಡಿಸೈನ್ ಇನ್‌ಸ್ಟಿಟ್ಯೂಷನ್ ರಾಜ್ಯಮಟ್ಟದ ಪ್ರಶಸ್ತಿ, ಗ್ಲೋಬಲ್ ಗೋಲ್ಡ್ ಟ್ಯಾಲೆಂಟ್ ಬುಕ್ ಆಫ್ ರೆಕಾರ್ಡ್ಸ್ ಪ್ರಶಸ್ತಿ, ಗುರು ಗೌರವ ಇಂಚ ಕೆಲವ್ ಗೌರವಲೆನ್ ಪಡೆತುದೆರ್.
ಆರು ತಮ್ಮ ಕೃತಿಕುಲೆನ್ ದುಬೈ ಆರ್ಟ್ ಸೆಂಟರ್ (ದುಬೈ), ಛತ್ರಪತಿ ಶಿವಾಜಿ ಮಹಾರಾಜ ಪಾರ್ಕ್ ಆರ್ಟ್ ಫೆಸ್ಟಿವಲ್ (ದಾದರ್), ಅಫೋರ್ಡಬಲ್ ಆರ್ಟ್ ಫೇರ್ (ನೆಹರು ಸೆಂಟರ್, ಮುಂಬೈ), ಲಲಿತ್ ಕಲಾ ಭವನ (ದೆಹಲಿ), ವರಾಣಾಸಿ, ಭೋಪಾಲ್, ಬರೋಡಾ, ಅಹಮದಾಬಾದ್, ನಾಗಪುರ, ಗುವಾಹಾಟಿ, ವಿಜಯಪುರ ಸೇರಿನಂಚ ಕೆಲವ್ ರಾಷ್ಟ್ರಮಟ್ಟದ ಕಲಾ ಪ್ರದರ್ಶನಲೆಡ್ ಪ್ರದರ್ಶನ ಮಲ್ದೆರ್ . ಮೈಸೂರು ಅಸೋಸಿಯೇಷನ್ (ಮುಂಬೈ), ಪಿ.ಎಲ್. ದೇಶಪಾಂಡೆ ಆರ್ಟ್ ಗ್ಯಾಲರಿ (ಮುಂಬೈ), ಲಲಿತ್ ಕಲಾ ಅಕಾಡೆಮಿ (ದೆಹಲಿ), ಬೀದರ ಚಿತ್ರಸಂತೆ ಇಂಚ ಪ್ರಮುಖ ಕಲಾ ವೇದಿಕೆಡುಲಾ ಪಾಲ್ ಪಡೆದೆರ್.
ಡೊಂಬಿವಲಿದ ತುಳುವ ಸಮುದಾಯದ ಕಲ್ಯಾಣ ಬೊಕ್ಕ ತುಳು ಭಾಷೆ ಬೊಕ್ಕ ಸಂಸ್ಕೃತಿದ ಪ್ರಚಾರ-ಪ್ರಸಾರದ ಹಿತಾಸಕ್ತಿಡ್ ಜಯ್ ಸಾಲಿಯನ್ ಅರೆನ್ ಡೊಂಬಿವಲಿ ತುಳುವ ಮಹಾಸಭಾ ಘಟಕದ ಸಂಚಾಲಕೆರಾದ್ ನೇಮಕ ಮಲ್ದುಂಡ್..
ಈ ನೇಮಕಕ್ಕೆ ತುಳುವರ್ಲ್ಡ್ ಫೌಂಡೇಶನ್ ಗೌರವಾಧ್ಯಕ್ಷ ಶ್ರೀ ಶ್ರೀಹರಿನಾರಾಯಣ ದಾಸ ಅಸ್ರಣ್ಣ, ಅಧ್ಯಕ್ಷ ಶ್ರೀ ಸರ್ವೋತ್ತಮ ಶೆಟ್ಟಿ (ಅಬುಧಾಬಿ) , ಮುಂಬೈ ಸಂಚಾಲಕೆರಾಯಿನ ಅಡ್ವೊ. ರತ್ನಾಕರ ಶೆಟ್ಟಿ ಮೊರ್ಲಾ ಅಭಿನಂದನೆ ಕೊರ್ತೆರ್.. ಜಯ ಸಾಲಿಯನ್ ಅರೆನ ನೇತೃತ್ವಡ್ ಡೊಂಬಿವಲಿದ ತುಳುವ ಸಮುದಾಯದ ಚಟುವಟಿಕೆಲು ನನಲಾತ್ ಬಲ ಪಡೆಯಡ್ ಪನ್ಪಿನ ವಿಶ್ವಾಸನ್ ವ್ಯಕ್ತಪಡಿಸಾದೆರ್..
by 