ಕೊಡವೂರುಡ್ ಬೃಹತ್ ಉದ್ಯೋಗ

ಮೇ 18, 2026 ಗ್ ಉಡುಪಿ ಜಿಲ್ಲೆದ ಕೊಡವೂರುಡ್ ಬೃಹತ್ ಉದ್ಯೋಗ ಮೇಳ
ಬೊಕ್ಕ ಸ್ಟಾರ್ಟ್‌ಅಪ್ ಹಾಗೂ ಸ್ವಯಂ ಉದ್ಯೋಗ ಮಾರ್ಗದರ್ಶನ:
60ಕ್ಕ್ ಲಾ ಜಾಸ್ತಿ ಪ್ರತಿಷ್ಠಿತ ಕಂಪೆನಿಲು, 6000ಕ್ಕ್ ಲಾ ಜಾಸ್ತಿ ಉದ್ಯೋಗ ಅವಕಾಶೊಲು
ಯುವಕೆರೆಗ್ ಉದ್ಯೋಗ, ಇಂಟರ್ನ್‌ಶಿಪ್ ಬೊಕ್ಕ ವೃತ್ತಿ ಮಾರ್ಗದರ್ಶನ ಒದಗಿಸಾವುನ ಉದ್ದೇಶಡ್ ಮೇ 18, 2026 ಗ್  ಉಡುಪಿ ಜಿಲ್ಲೆದ  ಕೊಡವೂರುಡ್ ಬೃಹತ್ ಉದ್ಯೋಗ ಮೇಳ ನಡಪರೆಗುಂಡ್..  ಪಂಡುದ್ ಉದ್ಯೋಗ ಮೇಳದ ಸಂಚಾಲಕಿ ದಿವ್ಯಾ ರಾಣಿ ತೆರಿಪಾದೆರ್. ಉಡುಪಿ ಪ್ರೆಸ್ ಕ್ಲಬ್ ಡ್ ನಡತಿನ ಪತ್ರಿಕಾಗೋಷ್ಠಿಡ್ ಆರ್ ಪಾತೆರಿಯೆರ್.ಈ ಕಾರ್ಯಕ್ರಮೊನ್ ಸಾರಲತಾ ಐಟಿ ಸೊಲ್ಯೂಷನ್ಸ್ ಬೊಕ್ಕ ಸರಳಾ ಬಾಬುರಾವ್ ಚಾರಿಟೇಬಲ್ ಟ್ರಸ್ಟ್ ವತಿಡ್ದ್ , ಶ್ರೀ ಶಂಕರ ನಾರಾಯಣ ದೇವಸ್ಥಾನ ಬೊಕ್ಕ ತೆಂಕನಿಡಿಯೂರು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿದ ಸಹಯೋಗಡ್  ಆಯೋಜನೆ ಮಲ್ದುಂಡ್..
ಮ್ಯಾನೇಜ್‌ಮೆಂಟ್, ಎಂಜಿನಿಯರಿಂಗ್, ಉತ್ಪಾದನಾ ವಲಯ, ಆರೋಗ್ಯ ಸೇವೆ, ಹೋಟೆಲ್, ಬ್ಯಾಂಕಿಂಗ್ ಬೊಕ್ಕ ಹಣಕಾಸು, ಮಾರಾಟ  ಬೊಕ್ಕ ಮಾರುಕಟ್ಟೆ, ತಾಂತ್ರಿಕ ಸೇವೆಲು, ಲಾಜಿಸ್ಟಿಕ್ಸ್  ಬೊಕ್ಕ ಸೇವಾ ವಲಯ, ಕೌಶಲ್ಯ ವಿವಿಧ ಕ್ಷೇತ್ರಲೆನ  60 ಕ್ಕ್  ಲಾ ಜಾಸ್ತಿ ಪ್ರತಿಷ್ಠಿತ ಕಂಪೆನಿಲು ಈ ಉದ್ಯೋಗ ಮೇಳಡ್ ಪಾಲ್ ಪಡೆಯರೆಗುಲ್ಲೆರ್.
ಟೊಯೋಟಾ-ಕಿರ್ಲೋಸ್ಕರ್, ಇನ್‌ವೆಂಜರ್ ಟೆಕ್ನಾಲಜೀಸ್, ಮೆಜೆಸ್ಟಿಕ್ ಗ್ಲೋಬಲ್ ಲಾಜಿಸ್ಟಿಕ್ಸ್, ಅನಾನ್ ಗ್ರೂಪ್, ವಿನ್‌ಮ್ಯಾನ್ ಸಾಫ್ಟ್‌ವೇರ್, ಅಮೆಜಾನ್, ಬ್ರೇವೆರಾ ಟೆಕ್ನಾಲಜೀಸ್, ವಿಆರ್‌ಎನ್ ಇನ್ಫೋಟೆಕ್, ಡಾ. ರೆಡ್ಡೀಸ್ ಫೌಂಡೇಶನ್, ಸ್ವಿಗ್ಗಿ, ಎಚ್‌ಡಿಎಫ್‌ಸಿ ಬ್ಯಾಂಕ್, ಮಣಿಪಾಲ್ ಪೇಮೆಂಟ್ ಅಂಡ್ ಐಡೆಂಟಿಟಿ ಮತ್ತು ಅಕೋಲೇಡ್ ಸೇರಿನಂಚ ಅನೇಕ ಪ್ರಮುಖ ಕಂಪೆನಿಲು ಪಾಲ್ ಪಡೆಯರೆಗುಲ್ಲೆರ್..
ಪದವಿ, ಡಿಪ್ಲೊಮಾ, ಎಂಜಿನಿಯರಿಂಗ್, ಐಟಿಐ, ಪಿಯುಸಿ, ಎಸ್‌ಎಸ್‌ಎಲ್‌ಸಿ ಬೊಕ್ಕ ವಿವಿಧ ಕೌಶಲ್ಯ ಆಧಾರಿತ ಅರ್ಹತೆ ಪಡೆಯಿನ ಅಭ್ಯರ್ಥಿಲೆಗ್  6,000 ಕ್ಕ್ ಲಾ ಜಾಸ್ತಿ  ಉದ್ಯೋಗಾವಕಾಶೊಲು ಲಭ್ಯ ಉಂಡು.. ಪೊಸ ಅಭ್ಯರ್ಥಿಲು ಬೊಕ್ಕ ಅನುಭವ ಇತ್ತಿನಕ್ಲೆಗ್ ಸಮಾನ ಅವಕಾಶೊಲು ತಿಕ್ಕರೆಗುಂಡ್.
ಅಭ್ಯರ್ಥಿಲೆಗ್  ನೇರ ಸಂದರ್ಶನಲೆಡ್  ಪಾಲ್ ಪಡೆಯರೆಗುಲ್ಲೆರ್ ಕಂಪನಿ ಪ್ರತಿನಿಧಿನೆಲೆನೊಟ್ಟುಗ್  ಸಂವಾದ ನಡಪಾವುನ್  ಬೊಕ್ಕ ಬೆಂಗಳೂರು, ಮೈಸೂರು, ಮಂಗಳೂರು ಬೊಕ್ಕ ಉಡುಪಿಡ್  ಉದ್ಯೋಗ ಅವಕಾಶಲೆನ್ ತೆರಿಯುನ ಅವಕಾಶ ಸಿಕ್ಕುಂಡ್.
ಈ ಬಾರಿ ವಿಶೇಷವಾದ್  ಸ್ಟಾರ್ಟ್‌ಅಪ್ ಬೊಕ್ಕ ಸ್ವಯಂ ಉದ್ಯೋಗ ಮಾರ್ಗದರ್ಶನ ಕಾರ್ಯಕ್ರಮಲೆನ್ ಸುರುತ್ತ ಬಾರಿಗ್  ಉಡುಪಿಡ್  ಪರಿಚಯ ಮಲ್ಪರೆಗುಲ್ಲೆರ್.. ಮಣಿಪಾಲ್ ಯುನಿವರ್ಸಲ್ ಬಿಸಿನೆಸ್ ಇಂಕ್ಯೂಬೇಟರ್ಸ್, ಯೆನೆಪೊಯ ಟೆಕ್ನಾಲಜಿ ಇಂಕ್ಯೂಬೇಟರ್ ಮತ್ತು ರುಡ್ಸೆಟಿ ಸಂಸ್ಥೆಲು ಉದ್ಯಮ ಆರಂಭ ಮಲ್ಪರೆಗ್ ಬಯಕುನ ಯುವಕೆರೆಗ್ ಮಾರ್ಗದರ್ಶನ ಬೊಕ್ಕ ಮೆಂಟರ್‌ಶಿಪ್ ಕೊರ್ರೆಗುಲ್ಲೆರ್..
ಉದ್ಯೋಗ ಮೇಳದ ಅಧ್ಯಕ್ಷೆ ಡಾ. ದಿವ್ಯ ರಾಣಿ ಪಾತೆರ್ದ್, “ಒಂಜೇ ವೇದಿಕೆಡ್ ತಕ್ಷಣದ ಸಂದರ್ಶನ, ತಕ್ಷಣದ ಆಯ್ಕೆ, ಇಂಟರ್ನ್‌ಶಿಪ್ ಅವಕಾಶೊಲು ಬೊಕ್ಕ ಉದ್ಯಮಿತ್ವ ಮಾರ್ಗದರ್ಶನೊನ್  ಒದಗಿಸಾವುನ ಸಮಗ್ರ ವೃತ್ತಿ ವೇದಿಕೆಯಾದ್  ಈ ಕಾರ್ಯಕ್ರಮ ರೂಪಿಸಾದುಂಡ್. ವಿಶೇಷವಾದ್  ಗ್ರಾಮೀಣ ಭಾಗದ ಯುವಕೆರು ಈ ಸುವರ್ಣಾವಕಾಶೊನ್ ಸದುಪಯೋಗ ಮಲ್ತೊನೊಡ್” ಪಂಡುದು ಲೆಪ್ಪು ಕೊರಿಯೆರು.
ಅಭ್ಯರ್ಥಿಲು  ಈ  ಗೂಗಲ್ ಲಿಂಕ್ ಮೂಲಕ ನೋಂದಣಿ ಮಲ್ತೊನೊಲಿ https://forms.gle/Zvx4BmwCdYSch1ZF6 ಅತ್ತುಂಡ ಮೇ 18  ಕಾಂಡೆ 9.00 ಡ್ದ್  ಬಯ್ಯಗ್ 4.00 ಗಂಟೆಮುಟ್ಟ ಕೊಡವೂರುದ  ಶ್ರೀ ಶಂಕರ ನಾರಾಯಣ ದೇವಸ್ಥಾನದಲ್ಪ  ವಿಪ್ರಶ್ರೀ ಸಭಾಭವನಗ್  ನೇರವಾದ್  ಭೇಟಿ ಕೊರ್ದು ಪಾಲ್ ಪಡೆಯೊಲಿ.. ಅಭ್ಯರ್ಥಿಲು ಕನಿಷ್ಠ 5 ಡ್ದ್ 7 ಪ್ರತಿಕುಲೆನ  CV ಬೊಕ್ಕ ID Card ಕನವೊಡ್..

Dr. Divya Rani
President, Mega Job Fair