ಕನ್ನಿ ಮೀನುಗಾರರ ಸಂಘದ ಅಧ್ಯಕ್ಷ

*ಮಲ್ಪೆ ಬಂದರು ದ ಪ್ರತಿಷ್ಠಿತ ಸಂಸ್ಥೆಲೆಡ್  ಒಂಜಾಯಿನ ಕನ್ನಿ ಮೀನುಗಾರರ ಸಂಘ ( ರಿ) ಮಲ್ಪೆ. ದ ದುಂಬುದ ಸಾಲುದ ಆಡಳಿತ ಮಂಡಳಿಗ್   ಸತತ ನಾಲನೇ ಸರ್ತಿ ಅಧ್ಯಕ್ಷೆರಾದ್ ಸರ್ವಾನುಮತಡ್   ದಯಕರ್ ವಿ ಸುವರ್ಣ ಮೇರ್ ಆಯ್ಕೆ ಆತೆರ್ .ಕರಿನ  ಕೆಲವು ವರ್ಷಡಿಂಚಿ ಸಂಘೊನ್ ಎಡ್ಡೆ ಮಟ್ಟಡ್  ನಡಪಾವೊಂದ್ ಅಭಿವೃದ್ಧಿದ  ಸಾದಿಡ್ ಸಾಗೊಂದ್  ಬಂದರುಡ್  ಒಂಜಿ  ಪ್ರತಿಷ್ಠಿತ ಸಂಘವಾದ್  ಪ್ರಮುಖೆರೆನೊಟ್ಟುಗ್  ಸದಸ್ಯೆರೆನೊಟ್ಟುಗ್ ಎಡ್ಡೆ ಬಾಂಧವ್ಯ ದೀಯೊಂದ್ ಸದಸ್ಯೆರೆಗ್ ಸಂಘಡ್  ಸಿಕ್ಕುನ ಆರೋಗ್ಯ ನಿಧಿ, ದುರಂತ ಪರಿಹಾರ ನಿಧಿ, ವಿಮೆ ಯೋಜನೆ ಇಂಚ ಒವ್ವೇ ಸೌಲಭ್ಯ ಸಿಕ್ಕುನಲ್ಪ  ಪ್ರಮುಖ ಪಾತ್ರ ಪಡೆದೆರ್. ಸಂಘದ ಮಾತಾ ಸದಸ್ಯೆರೆನ  ಸಹಕಾರದೊಟ್ಟುಗ್   ಧಾರ್ಮಿಕ ಸಾಮಾಜಿಕ ಕೆಲಸ ಕಾರ್ಯೊಲೆನ್  ಮಲ್ತೊಂದ್ ಬಂದರುಡುಪ್ಪುನ  ಮಾತಾ ಸಂಘದಕ್ಲೆನೊಟ್ಟುಗ್  ಪ್ರೀತಿ ವಿಶ್ವಾಸದೊಟ್ಟುಗ್  ಇತ್ತುದ್ ಮಲ್ಪೆ ಮೀನುಗಾರ ಸಂಘದ ಒಟ್ಟುಗ್  ಬಂದರುದ ಸರ್ವತೋಮುಖ ಅಭಿವೃದ್ಧಿಡ್ ತಮ್ಮ ಸಂಘೊನ್   ತೊಡಗಿಸಾವೊಂದ್ ತನ್ನ  ಪ್ರತಿಷ್ಠಿತ ಸಂಘೊನ್ ಎಡ್ಡೆ  ರೀತಿಡ್  ದುಂಬರಿತೊಂದ್  ಪೋಪಿನಲ್ಪ ಪ್ರಧಾನ ಪಾತ್ರ ವಹಿಸೊಂದೆರ್ .ಅರೆನ  ಕಾರ್ಯ ತೂದ್ ಸಂಘದಕುಲಕ ದಯಕರ್ ವಿ ಸುವರ್ಣೆರೆನ್ ಕುಡೊರ ಅಧ್ಯಕ್ಷೆರಾದ್ ಆಯ್ಕೆ ಮಲ್ದೆರ್.