ವರ್ಡ್ ಪ್ರೆಸ್ ಕ್ಯಾಂಪಸ್

ಭಂಡಾರ್ಕಾರ್ಸ್ ಕಾಲೇಜಿಡ್  ವರ್ಡ್‌ಪ್ರೆಸ್ ಕ್ಯಾಂಪಸ್ ಕನೆಕ್ಟ್ — 120 ವಿದ್ಯಾರ್ಥಿಲೆಗ್ ಪ್ರಾಯೋಗಿಕ ತರಬೇತಿ

ಕುಂದಾಪುರ, ಅಕ್ಟೋಬರ್ 5, 2025:
ವರ್ಡ್‌ಪ್ರೆಸ್ ಉಡುಪಿ ಸಮುದಾಯದ ಸಹಯೋಗಡ್ ಭಂಡಾರ್ಕಾರ್ಸ್ ಆರ್ಟ್ಸ್ ಅಂಡ್ ಸೈನ್ಸ್ ಕಾಲೇಜು, ಕುಂದಾಪುರಡ್ ಅಕ್ಟೋಬರ್ 3 ಬೊಕ್ಕ 4ಗ್ ರಡ್ಡ್  ದಿನ “ವರ್ಡ್‌ಪ್ರೆಸ್ ಕ್ಯಾಂಪಸ್ ಕನೆಕ್ಟ್” ಶಿಬಿರ ಯಶಸ್ವಿಯಾದ್ ನಡತುಂಡ್.. ಕಂಪ್ಯೂಟರ್ ಸೈನ್ಸ್ ವಿಭಾಗದ ಒಟ್ಟು 120 ವಿದ್ಯಾರ್ಥಿ ಲು ಈ ಶಿಬಿರಡ್  ವರ್ಡ್‌ಪ್ರೆಸ್ ಗಲಸುದ್ ವೆಬ್‌ಸೈಟ್ ನಿರ್ಮಾಣದ ಪ್ರಾಯೋಗಿಕ ತರಬೇತಿನ್ ಕೊರಿಯೆರ್..

ದಿನೊಕ್ 60 ವಿದ್ಯಾರ್ಥಿಲೆನಂಚ  ವಿಭಾಗ ಮಲ್ದಿನ ಈ ತರಬೇತಿಡ್ , ವಿನ್ಯಾಸದ ಮೂಲ ಅಂಶಡ್ದ್   ಪ್ರಕಟಣೆ ಹಂತಮುಟ — ವರ್ಡ್‌ಪ್ರೆಸ್‌ ದ ಸಂಪೂರ್ಣ ಕಾರ್ಯವಿಧಾನೊನ್ ವಿದ್ಯಾರ್ಥಿಲು ತೆರಿಯೊಂಡೆರು.

ಕಾರ್ಯಕ್ರಮೊನ್  ಪ್ರಾಂಶುಪಾಲ ಡಾ. ಶುಭಕರಾಚಾರಿ  ತುಡರ್ ಅರ್ಲಾದ್ ಉದ್ಘಾಟನೆ ಮಲ್ತೆರು. ಆರು ವಿದ್ಯಾರ್ಥಿಲು ಮುಕ್ತ ತಂತ್ರಜ್ಞಾನದ ಸಹಾಯಡ್ದ್  ಪೊಸ ಸೃಜನಾತ್ಮಕ ಪ್ರಯತ್ನಲೆಗ್  ಕೈಪಾಡೊಡು ಪಂಡುದು ಪ್ರೇರೇಪಣೆ ಮಲ್ತೆರು.

ಕಾರ್ಯಕ್ರಮದ ಯಶಸ್ಸುಗ್ ಕಂಪ್ಯೂಟರ್ ಸೈನ್ಸ್ ವಿಭಾಗದ ಮುಖ್ಯಸ್ಥ ಶ್ರೀ ಗಣೇಶ್ ಕೆ. ಅರೆನ ಮಾರ್ಗದರ್ಶನಡ್ ಶ್ರೀಮತಿ ವಿಜಯಲಕ್ಷ್ಮಿ ಎನ್. ಶೆಟ್ಟಿ, ಶ್ರೀ ರಾಮಚಂದ್ರ ಆಚಾರಿ, ಬೊಕ್ಕ ಶ್ರೀಮತಿ ಚೇತನಾ (ಕಾರ್ಯಕ್ರಮ ಸಂಯೋಜಕಿ) ಮೆರೆನ ಶ್ರಮ ಇತ್ತುಂಡ್..

ವರ್ಡ್‌ಪ್ರೆಸ್ ಉಡುಪಿ ತಂಡೊಡ್ದ್  ಶಶಿಕಾಂತ್ ಶೆಟ್ಟಿ (ಸ್ಥಾಪಕ, SabWeb), ಕೆ. ಕೀರ್ತಿ ಪ್ರಭು (ಸೀನಿಯರ್ ಟೆಸ್ಟರ್, QualityKiosk, ಮುಂಬೈ), ಹಾಗೂ ವಿ. ಗೌತಮ್ ನಾವಡ (ಸ್ಥಾಪಕ ಮತ್ತು ನಿರ್ದೇಶಕ, ForthFocus) ಶಿಬಿರೊನ್ ದುಂಬರಿತೆರು.

ಕಾರ್ಯಕ್ರಮದ ನಿರ್ವಹಣೆಗ್ ಓಂಕಾರ ಉಡುಪ (ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ, Kotisoft Solutions, ಕೋಟೇಶ್ವರ), ಮಂಜುನಾಥ ಎಂ. ಎಂ. (ಸ್ಥಾಪಕ, Yuktha Digitals, ತೀರ್ಥಹಳ್ಳಿ), ಬೊಕ್ಕ ಚಂದನಾ ಜಿ. ಎಂ. (ಕಾರ್ಯನಿರ್ವಹಣಾ ನಿರ್ವಾಹಕಿ, ForthFocus) ಆರು ಸಹಕಾರ ಕೊರಿಯೆರು.

ಪ್ರತಿನಿಧಿಲೆನ  ಪಾತೆರ.

“ಒರ ನಮ  ಕಲ್ತಿನ  ತರಗತಿಡೇ  ಕುಡೊರ ಬತ್ತುದ್ ವಿದ್ಯಾರ್ಥಿಲೆಗ್  ಮಾರ್ಗದರ್ಶನ ಕೊರ್ಪಿನ ಅವಕಾಶ ಸಿಕ್ಕಿನಪಗ ಅವ್ ಮನಸ್ಸು ಡ್ ಕೈತಲ್ ಆಯಿನ  ಕ್ಷಣವಾದಿತ್ತುಂಡ್.. ವಿದ್ಯಾರ್ಥಿಲೆನ ಉತ್ಸಾಹ ಬೊಕ್ಕ ಕಲ್ಪುನ ಹಂಬಲ ತೂದ್  ಕಾಲೇಜು ದಿನೊಕುಲ್  ಕುಡೊರ ನೆನಪಾಂಡ್,” ಪಂಡುದು ಕೆ. ಕೀರ್ತಿ ಪ್ರಭು, ಸೀನಿಯರ್ ಟೆಸ್ಟರ್, QualityKiosk, ಮುಂಬೈ ಪಂಡೆರು.

“ವಿದ್ಯಾರ್ಥಿಲೆನ  ತಂತ್ರಜ್ಞಾನ ಅರಿವುದೊಟ್ಟುಗ್  ಸೃಜನಾತ್ಮಕತೆ ಲಾ ತೋಜಿಂಡ್. ಈ ಶಿಬಿರ ಕೇವಲ ತಾಂತ್ರಿಕ ತರಬೇತಿ ಅತ್ತ್— ಪೊಸ ಆಲೋಚನೆಲೆಗ್ ಬಾಕಿಲು ದೆಪ್ಪುನ ಪ್ರಯತ್ನ,” ಪಂಡುದು ಮಂಜುನಾಥ ಎಂ. ಎಂ., ಸ್ಥಾಪಕ, Yuktha Digitals, ತೀರ್ಥಹಳ್ಳಿ ಪಂಡೆರು.

ರಡ್ಡ್  ದಿನತ್ತ  ತರಬೇತಿ ಶಿಬಿರದ ಅಂತ್ಯೊಡ್  ವಿದ್ಯಾರ್ಥಿಲೆಡ್ದ್  ನಿರ್ಮಿಸಾಯಿನ  120 ಪೊಸ ವೆಬ್‌ಸೈಟ್‌ ಲು ಆನ್‌ಲೈನ್‌ ಡ್ ಪ್ರಕಟ ಆತುಂಡ್. ಉಂದು ವಿದ್ಯಾರ್ಥಿಲೆನ ಸೃಜನಶೀಲತೆ ಬೊಕ್ಕ ಮುಕ್ತ ಕಲಿಕೆದ  ಮನೋಭಾವಗ್  ಜೀವಂತ ಸಾಕ್ಷಿಯಾಂಡ್.. ವರ್ಡ್‌ಪ್ರೆಸ್ ಉಡುಪಿ ತಂಡ ಭಂಡಾರ್ಕಾರ್ಸ್ ಕಾಲೇಜು ಆಡಳಿತ ಬೊಕ್ಕ ಅಧ್ಯಾಪಕೆರೆಗ್ ಆತಿಥ್ಯ ಬೊಕ್ಕ ಸಹಕಾರಗಾದ್  ಹೃತ್ಪೂರ್ವಕ ಧನ್ಯವಾದ ತೆರಿಪಾದುಂಡ್..