ಕಡಲುಡ್ ಸ್ವಾತಂತ್ರ್ಯೋಚ್ಚಯ

ಭಾರತ ದೇಶದ 78ನೇ ಸ್ವಾತಂತ್ರ್ಯೋಚ್ಚಯನ್ ದೇಶೊಡೊರ್ಮೆ ಬಾರೀ ಗೌಜಿ ಗಮ್ಮತ್ತುಡ್ ಆಚರಣೆ ಮಲ್ತೊಂದುಪ್ಪುನವ್ವ್ ಬಾರೀ ಖುಷಿತ್ತ ಬೊಕ್ಕ ಪೆರ್ಮೆದ ಸಂಗತಿ.ಒಂಜೊಂಜಿ ಕಡೆಟ್ ಒಂಜೊಂಜಿ ರೀತಿಡ್ ದೇಶೊಗ್ ಗೌರವ ಅರ್ಪಣೆ ಮಲ್ತೊಂದುಲ್ಲೆರ್.ಅಂಚೆನೇ ಉಪ್ಪುಂದದ ಕಡಲಪ್ಷೆ ಜೋಕುಲು ಅಪ್ಪೆ ಭಾರತಿಗ್ ಕಡಲುದ ನಡುಟೇ ತಂಕುಲು ಬೆನ್ಪಿನ ವಾಡಡ್ ದೇಶದ ಕೊಡಿನ್ ರಾಪಾದ್ ದೇಶೊಗ್ ಮಾನಾದಿಗೆ ಕೊರಿಯೆರ್.ಮೀನುಗಾರಿಕೆಗ್ ಅಂಬಾ ಪಾಡುನ ಮೀನುಗಾರೆರ್ ಇನಿ ರಾಷ್ಟ್ರಭಕ್ತಿಗೀತೆನ್ ಪಂಡುದ್ ದೇಶೊಗ್ ಸೊಲ್ಮೆಸಂದಾಯ್ತ ಮಲ್ದೆರ್.ಕಡಲುದ ನಡುಟ್ ಕಡಲಪ್ಪೆ ಜೋಕುಲು ಜನಗಣಮನ ಅಧಿನಾಯಕ ಜಯಹೇ ಭಾರತ ಭಾಗ್ಯವಿಧಾತ ಪನ್ಪಿನ ರಾಷ್ಟ್ರಗೀತೆದ ವಿಡಿಯೋ ಸೋಶಿಯಲ್ ಮೀಡಿಯಾಡ್  ವೈರಲ್ ಆವೊಂದುಂಡ್.