ಸಮಾಜದ ಸಮಸ್ಯೆಗ್ ಸ್ಪಂದನೆ

ಮಲ್ಪೆಗೆ ಬಂದು ನಮ್ಮ ಸಮಾಜದ ಸಮಸ್ಯೆಗೆ ಸ್ಪಂದನೆ ಮಾಡಿದ, ನಮ್ಮ ಆತಂಕ ದೂರ ಮಾಡಿ ಶಾಸಕರಿಂದ ಸಾಂತ್ವನ ಹೇಳಿಸಿದ, ರಾಷ್ಟ್ರೀಯ ಗೋರ್ ಮಳವ್ ಸಂಘಟನೆಗೆ ಧನ್ಯವಾದಗಳು

ಮಲ್ಪೆಡ್  ನಡತಿನ ಅಮಾನವೀಯ ಘಟನೆನ್ ಮಾತೆರ್ಲ ಖಂಡನೆ ಮಲ್ಪುವ. ಆಂಡ ಕೆಲವೆರು,ಘಟನೆದ ವಾಸ್ತವ ಬುಡ್ದ್ ತಮ್ಮ ಬೇಳೆಕಾಳು ಬೇಯಿಸಾವರೆಗ್ ಬೊಕ್ಕ ರಾಜಕೀಯಗಾದ್  ಸಮಾಜಡ್ ತೂ ಪತ್ತಾವುನ ಕೆಲಸಡ್ ತೊಡಗಿಸಾವೊಂದಿನ ಖಂಡನೀಯ, ಅಂಚೆನೇ ಸಮಾಜದಕ್ಲೆನ  ಮಿತ್ತ್  ದೌರ್ಜನ್ಯ ನಡತಿನಪಗ ಕೆಲವು ಸಂಘಟನೆಲು  ಪ್ರಾಮಾಣಿಕವಾದ್ ಪೊರಂಬಾಟ ಮಲ್ತುಂಡ, ಕೆಲವೆರು ಸಮಾಜದ ಸಂಘಟನೆ ಪುದರುಡ್ ರಾಜಕೀಯ ಮುಖವಾಡ ಪಾಡ್ದ್ ಸದಾ ಸಮಾಜದ ದಿಕ್ಕುತಪ್ಪಿಸಾವುನ  ಕೆಲಸ ಮಲ್ತೊಂದುಲ್ಲೆರ್.
ಮಲ್ಪೆ ಘಟನೆ ಬಗ್ಗೆ ಅಲ್ಪ ಉಪ್ಪುನ ನಮ್ಮ ಸಮುದಾಯದಕ್ಲೆನ್  ಭೇಟಿ ಮಲ್ಪಂದೇ, ಅಕ್ಲೆಡ ಸರಿಯಾಯಿನ  ಮಾಹಿತಿ ದೆತೊನಂದೇ, ಒಲ್ಪನಾ  ಕುಲ್ಲುದ್ ವಿಡಿಯೋ ಮಲ್ತುದ್  ಪಾಡುನ ಅವಿವೇಕಿಲೆಗ್ ಸಮಾಜದ ಕಾಳಜಿಡ್ದ್ ಜಾಸ್ತಿ  ಪ್ರಚಾರ ದೆತೊಂಬಿನ ಗೀಳು ಜಾಸ್ತಿ. ಮಲ್ಪೆಡ್ ಘಟನೆ ನಡತಿನಪೆನೇ ಉಂದೇ ವಾರ ಹಿರಿಯೂರು ಗ್  ಬಂಜಾರ ಸಮಾಜದ ಢಾಬಾ ಮಾಲೀಕೆರೆನ  ಮಿತ್ತ್  ಕಾಂಗ್ರೆಸ್ ಮುಖಂಡ ಗ್ರಾ.ಪಂ. ಅಧ್ಯಕ್ಷ ಹಲ್ಲೆ ಮಲ್ದೆ.
ಯಡ್ರಾಮಿ ಡ್ ಬಾಲಕಿ ಮಿತ್ತ್  ಅತ್ಯಾಚಾರ, ದಾವಣಗೆರೆ ಡ್ ಚರ್ಚ್ ಫಾದರ್ ನಮ್ಮ ಸಮಾಜದ 4-5 ಜನ ಪೊಣ್ಣು ಜೋಕ್ಲೆನ  ಮಿತ್ತ್  ಅತ್ಯಾಚಾರ ಮಲ್ತುದ್ ಜೈಲುಗ್ ಪೋಯಿನಪಗ, ಶಿವಮೊಗ್ಗ ಕಾಲೇಜಿಡ್  ವಿದ್ಯಾರ್ಥಿ ಮಿತ್ತ್  ಫಾದರ್ ಅತ್ಯಾಚಾರ ಮಲ್ತಿನಪಗ ಒಡೆಗ್  ಪೋದಿತ್ತೆರು ಈ ವಿಡಿಯೋ ವೀರೆರು, ಈ ಘಟನೆ ನಮ್ಮ ಸಮಾಜದ ಮಿತ್ತ್  ನಡತಿನ ದೌರ್ಜನ್ಯ ಅತ್ತಾ? ಅಟ್ರಸಿಟಿ ಕಾಯಿದೆ ವ್ಯಾಪ್ತಿಗ್  ಬರ್ಪುಜಾ? ಮಲ್ಪೆಡ್  ನಮ್ಮ ಸಮಾಜದ ಸುಮಾರು 2000 ಜನಕುಲು ಸುಮಾರು ವರ್ಷಡಿಂಚಿ ವಾಸವಾದುಲ್ಲೆರ್, ಅಕ್ಲೆನ ಕೋರಿಕೆದ ಮಿತ್ತ್  ನಮ್ಮ ಸಂಘಟನೆ  ಮಲ್ಪೆ ಗ್ ಪೋತುಂಡ್. ಸಂತ್ರಸ್ತ ಮಹಿಳೆಗ್ ಸಾಂತ್ವನ ಪಂಡುದ್ ಆತಂಕಡಿತ್ತಿನ  ನಮ್ಮ ಸಮುದಾಯದ ಬಂಧುಲೆಗ್ ಧೈರ್ಯ ದಿಂಜಾವುನ  ಕೆಲಸ ಮಲ್ದುಂಡ್, ಅಲ್ಪದ ಸ್ಥಳೀಯ ಶಾಸಕೆರುಲಾ  ಸಾಂತ್ವನ ಪನ್ಪಿನ, ಧೈರ್ಯ ದಿಂಜಾವುನ ಕೆಲಸ ಮಲ್ದೆರ್. ಬೊಕ್ಕ ಅಲ್ಪದ ನಮ್ಮ ಬಂದುಲೆನ  ಪರವಾದ್  ಉಂತುದೆರ್, ಅಲ್ಪ  ಭೇಟಿ ಮಲ್ತುದ್ ವಾಸ್ತವ ಸಂಗತಿ ತೆರಿಯೊನಂದೆ ಕೆಲವೆರು ಸುಳ್ಳು ಸಂಗತಿ  ಪಟ್ಟೊಂದ್ ನಾನಾ ಕಸರತ್ತು ಮಲ್ತೊಂದುಲ್ಲೆರ್ ಉಂದು ನಾಚಿಕೆಗೇಡುದ ಸಂಗತಿ.ಇತ್ತೆನೇ ಪ್ರಕರಣ ದಾಖಲಾದ್, ನ್ಯಾಯಾಲಯಡ್ 164 ಹೇಳಿಕೆಲಾ ದಾಖಲಾತುಂಡ್, ರಾಜಿ ಮಲ್ಪರೆಗ್ ಇತ್ತೆ ಪ್ರಕರಣ ನ್ಯಾಯಾಲಯಡ್  ಉಂಡು ಪನ್ಪಿನ ಕನಿಷ್ಠ ಜ್ಞಾನ ಇಜ್ಜಿಡ, ಇತ್ತೆ ಅಲ್ಪ  ನಮ್ಮಕ್ಲೆಗ್  ಬೋಡಾಪಿನಿ ಶಾಂತಿ, ನೆಮ್ಮದಿ, ಸಾಮರಸ್ಯ, ಅಭಯಹಸ್ತ, ಅವ್ವೆನ್  ಬುಡ್ದ್ ಅಕ್ಲೆಗ್ ಬೋಡಾಪಿಲೆಕ್ಕ   ವಿಡಿಯೋ ಮಲ್ತುದ್ ಸಮಾಜಡ್ ತೂ  ಪಾಡುನ ಕೆಲಸನ್  ಉಂತಾಲೆ, ಮಲ್ಪೆಗ್ ಪಾದ್  ಅಲ್ಪದ  ವಾಸ್ತವ ಸ್ಥಿತಿ ತೆರಿಯುನ ಪ್ರಯತ್ನ ಮಲ್ಪುಲೆ.