ಉಡುಪಿಡ್ ವರ್ಡ್ ಪ್ರಸ್ ಸಮುದಾಯ ಪ್ರಾರಂಭ

ಉಡುಪಿ, ಭಾರತ – ಮಾರ್ಚ್ 18, 2025 –
ಜಾಗತಿಕ ವರ್ಡ್‌ಪ್ರೆಸ್ ವ್ಯವಸ್ಥೆ ಬುಲೆಯೊಂದಿತ್ತುದ್, ಉಡುಪಿ ಇತ್ತೆ ಈ ಕೂಟಗ್ ಅಧಿಕೃತವಾದ್ ಸೇರ್ಪಡೆ ಆವೊಂದುಂಡ್. ಉಡುಪಿಡ್ ವೆಬ್ ಡೆವಲಪರ್‌ ನಕುಲು, ಡಿಸೈನರ್‌ ನಕುಲು, ರಚನೆಕಾರೆರು ಬೊಕ್ಕ ವರ್ಡ್‌ಪ್ರೆಸ್ ಅಭಿಮಾನಿಲೆನ್ ಒಂಜಿ ಮಲ್ತೊಂದ್ ಕಲಿಕೆ, ಸಹಕಾರ ಬೊಕ್ಕ ನಾವೀನ್ಯತೆ ಬುಲೆಪಾವನವೇ ವರ್ಡ್‌ಪ್ರೆಸ್ ಸಮುದಾಯದ ಉದ್ದೇಶವಾದುಂಡ್.

ಅಂತರ್ಜಾಲಡ್ ತೋಜುನ ಶೇಕಡಾ 43 ಡ್ದ್ ಲಾ ಜಾಸ್ತಿ ವೆಬ್‌ಸೈಟ್‌ ಲೆನ್ ವರ್ಡ್‌ಪ್ರೆಸ್ ತಂತ್ರಜ್ಞಾದೊಟ್ಟುಗ್ ಅಭಿವೃದ್ಧಿ ಮಲ್ದುಂಡ್. ಉಂದು ವಿಶ್ವಡೇ ಬಾರೀ ಜನಪ್ರಿಯ ಕಾಂಟೆಂಟ್ ಮ್ಯಾನೇಜ್‌ಮೆಂಟ್ ಸಿಸ್ಟಮ್ (CMS) ಆದ್ ಬುಲೆದಿತ್ತುದ್, ನೆತ್ತ ಮುಕ್ತ ಮೂಲ ಸ್ವರೂಪ, ನೈಪುಣ್ಯ ಬೊಕ್ಕ ಬಳಕೆದಾರ ಸ್ನೇಹಿ ಸ್ವರೂಪ ವರ್ಡ್‌ಪ್ರೆಸ್ ನ್ ಜನಸ್ನೇಹಿಯಾದ್ ಮಲ್ದುಂಡ್.

“ವರ್ಡ್‌ಪ್ರೆಸ್ ಉಡುಪಿ ಸಮುದಾಯ ಸ್ಥಳೀಯ ತಂತ್ರಜ್ಞಾನ ಪರಿಸರೊನ್ ಬಲಪಡಿಸಾವುನ ಸುರುತ್ತ ಪಜ್ಜೆ,” ಪಂಡೂದು ಉಡುಪಿ ವರ್ಡ್‌ಪ್ರೆಸ್ ಸಮುದಾಯದ ಸಹ-ಸಂಘಟಕ ಶಶಿಕಾಂತ್ ಶೆಟ್ಟಿ ಪಂಡೆರು. “ವರ್ಡ್‌ಪ್ರೆಸ್ ಜಾಗತಿಕ ಮಾರುಕಟ್ಟೆನ್ ಆಳೊಂದಿಪ್ಪುಲೆಕ್ಕ, ಸ್ಥಳೀಯ ಸಮುದಾಯನ್ ನಿರ್ಮಾಣ ಮಲ್ಪುನವ್ ಉಡುಪಿದ ವೆಬ್ ಡೆವಲಪರ್‌ ಬೊಕ್ಕ ರಚನೆಕಾರೆರೆಗ್ ವರ್ಡ್‌ಪ್ರೆಸ್ ದೆತೊಂಬಿನ ಬದಲಾವಣೆಗ್ ಹೊಂದಾಣಿಕೆ ಆವರೆಗ್ ಸಹಾಯ ಮಲ್ಪುಂಡ್.”

“ಸ್ಥಳೀಯ ವರ್ಡ್‌ಪ್ರೆಸ್ ಸಮುದಾಯ ಸ್ಥಳೀಯ ಪ್ರತಿಭೆಲೆನ್ ಶಕ್ತ ಮಲ್ಪರೆಗ್ ಬೊಕ್ಕ ವೆಬ್ ಡೆವಲಪರ್‌ ನಕುಲು, ಡಿಸೈನರ್‌ ನಕುಲು ಬೊಕ್ಕ ಉದ್ಯಮಿಲು ಪರಸ್ಪರ ಕಲ್ಪರೆಗ್ ಬೊಕ್ಕ ಬುಲೆಪಾವರೆಗ್ ವೇದಿಕೆನ್ ತಯಾರ್ ಮಲ್ಪುನ ಅಗತ್ಯ ಉಂಡು,” ಪಂಡುದು ಉಡುಪಿ ವರ್ಡ್‌ಪ್ರೆಸ್ ಸಮುದಾಯದ ಸಹ-ಸಂಘಟಕ ವಿ. ಗೌತಮ್ ನಾವಡ ಮೇರು ಪಂಡೆರು. “ಉಂದು ಕೇವಲ ತಾಂತ್ರಿಕ ಕೌಶಲ್ಯಲೆನ್ ಪೊರ್ಲು ಮಲ್ಪುನ ಬಗ್ಗೆ ಮಾತ್ರ ಅತ್ತ್ – ಉಂದು ಪರಸ್ಪರ ಸಹಕಾರ, ಹಂಚಿಕೆದ ಬೊಕ್ಕ ಯಶಸ್ಸು ಸಾಧಿಸಾವರೆಗ್ ಸಹಕಾರಿಯಾಪುಂಡ್.”

ಕಾರ್ಯಕ್ರಮ ವಿವರೊಲು:
???? ದಿನಾಂಕ: ಶನಿವಾರ, ಮಾರ್ಚ್ 22, 2025
???? ಪೊರ್ತು: ಬಯ್ಯಗ್ 5:00 ಡ್ದ್ 6:00 ಗಂಟೆಮುಟ್ಟ
???? ಸ್ಥಳ: ಆನ್‌ಲೈನ್ (Google Meet)

ಈ ಕಾರ್ಯಕ್ರಮ ವರ್ಡ್‌ಪ್ರೆಸ್ ಗ್ ಆಸಕ್ತಿಯುಪ್ಪುನ ಮಾತೆರೆಗುಲಾ ನಡಪುಂಡ್ — ಪ್ರಾರಂಭಿಕಡ್ದ್ ಅನುಭವೀ ವೃತ್ತಿಪರರೆಗ್.

ಪಾಲ್ ಪಡೆಪಿನಕುಲು ಪರಸ್ಪರ ಸಂಪರ್ಕ ಸಾಧಿಸಾವರೆಗ್, ಜ್ಞಾನ ಪಟ್ಟೊನರೆಗ್ ಬೊಕ್ಕ ವರ್ಡ್‌ಪ್ರೆಸ್ ಯೋಜನೆಗ್ ಪೊಸ ರೀತಿದ ಕೊಡುಗೆಲೆನ್ ಅನ್ವೇಷಣೆ ಮಲ್ಪರೆಗ್ ಅವಕಾಶನ್ ಪಡೆವೆರ್.

ಹೆಚ್ಚಿಗೆ ಮಾಹಿತಿಗಾದಾ ಅತ್ತುಂಡ ಕಾರ್ಯಕ್ರಮಗ್ ನೋಂದಣಿ ಮಲ್ಪರೆಗ್: https://www.meetup.com/wpudupi/events/306773623/ ಗೆ ಭೇಟಿ ಕೊರ್ಲೆ.

ವರ್ಡ್‌ಪ್ರೆಸ್ ಉಡುಪಿ ಸಮುದಾಯದ ಬಗ್ಗೆ:
ವರ್ಡ್‌ಪ್ರೆಸ್ ಉಡುಪಿ ಸಮುದಾಯ ಜಾಗತಿಕ ವರ್ಡ್‌ಪ್ರೆಸ್ ಪರಿಸರದ ಅಂಗವಾದಿತ್ತುದ್, ಸ್ಥಳೀಯ ಪ್ರತಿಭೆಲೆನ್ ಒಂಜಿ ಮಲ್ತುದ್ ಕಲ್ಪರೆಗ್, ಬುಲೆಯರೆಗ್ ಬೊಕ್ಕ ಮುಕ್ತ ಮೂಲ ವರ್ಡ್‌ಪ್ರೆಸ್ ಯೋಜನೆಗ್ ಕೊಡುಗೆ ಕೊರ್ರೆಗ್ ನೆರವಾಪುಂಡ್. ಈ ಸಮುದಾಯ ನಿಯಮಿತವಾಯಿನ ಸಭೆ, ಕಾರ್ಯಾಗಾರಲೆನ್ ಆಯೋಜನೆ ಮಲ್ಪುನ ಮೂಲಕ ಸ್ಥಳೀಯ ವರ್ಡ್‌ಪ್ರೆಸ್ ನೆಟ್‌ವರ್ಕ್‌ ಡ್ ಸಹಕಾರ ಬೊಕ್ಕ ನಾವೀನ್ಯತೆನ್ ಬೆಳೆಸಲು ಉದ್ದೇಶ ದೀಯೊಂದುಂಡ್.

ಸಂಪರ್ಕಡುಪ್ಪುಲೆ: