ಜೀವ ಜಡ ಜಗತ್ತುನ್ ಸೀಮಿತ ಪರಿಧಿದುಲಾಯಿ ಸೆರೆಪತ್ತುನಾಯೆನೇ ಸಮರ್ಥ ಛಾಯಾಗ್ರಾಹಕ~ ಜನಾರ್ದನ್ ಕೊಡವೂರು

ಜೀವ ಜಡ ಜಗತ್ತುನ್ ಸೀಮಿತ ಪರಿಧಿದುಲಾಯಿ ಸೆರೆಪತ್ತುನಾಯೆನೇ ಸಮರ್ಥ ಛಾಯಾಗ್ರಾಹಕ~ ಜನಾರ್ದನ್ ಕೊಡವೂರು

ದಿನೊ ನಿತ್ಯೊ ನಡಪುನ ಸಂಗತಿಲೆನ್ ತನ್ನ ಕ್ಯಾಮರಾ ಕಣ್ಣುದುಲಾಯಿ ಸಮರ್ಪಕವಾದ್  ಪತ್ತುದೀಪಿನ ಸಾಮರ್ಥ್ಯವಿಪ್ಪುನ್  ಛಾಯಾಗ್ರಾಹಕಗ್ ಮಾತ್ರ.

ಇನಿ  ವಿಶಾಲವಾಯಿನ  ಜಗತ್ತುದ ಬಾರೀ ಮಲ್ಲ ಜಾಲವಾಯಿನ ಛಾಯಾಚಿತ್ರಗ್ರಹಣಡ್ ಯುವ ಮನಸ್ಸುಲೆಗ್  ವಿಪುಲ ಅವಕಾಶ ಉಂಡು. ಪತ್ರಿಕೋದ್ಯಮ ಸೇರಿನಂಚ ಮಾಧ್ಯಮದ ಮಾತಾ ಕ್ಷೇತ್ರಡುಲಾ  ಛಾಯಾಗ್ರಹಣಗ್  ಇಪ್ಪುನ ಸವಾಲುಲೆನ್ ಗಮನಿಸಾವೊಂದ್ ವಿದ್ಯಾರ್ಥಿಲು  ಈ ಕ್ಷೇತ್ರಡ್ ನೆಲೆಯೂರ್ದಿನ  ಪ್ರಯತ್ನ ಮಲ್ಪೊಡ್ ಪಂಡುದು ಛಾಯಾಚಿತ್ರ ಪತ್ರಕರ್ತ ಜನಾರ್ದನ ಕೊಡವೂರು ಮೇರು ಅಭಿಪ್ರಾಯ ಪಟ್ಟೊಂಡೆರು.

ಆರು ಶ್ರೀ ಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜಿಡ್ ಶನಿವಾರದಾನಿ  ಕನ್ನಡ ವಿಭಾಗ ಬೊಕ್ಕ ಎನ್ ಎಸ್ ಎಸ್ ಸಹಯೋಗದೊಟ್ಟುಗ್  “ಪತ್ರಿಕೋದ್ಯಮಡ್ ಛಾಯಾಚಿತ್ರಲೆನ  ಪಾತ್ರ” ಪನ್ಪಿನ ವಿಷಯದ ಬಗೆಟ್  ನಡತಿನ  ಕಾರ್ಯಾಗಾರಗ್  ಪಾಲ್ ಪಡೆದ್ ಪಾತೆರಿಯೆರು.

ಕಾರ್ಯಕ್ರಮಡ್  ಕಾಲೇಜಿದ ಪ್ರಾಂಶುಪಾಲೆರಾಯಿನ ಡಾ. ಸುಕನ್ಯಾ ಮೇರಿ. ಜೆ ಮೇರು ಗುರ್ಕಾರ್ಮೆಡಿತ್ತೆರು. ಕನ್ನಡ ವಿಭಾಗದ ಮುಖ್ಯಸ್ಥೆಯಾಯಿನ  ಡಾ. ಪ್ರಜ್ಞಾ ಮಾರ್ಪಳ್ಳಿ ಮೇರು ಕಾರ್ಯಕ್ರಮ ನಿರೂಪಣೆ ಮಲ್ತುದ್ ಸ್ವಾಗತ ಮಲ್ತೆರು. ಎನ್ ಎಸ್ ಎಸ್ ಘಟಕದ ಯೋಜನಾಧಿಕಾರಿಲಾಯಿನ ಚಿರಂಜನ್ ಕೆ ಶೇರಿಗಾರ್ ಮೇರು ಸೊಲ್ಮೆ ಸಂದಾಯ್ತ ಮಲ್ತೆರು.