ಪತ್ರಿಕಾ ಭವನ ಸಮಿತಿ

*ಉಡುಪಿ ಪತ್ರಿಕಾ ಭವನ ಸಮಿತಿ*
ಲೆಕ್ಕಾಚಾರ ಮಂಡನೆ, ಪೊಸ ಸಮಿತಿಗ್ ಅಧಿಕಾರ ಹಸ್ತಾಂತರ


ಉಡುಪಿ ಪತ್ರಿಕಾ ಭವನ ಸಮಿತಿದ ವಾರ್ಷಿಕ ಮಹಾಸಭೆ ಬೊಕ್ಕ ಪೊಸ  ಸಮಿತಿಗ್ ಅಧಿಕಾರ ಹಸ್ತಾಂತರ ಕಾರ್ಯಕ್ರಮ ಸಮಿತಿದ  ನಿಕಟಪೂರ್ವ ಸಂಚಾಲಕ ಅಜಿತ್ ಆರಾಡಿ ಅಧ್ಯಕ್ಷತೆಡ್  ಸೋಮವಾರ ಪತ್ರಿಕಾ ಭವನಡ್  ನಡತುಂಡ್.

ನಿಕಟಪೂರ್ವ ಸಂಚಾಲಕ ಅಜಿತ್ ಆರಾಡಿ ವರದಿ ಓದುದ್ 2024-2025 ಬೊಕ್ಕ 2025-2026 ನೇ ಸಾಲುದ ಲೆಕ್ಕಪತ್ರೊನ್ ಸಭೆತ ದುಂಬು ದೀಯೆರ್..

ಲೆಕ್ಕಪರಿಶೋಧಕರೆಡ್ದ್ ಪರಿಶೋಧನೆ ಮಲ್ದಿನ ವರದಿನ್ ಸದಸ್ಯೆರು  ಕೈ ತಾಟಿ ತಟ್ಟುನ ಮೂಲಕ ಅಂಗೀಕಾರ ಮಲ್ತೆರು. ಲೆಕ್ಕಪತ್ರೊನ್  ಅಂಗೀಕಾರ ಮಲ್ತೆರು..

ಉಡುಪಿ ಪತ್ರಿಕಾ ಭವನಡ್  2022 ತ್ತ ಅಕ್ಟೋಬರ್ 19 ಗ್ ಉಡುಪಿ ಜಿಲ್ಲಾ ಸಂಘದ ನೇತೃತ್ವಡ್  ಪೊಸತಾದ್ ಅಸ್ತಿತ್ವಗ್ ಬತ್ತಿನ ಉಡುಪಿ ಪತ್ರಿಕಾ ಭವನ ಸಮಿತಿ 2022  ನವೆಂಬರ್ 1 ಡ್ದ್  ಭವನದ ಜವಾಬ್ದಾರಿನ್  ದೆತೊಂದುಂಡ್.. ಸಮಿತಿ ತನ್ನ 3 ವರ್ಷದ ಅವಧಿಡ್  ಭವನಡ್  ಬೊಕ್ಕ ಪತ್ರಕರ್ತೆರೆನ ಅನುಕೂಲಗ್ ಮಲ್ದಿನ ಪೊಸ ಯೋಜನೆ, ಅಭಿವೃದ್ಧಿ ಕಾರ್ಯ, ಆರೋಗ್ಯ ನಿಧಿತ್ತ ಬಗ್ಗೆ ವರದಿ ಮಂಡನೆ ಮಲ್ತೆರ್.. ಬ್ಯಾಂಕ್ ಖಾತೆಡ್  ಜಮೆ ಮಲ್ದಿನ ಆದಾಯದ ಬಗ್ಗೆ ಸಭೆಟ್ ಮಾಹಿತಿ ಕೊರಿಯೆರ್.. ಈ ಪಣನುನ್ ಉಡುಪಿ ನಗರಡ್ ಕಾರ್ಯನಿರ್ವಹಣೆ ಮಲ್ಪುನನಗರದ ಪತ್ರಕರ್ತರೆಗ್  ಮಾತ್ರ ವಿನಿಯೋಗ ಮಲ್ಪುನ ಬಗ್ಗೆ ನಿರ್ಣಯ ಮಲ್ತೆರ್..

ಪತ್ರಿಕಾ ಭವನದ ಲೆಕ್ಕಾಚಾರೊನ್  ಯಥಾವತ್ತಾದ್   ಪಾರದರ್ಶಕವಾದ್  ಮಂಡಿಸಾಯಿನ ನಿಕಟಪೂರ್ವ ಸಂಚಾಲಕ ಅಜಿತ್ ಆರಾಡಿ ಅರೆನ್ ಉಡುಪಿ ಜಿಲ್ಲಾ ಸಂಘ ಬೊಕ್ಕ ಭವನದ ವತಿಡ್ದ್  ಸನ್ಮಾನ ಮಲ್ತೆರ್..

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಜಿಲ್ಲಾಧ್ಯಕ್ಷ ಸುಜಿ ಕುರ್ಯ, ಸಂಘದ ರಾಜ್ಯ ಸಮಿತಿ ಸದಸ್ಯ ಆಸ್ಟ್ರೋ ಮೋಹನ್, ಪತ್ರಿಕಾ ಭವನ ಸಮಿತಿ ಸಂಚಾಲಕ ಅಂಕಿತ್ ಶೆಟ್ಟಿ ಪಾತೆರಿಯೆರು.

ಹಿರಿಯ ಪತ್ರಕರ್ತರಾಯಿನ ರಾಜು ಖಾರ್ವಿ, ಉಮೇಶ್ ಮಾರ್ಪಳ್ಳಿ, ಗೋಪಾಲಕೃಷ್ಣ ಪಾದೂರು ಮೊಕುಲು ಉಡುಪಿ ಪತ್ರಿಕಾ ಭವನ ಸಮಿತಿದ ಬಗ್ಗೆ ತಮ್ಮ ಅಭಿಪ್ರಾಯೊನ್ ವ್ಯಕ್ತಪಡಿಸಾದ್, ಮೆಚ್ಚುಗೆ ಪಾತೆರಿಯೆರು.

ಸಹ ಸಂಚಾಲಕ ಗಣೇಶ್ ಕಲ್ಯಾಣಪುರ ಸೊಲ್ಮೆ ಸಂದಾಯ್ತ ಮಲ್ತೆರ್ . ಹಿರಿಯ ಪತ್ರಕರ್ತ ರಹೀಂ ಉಜಿರೆ ಕಾರ್ಯಕ್ರಮ ನಿರೂಪಣೆ ಮಲ್ತೆರು.