ತುಳುವ ಮಹಾಸಭೆ.

ತುಳು ಭಾಷೆ, ಸಂಸ್ಕೃತಿ ಬೊಕ್ಕ  ಅಪ್ಪೆನಾಡುದ  ಸೇವೆಗ್ ಕುಡೊಂಜಿ ಶಕ್ತಿಶಾಲಿ ಪಜ್ಜೆ.
ಡಾ. ನಿರಂಜನ್ ಎಸ್. ಶೆಟ್ಟಿ ಮೇರು ಕಾಪು ತಾಲೂಕು ತುಳುವ ಮಹಾಸಭೆತ್ತ  ಸಂಚಾಲಕೆರಾದ್  ನೇಮಕ

ಕಾಪು, : ತುಳುನಾಡುದ  ಧ್ವಜವಾಹಕತ್ವ ವಹಿಸಾದಿನ ತುಳುವ ಮಹಾಸಭೆ ತನ್ನ ಚಟುವಟಿಕೆಲೆನ್  ವಿಸ್ತಾರ ಮಲ್ತೊಂದುಪ್ಪುನ  ಈ ಸಂದರ್ಭಡ್ , ಆಯುರ್ವೇದ, ಯೋಗ, ಸಮತೋಲಿತ ಆಹಾರ ಬೊಕ್ಕ ಮನಃಶಾಂತಿದ ಏಕಸಂಯೋಜನೆದ ಸೇವೆ ಕೊರೊಂದುಪ್ಪುನ  ಮನುಜಮನಸ್ಸುದ  ತಜ್ಞೆ ಡಾ. ನಿರಂಜನ್ ಎಸ್. ಶೆಟ್ಟಿ ಅರೆನ್ ಕಾಪು ತಾಲೂಕು ತುಳುವ ಮಹಾಸಭೆತ್ತ  ಸಂಚಾಲಕೆರಾದ್  ನೇಮಕ ಮಲ್ದುಂಡ್..

ಮನೋವಿಜ್ಞಾನಡ್  ಡಾಕ್ಟರೇಟ್ ಪಡೆದಿನ  ಡಾ. ಶೆಟ್ಟಿ ಮೇರು ಪ್ರಸಿದ್ಧ ಸುನಂದ ವೆಲ್ನೆಸ್ ಸೆಂಟರ್ ದ ಸ್ಥಾಪಕರಾದಿತ್ತುದ್, ಔಷಧವಿಪ್ಪಂದಿನ  ಚಿಕಿತ್ಸಾ ವಿಧಾನದ  ಮೂಲಕ ಮಸ್ತ್  ಜನಕ್ಲೆನ ಜೀವನಡ್  ಪೊಸ ಬೊಲ್ಪು  ಕನದೆರ್.. ಆರು ಸುಮಾರು 80ಕ್ಕ್ ಲಾ  ಜಾಸ್ತಿ ದೈಹಿಕ-ಮಾನಸಿಕ ತೊಂದರೆಲೆಗ್ ಸುಸೂಕ್ತ ಪರಿಹಾರಲೆನ್  ಕೊರೊಂದು, ದೇಶದ ಬೇತೆ ಬೇತೆ  ಕಡೆ ಆರೋಗ್ಯ ಬೊಕ್ಕ  ಆತ್ಮಶಾಂತಿದ ಮಾರ್ಗದರ್ಶನಡ್ ಸೇವೆ ಸಲ್ಲಿಸಾವೊಂದುಲ್ಲೆರ್..

ಆರು ರಾಷ್ಟ್ರೀಯ ಮಾನವ ಹಕ್ಕು ಸಮಿತಿ ಬೊಕ್ಕ ಮಹಿಳಾ-ಮಕ್ಕಳ ಅಭಿವೃದ್ಧಿ ಸಂಸ್ಥೆದ  ಅಧ್ಯಕ್ಷೆರಾದ್, ಸಾಮಾಜಿಕ ನ್ಯಾಯಕ್ಕಾದ್ ಬದ್ಧವಾದ್ ಕೆಲಸ ಮಲ್ತೊಂದುಲ್ಲೆರ್.. ಮೆರೆಗ್  ಅಮೆರಿಕದ ಲಿಂರಾ ವಿಂಡ್ಸರ್ ವತಿಡ್ದ್  ಸುವರ್ಣ ಪದಕ, ಸಿಂಗಪೂರದ ಚಾಂಪಿಯನ್ ಆಫ್ ಚಾಂಪಿಯನ್ಸ್ CEO ಪ್ರಶಸ್ತಿ ಸೇರಿನಂಚ ಕೆಲವು ರಾಷ್ಟ್ರೀಯ ಬೊಕ್ಕ  ಅಂತರರಾಷ್ಟ್ರೀಯ ಗೌರವೊಲು ಸಿಕ್ಕುದ್, ಈ ಮಾತಾ ಸಾಧನೆಲು  ಅರೆನ  ಸೇವೆದ  ಪ್ರಾಮಾಣಿಕತೆದ ಸಾಕ್ಷಿಯಾದುಂಡ್.. ಮೇರು ಅವರಾಳು ಕಂಕಣ ಗುತ್ತು ಶೇಖರ್ ಕೆ ಶೆಟ್ಟಿ ಬೊಕ್ಕ  ಮಂಡೇಡಿ ರಾಜನ್ ಮನೆ ಸುನಂದ ಶೆಟ್ಟಿ ಮೊಕ್ಲೆನ  ಮಗೆ.

1928ಡ್  ಎಸ್. ಯು. ಪಣಿಯಾಡಿ ನೇತೃತ್ವ ಡ್ ಸ್ಥಾಪಿತ ತುಳುವ ಮಹಾಸಭೆ, ಶತಮಾನೋತ್ಸವದ ದಶಕದ ಪಜ್ಜೆಡ್  ಶಕ್ತಿಯಾದ್  ಪುನಶ್ಚೇತನ ಆವೊಂದುಂಡ್.. ಈ ಪರಿಕಲ್ಪನೆಯಡಿಟ್,ತುಳುನಾಡುಡ್  ಕಳರಿ ತರಬೇತಿ (ಸಮರಕಲೆ, ಮರ್ಮ ಚಿಕಿತ್ಸಾ ಶಿಕ್ಷಣ) ನಶಿಸೊಂದುಪ್ಪುನ ದೈವ ಆರಾಧನೆದ  ಪುನರುಜ್ಜೀವನ, ಬಸ್ರೂರು ತುಳುವೇಶ್ವರ ದೇವಸ್ಥಾನದ ಪುನರ್ ಉದ್ಧಾರಣ, ಭಾಷಾ, ಜಾತಿ, ಮತ ಸೌಹಾರ್ದತೆದ  ಪೋಷಣೆ, ಈ ನಿಟ್ಟುಡ್  ಪ್ರತಿ ತಾಲೂಕು ಬೊಕ್ಕ  ಗ್ರಾಮ ಮಟ್ಟಡ್  ಅಲ್ಪಲ್ಪ  ಸಮಿತಿಲೆನ್  ರೂಪೀಕರಣ ಮಲ್ತೊಂದಿತ್ತುದ್, ಡಾ. ಶೆಟ್ಟಿ ಮೆರೆನ ನೇತೃತ್ವಡ್ ಕಾಪು ತಾಲ್ಲೂಕುಡ್  ತುಳು ಬೋಧನೆ, ಸಂಸ್ಕೃತಿದ ಸಂರಕ್ಷಣೆ, ಸಮುದಾಯದ ಆರ್ಥಿಕ ಬೊಕ್ಕ ಸಾಂಸ್ಕೃತಿಕ ಬಲವರ್ಧನೆಗ್ ಶಕ್ತಿಯುತ ಯೋಜನೆಲು ಕಾರ್ಯರೂಪಗ್  ಬರ್ಪಿನ ನಿರೀಕ್ಷೆಯುಂಡು.. ನೇಮಕಾತಿಗ್ ತುಳುವ ಮಹಾಸಭೆತ್ತ ರಾಷ್ಟ್ರೀಯ ಬೊಕ್ಕ ಅಂತರಾಷ್ಟ್ರೀಯ ನಾಯಕೆರೆಡ್ದ್ ಅಭಿನಂದನೆಲು ವ್ಯಕ್ತವಾದುಂಡ್.