ಉಡುಪಿ ಜಿಲ್ಲಾ ಆಸ್ಪತ್ರೆದ ಸಾರ್ವಜನಿಕ ಸಮಸ್ಯೆ ನಿವಾರಣೆಗಾದ್ ಮನವಿ

ಕರಿನ ಹಲವು ತಿಂಗಳುಡಿಂಚಿ  ಉಡುಪಿ ಜಿಲ್ಲಾಸ್ಪತ್ರೆ ಡ್ ಪೂರ್ಣ ಕಾಲಿಕ ಸರ್ಜನ್ ನಿಯುಕ್ತಿ ಇಪ್ಪಂದೆ ಕಾರಣ ಆಸ್ಪತ್ರೆಡ್   ಅವ್ಯವಸ್ಥೆ ಆದ್  ಆಸ್ಪತ್ರೆಗ್ ಬರ್ಪಿನ ರೋಗಿಲೆಗ್   ತೊಂದರೆ ಆವೊಂದುಂಡ್. ಈ ನಿಟ್ಟುಡ್ ಈ ಸಮಸ್ಯೆದ  ಬಗ್ಗೆ ಗಮನ ಹರಿಸಾದ್   ಸಾರ್ವಜನಿಕೆರೆಗ್ ಎಡ್ಡೆ  ಸೇವೆನ್  ಕೊರೊಡ್ ಪಂಡುದ್ ಉಡುಪಿ ಶಾಸಕೆರಾಯಿನ  ಯಶಪಾಲ್ ಸುವರ್ಣ ಬೊಕ್ಕ  ಉಡುಪಿ ಜಿಲ್ಲಾಸ್ಪತ್ರೆ ಗ್ ಪೊಸತಾದ್  ಬತ್ತಿನ  ಜಿಲ್ಲಾ ಸರ್ಜನ್ ಡಾ. ಅಶೋಕ್ ಎಚ್. ಮೊಕ್ಲೆಗ್  ಮನವಿ ಕೊರಿಯೆರ್.

ಆಯುಷ್ಮಾನ್ ಭಾರತ್ ಯೋಜನೆದ  ಬಗ್ಗೆ ಸಾರ್ವಜನಿಕೆರೆಗ್  ಸರಿಯಾಯಿನ  ಮಾಹಿತಿ ಕೊರ್ದ್ ರೋಗಿಲೆಗ್  ಈ ಯೋಜನೆದ  ಸದುಪಯೋಗ ಆಪಿಲೆಕ್ಕ  ವಿಳಂಬ ಮಲ್ಪಂದೆ ಮಾರ್ಗದರ್ಶನ ಕೊರೊಡ್ ಬೊಕ್ಕ ತುರ್ತು ಸಂದರ್ಭಲೆಡ್  ಖಾಸಗಿ ಆಸ್ಪತ್ರೆಲೆಗ್ ಪೋಯಿನಕಲೆಗ್  ಒವ್ವೆ  ತೊಂದರೆ ಕೊರಂದೆ ಬೋಡಾಯಿನ ಶಿಫಾರಸು ಪತ್ರಲೆನ್  ಕೊರೊಡು.

ಬ್ಲಡ್ ಬ್ಯಾಂಕ್ ಡ್  ನೆತ್ತೆರುದ ನಿರ್ವಹಣೆಡ್  ಬೋಡಾಯಿನಾತ್ ನ್ಯೂನ್ಯತೆಲಿತ್ತುದ್  ವೈಧ್ಯಾಧಿಕಾರಿಲು ಸಾರ್ವಜನಿಕೆರೆಗ್ ಸಮರ್ಪಕವಾದ್ ಸ್ಪಂದಿಸಾವುಜೆರ್ ಬೊಕ್ಕ   ಒಂಜಿ  ಯುನಿಟ್ ನೆತ್ತೆರುನ್ ಒವ್ವೇ ದಾನಿನ  ಮರುಪೂರೈಕೆ ಇಪ್ಪಂದೆ  ಕೊರೊಂದಿತ್ತುದ್ದು ಹೆಚ್ಚುವರಿ ನೆತ್ತೆರ್ ಬೋಡಾಂಡ  ಕಡ್ಡಾಯವಾದ್  ರಕ್ತದಾನಿನ್ ಲೆತ್ತುದ್  ಬರ್ಪಿಲೆಕ್ಕ ಒತ್ತಾಯ ಮಲ್ಪುನವ್  ಬಯ್ಯಗ್  4 ಗಂಟೆಡ್  ಬೊಕ್ಕ ರಕ್ತನಿಧಿ ವಿಭಾಗಡ್ ರಕ್ತದಾನಗ್  ಅವಕಾಶ ಇಜ್ಜಾಂದಿನವ್ ರಕ್ತದ ತುರ್ತು ಅವಶ್ಯಕತೆ ಇತ್ತುಂಡಲಾ  ಸಂಪರ್ಕಗ್  ಸಿಕ್ಕುಜೆರ್  ಬೊಕ್ಕ ನೆತ್ತೆರ್  ಬೋಡಾಂಡ  ಹರ ಸಾಹಸ ಮಲ್ಪೊಡಾಪುಂಡ್.
ಉಡುಪಿ ಜಿಲ್ಲೆದ  ಮಾತಾ ರಕ್ತನಿಧಿ ಕೇಂದ್ರ ಬಯ್ಯಗ್  7 ಗಂಟೆಮುಟ್ಟ  ರಕ್ತದಾನಗ್  ಅವಕಾಶವಿತ್ತುದ್ದು ಜಿಲ್ಲಾ ಆಸ್ಪತ್ರೆಡುಲಾ  ರಕ್ತದಾನಿಲೆಗ್  ರಕ್ತದಾನ ಮಲ್ಪರೆಗ್  ಬಯ್ಯಗ್  7 ಗಂಟೆಮುಟ್ಟ ಅವಕಾಶ ಕೊರೊಡು.

ಲ್ಯಾಬ್ ರಿಪೋರ್ಟ್ ಲೆನ್  ಕೊರ್ನಗ   ವಿಳಂಬ ಮಲ್ತೊಂದಿತ್ತುದ್  ಸಾಮಾನ್ಯ ರಕ್ತ ಪರೀಕ್ಶೆದ  ರಿಪೋರ್ಟ್ ಗುಲಾ  2 ದಿನ ದೆತೊನುವೆರ್.

ಸ್ಕಾನಿಂಗ್ ಸೆಂಟರ್ ಡ್  ಸಿಬ್ಬಂದಿ ಕೊರತೆ ಇತ್ತುದ್ದು ರೋಗಿಲು ಬಾರೀ  ಪೊರ್ತು ಕಾಪುನ ಪರಿಸ್ಥಿತಿ ಆತುಂಡ್.

ಔಷಧದ ಲಭ್ಯತೆದ  ಕೊರತೆ ಇತ್ತುದ್ದು ರೋಗಿಲೆಗ್ ಔಷಧಲೀ  ಲಭ್ಯ ಆಪಿಲೆಕ್ಕ ಮಲ್ಪೊಡು.

ಆಸ್ಪತ್ರೆದ  ಶುಚಿತ್ವ ಬೊಕ್ಕ  ಸ್ವಚ್ಛತೆದ  ಬಗ್ಗೆ ಹೆಚ್ಚಿಗೆ  ಗಮನ ಕೊರೊಡು.

ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆದ ಸಿಬ್ಬಂದಿಲೆನ  ವೇತನ ಸರಿಯಾಯಿನ  ಸಮಯಗ್  ಕೊರ್ದ್  ಆಸ್ಪತ್ರೆಗ್ ಬರ್ಪಿನ ರೋಗಿಲೆನ  ಸೇವೆಡ್ ಒವ್ವೇ  ವ್ಯಥ ಆವಂದಿಲೆಕ್ಕ  ತೂವೊನೊಡು ಪನ್ಪಿನ  ಬಗ್ಗೆ ಮನವಿ ಕೊರಿಯೆರ್.

ಈ ಸಂಧರ್ಭ ಡ್  ವಿಜಯ ಕೊಡವೂರು, ಸತೀಶ್ ಸಾಲ್ಯಾನ್ ಮಣಿಪಾಲ, ರತ್ನಾಕರ್ ಶೆಟ್ಟಿ ಆತ್ರಾಡಿ, ಪ್ರಜೀತ್ ಮಲ್ಪೆ, ಅನಿಲ್ ಹನುಮಂತ ನಗರ  ಉಪಸ್ಥಿತರಿತ್ತೆರು.