ಗ್ರಾಮಸ್ಥೆರು ಒಗ್ಗಟ್ಟಾದ್  ಬೇಲೆ ಮಲ್ಪೊಡ್: ಎನ್. ಟಿ.ಅಮೀನ್

ಶ್ರೀ ವಡಭಾಂಡ ಬಲರಾಮ ದೇವಸ್ಥಾನದ ಬ್ರಹ್ಕಲಶೋತ್ಸವ ಸಂದರ್ಭಡ್  ಮಂಗಳವಾರ ನಡತಿನ ಧಾರ್ಮಿಕ ಸಭಾ ಕಾರ್ಯಕ್ರಮ ..

ಕಾರ್ಯಕ್ರಮಡ್  ಉದ್ಯಮಿ ಎನ್. ಟಿ.ಅಮೀನ್ ಪಾತೆರ್ದ್ ಊರುದ  ಗ್ರಾಮಸ್ಥೆರು ಒಗ್ಗಟ್ಟಾದ್ ಕೆಲಸ ಮಲ್ಪೊಡ್ ಪಂಡೆರ್.

ಸಂಸ್ಕಾರ ಸಂಸ್ಕೃತಿನ್  ದುಂಬುದ ಪೀಳಿಗೆಗ್ ಕಲ್ಪಾದ್ ಸಮಾಜನ್ ಒರಿಪಾವೊಡ್ ಪಂಡೆರು. ದೇವಸ್ಥಾನ ಕುಡಲಾತ್ ಹೆಚ್ಚ ಬೆಳಗೊಡ್  ಪಂಡೆರು.

ಈ ಸಂದರ್ಭಡ್  ಬ್ರಹ್ಮಕಲಶೋತ್ಸವ ಸಮಿತಿ ಅಧ್ಯಕ್ಷ ಸಾಧು ಸಾಧು ಸಾಲ್ಯಾನ್, ಉಡುಪಿ ನಗರ ಸಭೆಯ ವಿಪಕ್ಷ ನಾಯಕ ರಮೇಶ್ ಕಾಂಚನ್, ನಗರ ಸಭೆತ್ತ ಮಾಜಿ ಅಧ್ಯಕ್ಷೆ ಮೀನಾಕ್ಷಿ ಮಾಧವ, ಸ್ಮರಣಿಕ ಉಡುಪಿ ಮಾಲಕ ದಿವಾಕರ ಸನಿಲ್, ಸಮಾಜ ಸೇವಕ ಗಣೇಶ್ ನೆರ್ಗಿ, ಅಭಿವೃದ್ದಿ ಮಂಡಳಿ ಅಧ್ಯಕ್ಷ ನಾಗರಾಜ್ ಮೂಲಿಗಾರ್, ಪ್ರಧಾನ ಕಾರ್ಯದರ್ಶಿ ಶಶಿಧರ್ ಅಮೀನ್ ಉಪಸ್ಥಿತರಿತ್ತೆರು.

ಬ್ರಹ್ಕಲಶೋತ್ಸವ ಸಮಿತಿ ಪ್ರಧಾನ ಕಾರ್ಯದರ್ಶಿ ಪ್ರಕಾಶ್ ಜಿ.ಕೊಡವೂರು ಸ್ವಾಗತ ಮಲ್ತುದ್, ಪಾಂಡುರಂಗ ಮಲ್ಪೆ ಕಾರ್ಯಕ್ರಮ ನಿರೂಪಣೆ ಮಲ್ತುದ್ , ಸೊಲ್ಮೆ ಸಂದಾಯ್ತ ಮಲ್ತೆರು.

ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾದ್ ವಿದುಷಿ ಸಹನಾ ಕೃಷ್ಣರಾಜ ಭಟ್ ಬೊಕ್ಕ ಬಳಗದಕ್ಲೆಡ್ದ್ ಭಕ್ತಿ ಸಂಗೀತ, ವಿದುಷಿ ಶರ್ಮಿಳಾ ರಾವ್ ಬೊಕ್ಕ ಶಿಷ್ಯೆರೆಡ್ದ್ ವಯೋಲಿನ್ ಕಚೇರಿ ನಡತುಂಡ್.

ಸಭಾ ಕಾರ್ಯಕ್ರಮಡ್  ಬೊಕ್ಕ ರಜತ ತಂತ್ರಿ ಕೊಡವೂರು ಮೆರೆಡ್ದ್  ಭಕ್ತಿ ಸಂಗೀತ ಕಾರ್ಯಕ್ರಮ ನಡತುಂಡ್. ಪೂರ್ಣಿಮಾ ಜನಾರ್ದನ್ ಕೊಡವೂರು ಸಾಂಸ್ಕೃತಿಕ ಕಾರ್ಯಕ್ರಮದ  ನಿರೂಪಣೆ ಮಲ್ತೆರು.