ಆನಂದ ಶರಧಿಡ್ ಭಜನಾ ಸ್ಪರ್ಧೆ

ಮಲ್ಪೆದ  ಆನಂದ ಶರಧಿಡ್ ಭಜನಾ ಸ್ಪರ್ಧೆ
ಭಜನೆಡ್ದ್  ಧಾರ್ಮಿಕ ಪ್ರಜ್ಞೆ ಜಾಗೃತಿ : ನರೇಂದ್ರ ಕೋಟ್ಯಾನ್
ಮಲ್ಪೆ:

ಆನಂದ ಶರಧಿಡ್  ನಡತಿನ  ಭಜನಾ ಸ್ಪರ್ಧೆ ಬೊಕ್ಕ ಧಾರ್ಮಿಕ  ಸಭಾ ಕಾರ್ಯಕ್ರಮ  ಭಕ್ತಿಭಾವಡ್ ನಡತುಂಡ್..
ಈ ಸಂದರ್ಭಡ್  ಪಾತೆರಿನ ಶಿವ ಪಂಚಾಕ್ಷರಿ ಭಜನಾ ಮಂದಿರದ ಅಧ್ಯಕ್ಷೆರಾಯಿನ ಶ್ರೀ ನರೇಂದ್ರ ಕೋಟ್ಯಾನ್  “ಮಲ್ಪೆದ  ಆನಂದ ಶರಧಿಡ್ ಇಂಚಿನ  ಧಾರ್ಮಿಕ ಕಾರ್ಯಕ್ರಮಲೆನ್  ಮಲ್ಪುನ ಮೂಲಕ ಜನಕ್ಲೆಡ ಧಾರ್ಮಿಕ ಪ್ರಜ್ಞೆ ಮೂಡಿಸಾವುನ ಕಾರ್ಯ ಆವಡ್ ” ಪಂಡುದು ಪಂಡೆರು.ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಮಾಜಿ ಮೊಕ್ತೇಸರೆರಾಯಿನ  ಶ್ರೀ ರಾಘವೇಂದ್ರ ರಾವ್ ಪಾತೆರ್ದ್ ಭಜನೆ ಪನ್ಪಿನವ್  ವ್ಯವಹಾರ ಅತ್ತ್, ಅವ್ವ್  ಧಾರ್ಮಿಕ ಮೂಲ. ಇಲ್ಲ  ಇಲ್ಲಡ್ ಭಜನೆ ಮಲ್ಪುನ  ಮೂಲಕ ಹಿಂದುತ್ವದ ರಕ್ಷಣೆ ಸಾಧ್ಯ ಪಂಡುದು  ಪಂಡೆರ್.
ಖ್ಯಾತ ಜ್ಯೋತಿಷ ವಿದ್ವಾನ್ ಶ್ರೀ ಹೆರ್ಗ ಪಾತೆರ್ದ್  ತುಳುನಾಡುದ ಸಂಪ್ರದಾಯಲೆಡ್  ನಾಗಬನಕ್  ಮಹತ್ವ ಕೊರ್ಪಿನ  ಮೂಲಕ ಪರಿಸರ ಸಂರಕ್ಷಣೆದ ಕಾರ್ಯೊನ್ ನಮ್ಮ ಹಿರಿಯೆರು ಮಲ್ತುದೆರ್.ಅಂಚೆನೇ ಭಜನೆ ಮಲ್ತುಂಡ ವಿಭಜನೆ ಆಪುಜಿ.  ಭಜನೆ ಮಲ್ಪುನ ಜೋಕ್ ಲೆಗ್ ಸಂಸ್ಕಾರ ಕಲ್ಪಾವೊಡ್ ಪಂಡುದ್ ಇಜ್ಜಿ.ಆ ನಿಟ್ಟುಡ್ ಮುಲ್ಪ ಆಯೋಜನೆ ಮಲ್ದಿನ ಭಜನಾ ಸ್ಪರ್ಧೆ ಜೋಕ್ ಲೆಗ್ ಎಡ್ಡೆ ಭವಿಷ್ಯ ಕೊರಡ್ ಪಂಡೆರ್..ವಿದ್ವಾನ್ ಶ್ರೀ ಪಂಜ ಭಾಸ್ಕರ್ ಭಟ್ ಪಾತೆರ್ದ್ ಭಜನೆಡ್  ಪಾಲ್ ಪಡೆಯುನವ್ವೇ  ಒಂಜಿ  ಭಾಗ್ಯ. ಭಜನೆದ ಪ್ರತಿಯೊಂಜಿ  ವಾಕ್ಯಗುಲಾ  ವಿಭಿನ್ನ ಅರ್ಥ ಉಂಡು., ಸಂಕಷ್ಟದ ಸಮಯಡ್  ಹಿರಿಯೆರು ಭಜನೆದ ಮೂಲಕ ಮನೋಬಲ ಪಡೆತೊನೊಂದೆರ್.. ಭಜನೆಗ್ ಉದ್ವೇಗನ್ ನಿಯಂತ್ರಣ  ಮಲ್ಪುನ ಶಕ್ತಿ ಉಂಡು .
ಧಾರ್ಮಿಕ ಪ್ರಜ್ಞೆ ಮೂಡಿಸಾವುನ  ಉದ್ದೇಶಡ್  ಆನಂದ ಶರಧಿಡ್  ಭಜನಾ ಸ್ಪರ್ಧೆ  ಆಯೋಜನೆ ಮಲ್ತುದ್  ಈ ಪರಿಸರ ಆನಂದಮಯವಾದುಪ್ಪರೆಗ್ ಅನುವು ಮಲ್ತ್ ಕೊರಿನ ಆಯೋಜಕೆರೆಗ್ ಧನ್ಯವಾದ ಪಂಡುದ್,.
“ಭಜನೆಡಾದ್ ಸರ್ವಾರ್ಥ ಸಿದ್ಧಿಯಾಪುಂಡ್” ಪಂಡೆರು.ವೇದಿಕೆಡ್  ಶ್ರೀಯುತ ಗಣರಾಜ್ ಭಟ್,   ಶಿವಪಂಚಾಕ್ಷರೀ ಭಜನಾ ಮಂದಿರದ ಮಾತೃಮಂಡಳಿದ ಅಧ್ಯಕ್ಷೆ ಸುನೀತಾ ಶಂಕರ್, ಕಡಿಯಾಳಿ ಮಾತೃಮಂಡಳಿದ ಗೀತಾ ನಾಯಕ್, ಶಿಲ್ಪಾ ಗಂಗಾಧರ್, ಸೇರಿನಂಚ ಕೆಲವ್ ಗಣ್ಯೆರ್ ಉಪಸ್ಥಿತರಿತ್ತೆರು.ಕಾರ್ಯಕ್ರಮದ ಸಂಚಾಲಕೆರಾಯಿನ  ಶ್ರೀ ಗೋವಿಂದರಾಜ್  ಸ್ವಾಗತ ಮಲ್ತುದ್
ವಿಜಯ ಕೊಡವೂರು ಧನ್ಯವಾದ ಸಮರ್ಪಿಸಾಯೆರು. ವಿದ್ವಾನ್ ಷಣ್ಮುಖ ಹೆಬ್ಬಾರ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು..ಸಭಾಕಾರ್ಯಕ್ರಮಡ್ ಬೊಕ್ಕ ಕಿಶೋರ ಕಿಶೋರಿಯೆರೆನ  ತಂಡದ ಭಜನಾ ಸ್ಪರ್ಧೆ ನಡತುಂಡ್.. ಭಜನಾ ಸಂಚಾಲಕೆರಾಯಿನ  ಶ್ರೀ ಅರುಣ್ ಕುಂದರ್ ಭಜನಾ ಸ್ಪರ್ಧೆದ  ನಿಯಮಲೆನ್  ತೆರಿಪಾಯೆರು.ಖ್ಯಾತ ಸಂಗೀತ ಕಲಾವಿದೆರಾಯಿನ ಶ್ರೀ ಶೋಧನ್ ಎರ್ಮಾಳ್ ಬೊಕ್ಕ ವಿದೂಷಿ ಶ್ರೀಮತಿ ಮಾಧವಿ ಎಸ್.ಭಟ್ ಭಜನಾ ಸ್ಪರ್ಧೆದ ತೀರ್ಪುಗಾರೆರಾದ್  ಸಹಕಾರ ಮಲ್ತೆರ್.