ಸನ್ಮತಿ ಪತ್ರಿಕೆ ಬುಡುಗಡೆ

`ಸನ್ಮತಿ’ ಪತ್ರಿಕೆ ಸಂಚಿಕೆ ಬುಡುಗಡೆ- ಪೌರಾಯುಕ್ತೆರೆನೊಟ್ಟುಗ್ ಸಂವಾದ

ಉಡುಪಿ, ಮೇ 20: ಉಡುಪಿದ ಪತ್ರಕರ್ತೆರು ನಗರಸಭೆ ಮಲ್ಪುನ ಕಾರ್ಯೊಲೆನ್  ತಮ್ಮ ಮಾಧ್ಯಮದ ಮೂಲಕ ಸಾರ್ವಜನಿಕೆರೆಗ್  ತಲುಪಿಸಾವುನ ಮೂಲಕ ಸಾರ್ವಜನಿಕೆರೆನ ಬೇಡಿಕೆ ಬೊಕ್ಕ ಸಮಸ್ಯೆಲೆನ್  ನಗರಸಭೆತ್ತ ಗಮನಗ್  ಕನಪಿನ  ಮಹತ್ತರ ಕೆಲಸ ಮಲ್ತೊಂದುಲ್ಲೆರ್ ಪಂಡುದು ಉಡುಪಿ ನಗರಸಭೆ ಪೌರಾಯುಕ್ತ ಹಂಗರಗಿ ಪಂಡೆರ್..

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಡ್ದ್  ಬುಧವಾರ ಉಡುಪಿ ಪತ್ರಿಕಾ ಭವನಡ್ ಆಯೋಜನೆ ಮಲ್ದಿನ ತಿಂಗಳ ಅಂಗಳ ಸಂವಾದ ಕಾರ್ಯಕ್ರಮಡ್ ಸಂಘದ `ಸನ್ಮತಿ’ ಪತ್ರಿಕೆದ ಏಪ್ರಿಲ್ ತಿಂಗೊಲ್ದ  ಸಂಚಿಕೆನ್ ಬುಡುಗಡೆ ಮಲ್ತುದ್ ಆರು ಪಾತೆರಿಯೆರು.

ಅಧ್ಯಕ್ಷತೆಡ್ ಸಂಘದ ಜಿಲ್ಲಾಧ್ಯಕ್ಷ ಸುಬ್ರಹ್ಮಣ್ಯ ಜಿ.ಕುರ್ಯ ಇತ್ತೆರು.  ವಾರ್ತಾಧಿಕಾರಿ ಮಂಜುನಾಥ್, ಸಂಘದ ಕೋಶಾಧಿಕಾರಿ ಹರೀಶ್ ಕುಂದರ್ ಉಪಸ್ಥಿತರಿತ್ತೆರು. ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತುದ್,ರಹೀಂ ಉಜಿರೆ ಕಾರ್ಯಕ್ರಮ ನಿರೂಪಣೆ ಮಲ್ತುದ್ ವಂದಿಸಾಯೆರು.