ಮಹಾರುದ್ರ ಯಾಗದ ಸಮಾರೋಪ

ಸಮಾಜಮುಖಿ ಚಿಂತನೆಡಾದ್  ದೇಶದ ಅಭಿವೃದ್ಧಿ ಸಾಧ್ಯ: ಪ್ರಸಾದ್ ರಾಜ್ ಕಾಂಚನ್
ಉಡುಪಿ: ಉದ್ಯಮಿಲು ಸಮಾಜಮುಖಿ ಕಾರ್ಯಗ್ ಹೆಚ್ಚಿನ ಆದ್ಯತೆ ಕೊರುಂಡ ದೇಶದ ಅಭಿವೃದ್ಧಿಗ್ ಪೂರಕ ಆಪುಂಡ್ ಪಂಡುದು ಮಹಾರುದ್ರಯಾಗ ಸಮಿತಿ ಕಾರ್ಯಾಧ್ಯಕ್ಷ ಬೊಕ್ಕ ಉದ್ಯಮಿ ಪ್ರಸಾದ್ ರಾಜ್ ಕಾಂಚನ್ ಪಂಡೆರು.
ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನಡ್ ಲೋಕಕಲ್ಯಾಣಾರ್ಥವಾದ್ ಆಯೋಜನೆ ಮಲ್ದಿನ ಮಹಾರುದ್ರಯಾಗದ ಸಮಾರೋಪ ಸಮಾರಂಭದ ಅಧ್ಯಕ್ಷತೆ ಡಿತ್ತುದ್ ಸನ್ಮಾನ ಸ್ವೀಕರಿಸಾದ್ ಆರು ಪಾತೆರಿಯೆರು.
ಮಾತೆನ್ಲಾ ಸರ್ಕಾರನೇಮಲ್ಪರೆಗ್  ಸಾಧ್ಯ ಇಜ್ಜಿ. ಅಂಚಾದ್ ಎನ್ನಂಚಿನ ಉದ್ಯಮಿಲು ಸಮಾಜಮುಖಿ ಚಿಂತನೆ ಬುಳೆಪಾವೊಂದ್ ಸಾಮಾಜಿಕ ಕಾರ್ಯಲೆನ್ ಹೆಚ್ಚಾದ್ ಮಲ್ಪೊಡ್. ಧಾರ್ಮಿಕತೆದೊಟ್ಟುಗ್  ಜೋಕ್ ಲೆಗ್ ಸಾಮಾಜಿಕ ಕಲ್ಪನೆ ಬೊಕ್ಕ ಸೇವಾಭಾವನೆ ಬುಲೆಪಾವೊಡ್ ಪಂಡೆರು.
ಮಹಾರುದ್ರಯಾಗದ ಅಂಗವಾದ್ ಉದ್ಯೋಗ ಮೇಳ, ಆರೋಗ್ಯ ಮೇಳದಂಚಿನ ಸಮಾಜಮುಖಿ ಕಾರ್ಯಕ್ರಮಲೆನ್ ಆಯೋಜನೆ ಮಲ್ದ  ಪಂಡುದ್ ತೆರಿಪಾಯಿನ ಆರು, ದೇವೆರು ಪ್ರೇರಣೆ ಕೊರುಂಡ ಒವ್ವೇ ಕಾರ್ಯಲಾ ಸುಗಮವಾದ್ ಈಡೇರುಂಡ್  ಪನ್ಪೀನೆಕ್ ಈ ಮಹಾರುದ್ರಯಾಗನೇ ಸಾಕ್ಷಿ. ಒವ್ವೇ  ಅಡಚಣೆ ಇಪ್ಪಂದೆ ಈ ಮಹಾಕಾರ್ಯ ಯಶಸ್ವಿಯಾದ್ ನೆರವೇರುದುಂಡ್  ಪಂಡುದು ಪಂಡೆರು.
ಕಾರ್ಯಕ್ರಮಡ್  ಉಡುಪಿ ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ದಿನಕರ ಹೇರೂರು, ದಕ್ಷಿಣ ಕನ್ನಡ ಜಿಲ್ಲಾ ಸಹಕಾರಿ ಹಾಲು ಉತ್ಪಾದಕರ ಒಕ್ಕೂಟದ ಅಧ್ಯಕ್ಷ ರವಿರಾಜ್ ಹೆಗ್ಡೆ, ಕಿದಿಯೂರು ಹೋಟೆಲ್ ಪ್ರೈವೇಟ್ ಲಿಮಿಟೆಡ್ ಪ್ರವರ್ತಕ ಭುವನೇಂದ್ರ ಕಿದಿಯೂರು, ಉದ್ಯಮಿ ಮನೋಹರ ಶೆಟ್ಟಿ, ರಾಘವೇಂದ್ರ ಶೆಟ್ಟಿ, ಪ್ರಖ್ಯಾತ್ ಶೆಟ್ಟಿ, ಸುಧಾಕರ್ ಶೆಟ್ಟಿ ಮೈರ್ಮಾಡಿ, ಭುಜಂಗ ಶೆಟ್ಟಿ, ಹರಿಪ್ರಸಾದ್ ಐತಾಳ್, ಮೀನಾಕ್ಷಿ ಮಾಧವ ಬನ್ನಂಜೆ, ಆಶಾ ಚಂದ್ರಶೇಖರ್, ರತ್ನಾಕರ ಸಾಲಿಯಾನ್, ದಯೇಶ್ ಕಾಂಚನ್, ಸುರೇಂದ್ರ ಕುಂದರ್, ರವಿ ಕರ್ಕೇರ, ಸುಧಾಕರ್ ಎ ಕುಂದರ್, ವಿಠಲ ಕರ್ಕೇರ, ಕಿರಣ್ ಕುಮಾರ್, ರತನ್, ಸುಧಾಕರ್ ಕಲ್ಮಾಡಿ, ರಾಮಚಂದ್ರ ಕೋಟ್ಯಾನ್, ಶರತ್ ಕುಮಾರ್, ದಾಮೋದರ, ಅಶೋಕ್ ಕುಂದರ್, ಗಣೇಶ್ ಅಮೀನ್, ಹರೀಶ್ ಕುಮಾರ್, ಸುರೇಶ್ ಅಮೀನ್, ದಯಾಕರ್ ಎ ಸುವರ್ಣ, ದಿವ್ಯಾರಾಣಿ, ಪ್ರದೀಪ್ ಶೆಟ್ಟಿ, ಕೆ. ಕೃಷ್ಣಮೂರ್ತಿ ಆಚಾರ್ಯ, ತಾರಾನಾಥ ಪೂಜಾರಿ, ಪ್ರಕಾಶ್ ಜಿ. ಕೊಡವೂರು ಮೊಕುಲು ಉಪಸ್ಥಿತರಿತ್ತೆರು.
ಸಹ ಸಂಚಾಲಕ ಬಾಲಕೃಷ್ಣ ಕೊಡವೂರು ಸ್ವಾಗತ ಮಲ್ತೆರು. ನಂದಕಿಶೋರ್ ಬೊಕ್ಕ  ದಯಾನಂದ ಕಾರ್ಯಕ್ರಮ ನಿರೂಪಣೆ ಮಲ್ತೆರು.