ನಮ ಎಂಚ ಬದುಕೊಡ್ ಪನ್ಪಿನವ್ ನಮ್ಮ ಹಿರಿಯೆರೆನಕುಲು ತೆರಿಪಾದ್ ಕೊರ್ತೆರ್.ನಮ್ಮ ದೇಹಗುಲಾ ನಮ್ಮ ಪರಿಸರಗುಲಾ ಒಂಜಿ ಅವಿನಾಭಾವ ಸಂಬಂಧ ಉಂಡು.ಬದುಕುದ ನೈಜತ್ವನ್ ತೆರಿಯೊಡಾಂಡ ಭಜನೆದ ಸಾಹಿತ್ಯನ್ ಕೇನೊಡ್.ಆಧ್ಯಾತ್ಮದ ಹಿನ್ನೆಲೆ ಡ್ ಮಾತ್ರ ಅತ್ತ್ ಸಾಮಾಜಿಕ ಬದುಕುಗುಲಾ ಭಜನೆ ಸಹಕಾರಿ ಆಪುಂಡ್ ಪಂಡುದು ವಿದ್ವಾನ್ ಡಾ.ಲಕ್ಷೀಶ್ ಭಟ್ ಮುದ್ರಾಡಿ ಪಂಡೆರ್.ಆರ್ ಮಲ್ಪೆ ದ ಆನಂದ ಶರಧಿಡ್ ಶ್ರೀ ಕೃಷ್ಣ ಪರಿಸರ ಪ್ರತಿಷ್ಠಾನದ ವತಿಡ್ದ್ ನಡತೊಂದುಪ್ಪುನ ಅಂತರ್ ಜಿಲ್ಲಾ ಭಜನಾ ಸ್ಪರ್ಧೆದ ಸಭಾ ಕಜ್ಜೊಡ್ ಮಲ್ಲ ಬಿನ್ನೆರಾದ್ ಪಾತೆರಿಯೆರ್.
ಧಾರ್ಮಿಕ ವ್ಯವಸ್ಥೆಯನ್ನು ಗಟ್ಟಿ ಮಾಡುವ ಸಲುವಾಗಿ ಈ ಭಾಗದಲ್ಲಿ ಭಜನಾ ಸ್ಪರ್ಧೆಯನ್ನು ಆಯೋಜನೆ ಮಲ್ದಿನವ್ವ್ ಶ್ಲಾಘನೀಯ ಪಂಡುದ್ ಹಾಲು ಉತ್ಪಾದಕರ ಒಕ್ಕೂಟದ ಅಧ್ಯಕ್ಷೆರಾಯಿನ ಶ್ರೀ ರವಿರಾಜ್ ಹೆಗ್ಡೆ ಪಂಡೆರ್.
ಪವಿತ್ರ ವಾಯಿನ ಈ ಭೂಮಿ ಡ್ ಶ್ರೀ ಕೃಷ್ಣನ ಭವ್ಯ ವಾಯಿನ ಸಾಂಸ್ಕೃತಿಕ ಕೇಂದ್ರ ಸದ್ಯೊಡೇ ಆಪುಂಡ್ ಪಂಡುದ್ ಕುಡೊರಿ ಮಲ್ಲ ಬಿನ್ನೆರಾಯಿನ ಶ್ರೀ ನಾರಾಯಣ ಶೆಣೈ ಪಂಡೆರ್.
, ಕಡಿಯಾಳಿ ಮಹಿಷಮರ್ದಿನಿ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರಾಯಿನ ವಿಜಯರಾಘವ ರಾವ್ ಪಾತೆರ್ದ್ ಆಧುನಿಕ ಯುಗಟ್ ಉಪ್ಪುನ ಯುವಜನತೆನ್ ಒಟ್ಟು ಮಲ್ತುದ್ ಭಜನಾ ಸ್ಪರ್ಧೆ ಮಲ್ಪುನ ಆತ್ ಸುಲಭದ ಕೆಲಸ ಅತ್ತ್,, ಆ ನಿಟ್ಟುಡ್ ಮುಲ್ಪ ಭಜನಾ ಸ್ಪರ್ಧೆನ್ ಆಯೋಜನೆ ಮಲ್ದಿನವ್ ಯುವಜನತೆಗ್ ಸ್ಪೂರ್ತಿ ಪಂಡೆರ್.ವೇದಿಕೆಡ್ ಏಳೂರು ಮೊಗವೀರ ಭವನದ ಅಧ್ಯಕ್ಷೆ ರಾಯಿನ ರತ್ನಾಕರ ಸಾಲ್ಯಾನ್, , ಏಕತ್ವ ಭಜನಾ ಮಂಡಳಿದ ನೇತ್ರಾವತಿ,ಭಜನಾ ಸಂಚಾಲಕೆರಾಯಿನ ದಿನೇಶ್ ಪುತ್ರನ್ ಉಪಸ್ಥಿತರಿತ್ತೆರು.ಕಾರ್ಯಕ್ರಮದ ಪ್ರಧಾನ ಸಂಚಾಲಕೆರಾಯಿನ ಗೋವಿಂದ ರಾಜ್ ಸ್ವಾಗತ ಮಲ್ತುದ್, ಷಣ್ಮುಖ ಹೆಬ್ಬಾರ್ ನಿರೂಪಣೆ ಮಲ್ತೆರು.
ಸಭಾ ಕಾರ್ಯಕ್ರಮಡ್ ಬೊಕ್ಕ ಯುವಕೆರೆನ ತಂಡದ ಭಜನಾ ಸ್ಪರ್ಧೆ ನಡತುಂಡ್.ವಿದೂಷಿ ಲಲಿತಾ ಶ್ರೀ ರಾಮ್ ಬೊಕ್ಕ ವಿದ್ವಾನ್ ಅಶೋಕ್ ಆಚಾರ್ ತೀರ್ಪು ಗಾರೆರಾದ್ ಸಹಕಾರ ಮಲ್ತೆರ್.ಅರುಣ್ ಕುಂದರ್ ಭಜನಾ ಸ್ಪರ್ಧೆದ ನಿಯಮಲೆನ್ ತೆರಿಪಾಯೆರ್.
by 