ಬಬ್ಬು ಸ್ವಾಮಿ ನೇಮ

“ತುಳುನಾಡುದ ಕಾರ್ಣಿಕದ ಪವಿತ್ರ ದೈವ ಸಂಸ್ಕೃತಿದ  ಘೋಷಣೆ…
ಭಕ್ತೆರೆನ ಅಪಾರ ನಂಬೊಲಿಗೆ ಬೊಕ್ಕ  ಭಕ್ತಿಭಾವದ ಮಹಾಸಂಭ್ರಮ…
ಬಡಾನಿಡಿಯೂರು ಕೆದುಕೆರೆ ಶ್ರೀ ಬಬ್ಬಸ್ವಾಮಿ ಬೊಕ್ಕ  ಪರಿವಾರ ದೈವೊಲೆನ ಸಿರಿ ಸಿಂಗಾರದ  ನೇಮೋತ್ಸವ ಉಂದುವೇ ಬರ್ಪಿನ ಮಾರ್ಚ್ 21 ಬೊಕ್ಕ 22 ತಾರೀಕು ಗ್
ಭಕ್ತಿ ಬೊಕ್ಕ ಸಂಪ್ರದಾಯದ ವೈಭವಡ್  ನಡಪರೆಗುಂಡ್. 21 ಗ್ ಕಾಂಡೆ ಚಪ್ಪರದ ಗಜಕಂಬ ಪ್ರತಿಷ್ಠೆ, ಕಂಬಿಗಾರ ದೈವದ ದರ್ಶನ, ಮಧ್ಯಾಹ್ನ 12ಗಂಟೆಗ್ ಕೋಲದ ಚಪ್ಪರ ಏರ್ದ್ ಭಕ್ತೆರೆಗ್ ನುಪ್ಪುಪ್ರಸಾದ ನಡಪರೆಗುಂಡ್.ಆನಿ ಬಯ್ಯಗ್ 5.30 ಗಂಟೆಗ್ ದೈವಸ್ಥಾನಡ್ದ್ ಭಂಡಾರ ಪಿದಾಡುದ್ ಕೋಲದ  ಚಪ್ಪರಗ್ ಪ್ರವೇಶ ಆಪುಂಡ್.ರಾತ್ರೆಗ್ 9.30 ಗಂಟೆಡ್ದ್  ಶ್ರೀ ಬಬ್ಬು ಸ್ವಾಮಿ ದೈವದ  ನೇಮೋತ್ಸವ,ರಾತ್ರೆ ಗ್ 12 ಗಂಟೆಡ್ದ್ ತನ್ನಿಮಾನಿಗ ದೇವಿನ ನೇಮೋತ್ಸವ, ನಡಪರೆಗುಂಡ್.22 ಗ್ ಐತಾರದಾನಿ ಕಾಂಡೆ 11 ಗಂಟೆಗ್ ಧೂಮಾವತಿ ಬೊಕ್ಕ ಬಂಟ ದೈವೊಲೆನ ನೇಮ, ಮಧ್ಯಾಹ್ನ 3 ಗಂಟೆಗ್ ಗುಳಿಗ ನೇಮ, ಬಯ್ಯಗ್ 5 ಗಂಟೆಗ್ ಕೊರಗಜ್ಜನ ನೇಮ ನಡಪರೆಗುಂಡ್.ಈ ಮಾತಾ ಕಜ್ಜೊಲೆಡ್ ಊರಪರವೂರುದ ಭಕ್ತಾದಿಲು ಪಾಲ್ ಪಡೆದ್ ಬಬ್ಬು ಸ್ವಾಮಿ ಬೊಕ್ಕ ಪರಿವಾರ ದೈವೊಲೆನ ಅನುಗ್ರಹ ಪಡೆತೊನೊಡ್ ಪಂಡುದ್ ದೈವಸ್ಥಾನದ ಆಡಳಿತ ಮಂಡಳಿ ಬಿನ್ನಪ ಮಲ್ತುದೆರ್.