ಬಪ್ಪನಾಡು ಡ್ ಅಷ್ಟಮಂಗಳ ಪ್ರಶ್ನೆ

ಜು.22 : ಬಪ್ಪನಾಡ್ ಡ್ ಅಷ್ಟಮಂಗಳ ಪ್ರಶ್ನೆದ ಪರಿಹಾರ ಚಿಂತನೆ

ಮುಲ್ಕಿ : ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಜಾತ್ರೆದಾನಿ ತೇರ್ ಮಗ್ ರ್ದ್ ಪೋಯಿನ ನಿಲೆಟ್ಟ್ ಶ್ರೀ ಕ್ಷೇತ್ರಡ್ ಮೇ 21 ತಾರೀಕ್ ರ್ದ್ ಸುರುವಾತಿನ ಪ್ರಶ್ನಾಚಿಂತನೆದ ವಿಮರ್ಶೆ ಬೊಕ್ಕ ಪರಿಹಾರ ಚಿಂತನೆ ಜುಲೈ 22 ಅಂಗಾರೆ ಕಾಂಡೆ 9 ಗಂಟೆಗ್ ನಡಪರೆ ಉಂಡು ಪಂದ್ ದೇವಸ್ಥಾನದ ಆಡಳಿತ ಮಂಡಳಿ ಪ್ರಕಟಣೆಡ್ ತೆರಿಪಾದ್ಂಡ್.
ದೈವಜ್ಞೆರಾಯಿನ ವಳಕುಂಜ ಶ್ರೀ ವೆಂಕಟರಮಣ ಭಟ್ ಮೆರೆನ ಮಾರ್ಗದರ್ಶನೊಡು ಪದಾನಂ ನಾರಾಯಣ ಪೊದುವಾಳ್ ಮೆರೆನ ಸಹಕಾರೊಡು ದೈವಜ್ಞೆರ್ ಮುರಳಿಕೃಷ್ಣ ಭಟ್ ಬೊಕ್ಕ ಕೂಟದಕುಲು ಕ್ಷೇತ್ರದ ಆಡಳಿತ ಮೊಕ್ತೇಸರೆರ್, ಮುಲ್ಕಿ ಸೀಮೆದ ಅರಸೆರ್ ದುಗ್ಗಣ್ಣ ಸಾವಂತೆರ್ ಬೊಕ್ಕ ಆಡಳಿತ ಸಮಿತಿ ಸದಸ್ಯೆರ್, ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ, ಕ್ಷೇತ್ರದ ತಂತ್ರಿಲು ಶಿಬರೂರು ಗೋಪಾಲಕೃಷ್ಣ ಭಟ್, ಅರ್ಚಕ ವರ್ಗ ಅಂಚೆನೆ ಬೇತೆ ಬೇತೆ ದೇವಸ್ಥಾನದ ಮುಖ್ಯಸ್ಥೆರ್ ಬೊಕ್ಕ ಕ್ಷೇತ್ರದ ಭಕ್ತೆರ್ ನ ಎದುರುಡು ಪ್ರಶ್ನಾಚಿಂತನೆಡ್ ತೋಜಿದ್ ಬೈದಿಲೆಕ ವಿಮರ್ಶೆ ಬೊಕ್ಕ ಪರಿಹಾರ ಚಿಂತನೆ ಮಲ್ಪರೆ ಉಲ್ಲೆರ್.