ಮೊಗವೀರ ಸಮಾಜದ ಮೂಲ ಧಾರ್ಮಿಕ ಕೇಂದ್ರವಾಯಿನ ಬೆಣ್ಣೆಕುದ್ರು ಶ್ರೀ ಕುಲಮಹಾಸ್ತ್ರೀ ಅಮ್ಮನವರ ದೇವಸ್ಥಾನಡ್ ಲಭ್ಯವಿಪ್ಪುನ ಲಿಖಿತ ಮಾಹಿತಿದಂಚ ಸುಮಾರು ಸಾವಿರ ವರ್ಷ ಇತಿಹಾಸ ಉಪ್ಪುನ ಗುರು ಪರಂಪರೆದ 9ನೇ ಬೊಕ್ಕ ಕಡೇತ ಗುರುಕುಲಾಯಿನ ಕೀರ್ತಿಶೇಷ ಶ್ರೀ ಮಾಧವ ಮಂಗಲ ಪೂಜಾರ್ಯೆರೆನ ಬ್ರಹತ್ ಕಂಚಿದ ಪುತ್ಥಳಿ ನಿರ್ಮಾಣದ ಸಲುವಾದ್ ರೂಪಿಸಾಯಿನ ಮನವಿ ಪತ್ರ ಬೊಕ್ಕ ರಶೀದಿ ಪುಸ್ತಕ ಬುಡುಗಡೆ ಕಾರ್ಯಕ್ರಮ ಇನಿ ಶ್ರೀ ಕ್ಷೇತ್ರದ ಕಚೇರಿಡ್ ನಡತುಂಡ್..
ಮನವಿ ಪತ್ರೊನ್ ಬುಡುಗಡೆ ಮಲ್ತುದ್ ಪಾತೆರಿನ ನಾಡೋಜ ಡಾ. ಜಿ. ಶಂಕರ್ ಮೇರು, ಶ್ರೀ ಕ್ಷೇತ್ರದ ಜೀರ್ಣೋದ್ಧಾರ ಸಂದರ್ಭಡ್ ನಡತಿನ ಅಷ್ಟಮಂಗಲ ಪ್ರಶ್ನೆಡುಲಾ ಗುರುಕುಲೆನ ಪುತ್ಥಳಿನ್ ಉಚ್ಚಿಲಡ್ ನಿರ್ಮಾಣ ಮಲ್ಪೊಡ್ ಪನ್ಪಿನ ವಿಚಾರ ಪ್ರಸ್ತಾಪ ಆತಿನವ್ವೆನ್ ತೆರಿಪಾಯೆರು. ಸಮಾಜದ ಪ್ರತಿಯೊಂಜಿ ಇಲ್ಲಡುದುಲಾ ಶಕ್ತ್ಯಾನುಸಾರ ಗುರು ಕಾಣಿಕೆ ರೂಪೊಡ್ ಗರಿಷ್ಠ ಮಟ್ಟಡ್ ವಂತಿಗೆನ್ ಸಲ್ಲಿಸಾದ್ ಮೊಗವೀರ ಸಮಾಜದ ಸ್ವಾಭಿಮಾನದ ಸಂಕೇತವಾದುಪ್ಪುನ ಕೀರ್ತಿಶೇಷ ಶ್ರೀ ಮಾಧವ ಮಂಗಲ ಪೂಜಾರ್ಯರ ಪುತ್ಥಳಿ ನಿರ್ಮಾಣಗ್ ಸಹಕಾರ ಕೊರೊಡು ಪಂಡುದ್ ಆರು ಮನವಿ ಮಲ್ತೆರು.
ರಶೀದಿ ಪುಸ್ತಕನ್ ಬುಡುಗಡೆ ಮಲ್ತುದ್ ಪಾತೆರಿನ ದ.ಕ. ಮೊಗವೀರ ಮಹಾಜನ ಸಂಘ ರಿ. ಉಚ್ಚಿಲದ ಅಧ್ಯಕ್ಷೆರಾಯಿನ ಜಯ ಸಿ. ಕೋಟ್ಯಾನ್ ಮೇರು, ಸಮಾಜದ ಸರ್ವ ಬಂಧುಲು ಒಗ್ಗಟ್ಟುಡ್ ಈ ಪುತ್ಥಳಿ ನಿರ್ಮಾಣ ಕಾರ್ಯಗ್ ಶ್ರಮವಹಿಸಾದ್ ಯಶಸ್ವಿ ಮಲ್ಪೊಡ್ ಪಂಡೆರು.
ಈ ಸಂದರ್ಭಡ್ ಗಿರಿಧರ್ ಸುವರ್ಣ, ಮೋಹನ್ ಬೆಂಗ್ರೆ, ಮನೋಜ್ ಉಳ್ಳಾಲ, ಪದ್ಮಾಕರ್ ಮಸ್ಕತ್, ಶರಣ್ ಕುಮಾರ್ ಮಟ್ಟು, ಸತೀಶ್ ಕುಂದರ್ ಮಲ್ಪೆ, ರಾಜೇಶ್ ಉಳ್ಳಾಲ, ಪವನ್ ಆನಂದ್ ಎರ್ಮಾಳ್, ಶ್ರೀಮತಿ ಕವಿತಾ ಶರತ್, ವಾಸುದೇವ ಸಾಲ್ಯಾನ್, ದಿನೇಶ್ ಎರ್ಮಾಳ್, ಶಿವರಾಮ್ ಕೋಟ, ಶ್ರೀಮತಿ ಸುಗುಣ ಕರ್ಕೇರ, ಸದಾನಂದ ಬಂಗೇರ ಉಳ್ಳಾಲ, ಎಂ.ಎಸ್. ಸಂಜೀವ ಕೋಟ, ಅಶೋಕ್ ಉಪ್ಪಳ ಸೇರಿನಂಚ ಕೆಲವ್ ಗಣ್ಯೆರು ಉಪಸ್ಥಿತರಿತ್ತೆರು
by 