ಆಶ್ರಮೊಡ್ ಒಂಜಿ ದಿನ

ತೇದಿ 28-12-2025ನೇ ಐತಾರದಾನಿ ಜೈ ತುಲುನಾಡ್ (ರಿ.) ಬೆಂಗಳೂರು ಎಗ್ಗೆದ ಮುತಾಲಿಕೆಡ್ “ಆಶ್ರಮೊಡು ಒಂಜಿ ದಿನ” ಪನ್ಪಿನ ಒಂಜಿ ಸಮಾಜ ಸೇವೆದ ಕಜ್ಜ ಬೆಂಗಳೂರುದ ಹುಳಿಮಾವು ಗೇಟ್ ಡುಪ್ಪುನ “ಓಂ ಆಶ್ರಮ ಟ್ರಸ್ಟ್” ಪನ್ಪಿನ ಪ್ರಾಯದಕ್ಲೆನ ಆಶ್ರಮೊಡು ನಡತ್ಂಡ್.
ಈ ಪೊರ್ತುಡು ಆಶ್ರಮದ ಪ್ರಾಯದಕ್ಲೆಗ್ ಚಿತ್ರ ತೂದು ಊರುದ ಪುದರ್ ಪನ್ಪಿನಂಚಿನ ಕೆಲವು ಗೊಬ್ಬುಲು ಅಂಚೆನೆ ಪದ ಪನ್ಪಿನಕ್ಲೆಗ್ ಅವಕಾಶ ಇತ್ತ್ಂಡ್. ನೆತ್ತೊಟ್ಟುಗು ಸಂಘೊದ ಸದಸ್ಯೆರ್ಲ ಕೆಲವು ಪದೊಕುಲೆಗ್ ನಲ್ತ್ ದ್ ಸೇರ್ದಿತ್ತಿನ ಪ್ರಾಯದ ಅಜ್ಜೆರ್ ಬೊಕ್ಕ ದೊಡ್ಡನಕ್ಲೆನ ಮನಸ್ ಗ್ ಉಲ್ಲಾಸ ಕೊರ್ಯೆರ್.
ಅಲ್ಪ ಇತ್ತಿನ ಒಂಜಿ ಅಜ್ಜೆರೆಗ್ ಮಾತೆರೆನ ತೆಲಿಕೆ ನಲಿಕೆ ತೂದು ಮನಸ್ ಉರ್ಕರ್ ದ್ ಬತ್ತ್ಂಡ್. ಅರೆಗ್ ಅರೆನ ಇಲ್ಲದಕ್ಲೆನ ನಿನೆಪಾಂಡ್ ಗೆ.
ಒಂಜಿ ದೊಡ್ಡ ಪಂಡೆರ್ ನಿಕ್ಲೆನ ಅಪ್ಪೆ ಅಮ್ಮೆ ಬೊಳ್ಳಿ ಬಂಗಾರ್ ಬಯಕುಜೆರ್. ಅಕಲ್ನೊಟ್ಟುಗು ಪಾತೆರೊಡು. ಅಕ್ಲೆಗ್ ಪೊರ್ತು ಕೊರೊಡುಂದು ಪಂಡೆರ್.
ಉಂದುವೇ ಪಾತೆರೊನು ಜೈ ತುಲುನಾಡ್ ಬೆಂಗಳೂರು ಎಗ್ಗೆದ ಗುರ್ಕಾರ್ಲಾಯಿನ ಶ್ರೀ ನಿಧೀಶ್ ಶೆಟ್ಟಿ ಮೇರ್ಲ ಪಂಡೆರ್.
ಆಶ್ರಮದ ಮ್ಯಾನೇಜಿಂಗ್ ಟ್ರಸ್ಟಿಲಾಯಿನ ಶ್ರೀ ಗುರುನಾಥ ಕೆ. ಎಲ್. ಪಾತೆರ್ದ್ “ನಿಕುಲು ಅಪಗಪಗ ಇಡೆಗ್ ಬರೊಂದುಪ್ಪೊಡು ನಿಕ್ಲೆನ ಅಗತ್ಯ ಈ ಪ್ರಾಯದಕ್ಲೆಗ್ ಮಸ್ತ್ ಬೋಡು” ಪಂಡೆರ್. “ಬೊಕ್ಕ ನಿಕ್ಲೆನ ಸಂಘೊದಕುಲು ಪೊಕ್ಕಡೆ ಬತ್ತ್ ಪೋಪಿನ ಬೇಲೆ ಮಲ್ದ್ ಜರ್. ಉಂದು ಮುಲ್ತ ಪ್ರಾಯದಕ್ಲೆಗ್ ಕುಸಿ ಕೊರ್ತಿನ ಕಾರಣ ಆದುಂಡು”.
ಅಂಚೆನೆ ನಮ ಮಾತಾ ನಮನ್ ಇಡೆ ಮುಟ್ಟ ಮಲ್ಲ ಮಲ್ಪೆರೆ ಪುಣೆಯಿನ ನಮ್ಮ ಅಪ್ಪೆ ಅಮ್ಮನ್ ನಡು ಸಾದಿಡ್ ಕೈ ಬುಡಿಯಂಡ ದೇವೆರ್ ಎಡ್ಡೆ ಮಲ್ಪಾಯೆರ್. ನಮ್ಮ ಕೈ ಕಾರ್ ನ್ ನಮ್ಮ ಬದ್ಕ್ ದ ಸಾದಿಡ್ ಕಟ್ಟಾವೆರ್.
ಈ ಪೊರ್ತುಡು ಓಂ ಆಶ್ರಮ್ ಟ್ರಸ್ಟ್ ದ ಸದಸ್ಯೆರ್ ಇತ್ತೆರ್. ಅಂಚೆನೆ ಜೈ ತುಲುನಾಡ್ (ರಿ.) ಬೆಂಗಳೂರು ಎಗ್ಗೆದ ಕಾರ್ಯಂತೆರಾಯಿನ ಶ್ರೀ ರಂಜನ್ ಎಸ್. ವೈ., ಒತ್ತು ಕಾರ್ಯಂತೆರಾಯಿನ ಶ್ರೀ ವಿನಯ್ ಮಣಿಯಾನ, ಕುಮಾರಿ ದಿಯಾ ಬೋಳಾರ್,ಪಣವುದ ಪಾಲವೆರಾಯಿನ ಶ್ರೀ ಅನುದೀಪ್, ಒತ್ತು ಪಣವುದ ಪಾಲವೆರಾಯಿನ ಕುಮಾರಿ ಮೇಘನಾ, ಸಂಘಟನಾ ಕಾರ್ಯಂತೆರಾಯಿನ ಶ್ರೀ ಅಕ್ಷಯ್ ಆಚಾರ್ಯ, ಒತ್ತು ಸಂಘಟನಾ ಕಾರ್ಯಂತೆರಾಯಿನ ಶ್ರೀ ಮನೋಜ್, ಸ್ಥಾಪಕ ಪದುಕೆರಾಯಿನ ಶ್ರೀ ಶರತ್ ಕೊಡವೂರು, ಮಾಜಿ ಗುರ್ಕಾರ್ಲಾಯಿನ ಶ್ರೀ ವಿಶಾಲ್ ಕೊಡಿಯಾಲ್, ಶ್ರೀ ಧನಂಜಯ ಆಚಾರ್ಯ ಅಂಚೆನೆ ಮಾತಾ ಜೈ ತುಲುನಾಡ್ ಬೆಂಗಳೂರು ಎಗ್ಗೆದ ಕುಟುಮದ ಪದುಕೆರ್ ಪಾಲ್ ಪಡೆದಿತ್ತೆರ್.
ವಿಜಿ ಕಾಪಿಕಾಡ್ ಬೊಕ್ಕ ಜಿತೇಶ್ ಕುಲಾಲ್ ತೋಕೂರು ಲೇಸ್ ಸುದಾರ್ತ್ ಕೊರ್ಯೆರ್.