ಗುರುಪಾದ ಕಾಣಿಕೆ ಪತ್ರಿಕಾಗೋಷ್ಠಿ

ಶ್ರೀ ಮಹಾಲಕ್ಷ್ಮೀ ದೇವಸ್ಥಾನ, ಶ್ರೀ ಕ್ಷೇತ್ರ ಉಚ್ಚಿಲಡ್ ಕುಲಗುರುಕುಲೆನ ಕಂಚಿದ  ಪುತ್ಥಳಿ ನಿರ್ಮಾಣದ ಸಲುವಾದ್ ಸಾಮೂಹಿಕ ಗುರುಪಾದ ಕಾಣಿಕೆ ಸಮರ್ಪಣಾ ಸಮಾರಂಭ ಪ್ರಯುಕ್ತ ಬ್ರಹತ್ ಸಮಾವೇಶ ಬೊಕ್ಕ ಬೈಕ್ ಜಾಥಾ ಮಾರ್ಚ್ 1 ತಾರೀಕು ಗ್ ನಡಪರೆಗುಂಡ್ ಪಂಡುದು ಮೊಗವೀರ ಸಮಾಜದ ಮುಖಂಡೆರಾಯಿನ ನಾಡೋಜ ಡಾ.ಜಿ.ಶಂಕರ್ ಪಂಡೆರ್.ಕಾರ್ಯಕ್ರಮದ ಬಗೆಟ್ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನದ ಆಡಳಿತ ಕಚೇರಿಡ್ ನಡತಿನ ಪತ್ರಿಕಾಗೋಷ್ಠಿಡ್ ಆರು ಪಾತೆರಿಯೆರ್.

ಸುಮಾರು ಸಾರ ವರ್ಷ  ಪರತಿರಿ(ಇತಿಹಾಸ ) ಉಪ್ಪುನ ಮೊಗವೀರ ಸಮಾಜದ ಗುರುಪರಂಪರೆಡ್  9 ತಲೆಮಾರುದ ಗುರುಕುಲು ಸಮಾಜದ ಧಾರ್ಮಿಕ, ಸಾಮಾಜಿಕ, ಅಧ್ಯಾತ್ಮಿಕ ಬೊಕ್ಕ ಸಾಂಸ್ಕೃತಿಕ ಬದುಕುಗ್  ಅಮೂಲ್ಯ ಕೊಡುಗೆ ಕೊರ್ತೆರ್.. ಮೆರೆನ ಪೈಕಿ ಮಾರ್ಚ್ 31, 1966ಗ್ ಕೀರ್ತಿಶೇಷೆರಾದುಪ್ಪುನ  ಸದ್ರಿ ಗುರುಪರಂಪರೆದ  ಕಡೇತ ಗುರುಕುಲು ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನದ ಸ್ಥಾಪಕೆರ್  ಆದುಪ್ಪುನ ಕೀರ್ತಿಶೇಷ ಶ್ರೀ ಮಾಧವ ಮಂಗಲ ಪೂಜಾರ್ಯೆರೆನ  ಪ್ರತಿಮೆನ್ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನದ ಆವರಣಡ್  ಪ್ರತಿಷ್ಠಾಪನೆ ಮಲ್ಪೊಡ್ ಪನ್ಪಿನ ಇಚಾರ ಶ್ರೀ ಕ್ಷೇತ್ರದ ಜೀರ್ಣೋದ್ಧಾರದ ಸಂದರ್ಭಡ್  ನಡತಿನ ಅಷ್ಟಮಂಗಳ ಪ್ರಶ್ನೆಡ್  ತೆರಿದು ಬತ್ತಿನ  ಪ್ರಕಾರ, ಕೀರ್ತಿಶೇಷ ಶ್ರೀ ಮಾಧವ ಮಂಗಲ ಪೂಜಾರ್ಯೆರೆನ ಬೃಹತ್ ಕಂಚಿದ ಪುತ್ಥಳಿನ್ ಸುಮಾರು 3 ಕೋಟಿ ರೂಪಾಯಿ ವೆಚ್ಚಡ್ ಸರ್ವ ಸಮಾಜ ಭಾಂಧವೆರೆನ  ಸಹಕಾರಡ್ ದೇವಸ್ಥಾನದ ಆವರಣಡ್ ನಿರ್ಮಾಣ ಮಲ್ಪುನ ಮಹತ್ವದ ನಿರ್ಧಾರ ದೆತೊಂದೆರ್. ಈ ಪುತ್ಥಳಿ ಪ್ರತಿಷ್ಠಾಪಣೆ  ಸಮಾಜದ, ಏಕತೆ, ಸ್ವಾಭಿಮಾನ ಬೊಕ್ಕ ಗುರುಭಕ್ತಿದ  ಸಂಕೇತವಾದಿತ್ತುದ್, ಈ ಪುಣ್ಯ ಕಾರ್ಯೊಗ್  ಮಾತಾ  ಮೊಗವೀರ ಸಮಾಜ ಬಾಂಧವೆರು ತಮ್ಮ ಶಕ್ತಾನುಸಾರ ಕಾಣಿಕೆ ಕೊರ್ಪಿನ  ಉದ್ದೇಶಡ್ “ಸಾಂಕೇತಿಕವಾದ್  ಸಾಮೂಹಿಕ ಗುರುಪಾದ ಕಾಣಿಕೆ ಸಮರ್ಪಣಾ ಸಮಾರಂಭದ ಸಲುವಾದ್  ಬೃಹತ್ ಸಮಾವೇಶ ಬೊಕ್ಕ ಯುವ ಭಾಂದವೆರೆಗಾದ್ ದ್ವಿಚಕ್ರ ವಾಹನ ಜಾಥಾ (Bike Rally)” ಕಾರ್ಯಕ್ರಮೊನ್  ಆಯೋಜನೆ ಮಲ್ಪರೆಗ್  ತೀರ್ಮಾನ ಮಲ್ದುಂಡ್ ಪಂಡೆರು.

ಬೃಹತ್ ಸಮಾವೇಶ:-ಕೇರಳದ ಉಪ್ಪಳಡ್ದ್  ಬೈಂದೂರು ತಾಲೂಕುದ  ಶೀರೂರುಮುಟ್ಟ  ಒಟ್ಟು 336 ಮೊಗವೀರ ಗ್ರಾಮ ಸಭೆ ಬೊಕ್ಕ ಕೂಡುಕಟ್ಟು ಸೇರಿನಂಚ ದೇಶ- ವಿದೇಶಡುಪ್ಪುನ ಮೊಗವೀರ ಸಂಘಟನೆಲೆನ  ಒಟ್ಟು 10 ಸಾರಡ್ದುಲಾ ಜಾಸ್ತಿ ಸಂಖ್ಯೆಡ್  ಸಮಾಜ ಭಾಂಧವೆರು ಪಾಲ್ ಪಡೆಯರೆಗುಲ್ಲೆರ್ ಪಂಡೆರು.

ಬೃಹತ್ ದ್ವಿಚಕ್ರ ವಾಹನ ಜಾಥಾ :-ಈ ಮಹತ್ವದ ಕಾರ್ಯಕ್ರಮದ ಅಂಗವಾದ್ ಮೊಗವೀರ ಸಮಾಜದ ಯುವ ಭಾಂದವರೆಗಾದ್  ಭವ್ಯವಾಯಿನ ದ್ವಿಚಕ್ರ ವಾಹನ ರ್ಯಾಲಿನ್ ಆಯೋಜನೆ ಮಲ್ದೆರ್..

ದ್ವಿಚಕ್ರ ವಾಹನ ಜಾಥಾ ಪಿದಾಡುನ ಪೊರ್ತು:- ಕಾಂಡೆ ಗಂಟೆ 9.30ಗ್ ಸಾಗುನ ಮಾರ್ಗ

ಶ್ರೀ ಕ್ಷೇತ್ರ ಉಚ್ಚಿಲದ ಉತ್ತರ ಭಾಗಡುಪ್ಪುನ ಪಾಂಗಾಳ ರಾಷ್ಟ್ರೀಯ ಹೆದ್ದಾರಿಡ್  ಪಾಂಗಳ ಶ್ರೀ ಲಕ್ಷ್ಮೀ ಜನಾರ್ಧನ ದೇವಸ್ಥಾನದ ಆವರಣಡ್ದ್  ಬೊಕ್ಕ ದಕ್ಷಿಣ ಭಾಗಡ್ ಹೆಜಮಾಡಿ ಟೋಲ್ ಪ್ಲಾಜಾಡ್ದ್  ರಾಷ್ಟ್ರೀಯ ಹೆದ್ದಾರಿ 66 ಮೂಲಕ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನ ಮುಟ್ಟ ಸುಮಾರು 2000 ದ್ವಿಚಕ್ರ ವಾಹನೊಲು ಪಾಲ್ ಪಡೆಯುನ ನಿರೀಕ್ಷೆ ಇತ್ತುದ್ , ಶಿಸ್ತುಬದ್ಧವಾದ್  ಬೊಕ್ಕ ಸಂಚಾರ ನಿಯಮಲೆನ್ ಪಾಲಿಸೊಂದ್ ವಾಹನ ಜಾಥಾ ನಡಪುಂಡು.

ಗುರು ಪಾದ ಕಾಣಿಕೆ ಸಮರ್ಪಣೆ ಗ್ ಪ್ರತ್ಯೇಕ ವ್ಯವಸ್ಥೆ : –

ದೇವಸ್ಥಾನದ  ಎದುರು ಭಾಗೊಡ್ ಗುರುಕುಲೆನ ಪುತಳಿ ನಿರ್ಮಾಣ ಆ ಜಾಗಡ್  ಗುರುಕುಲೆನ ಬಂಗಾರ್ ಲೇಪಿತ ಪಾದುಕೆನ್  ದೀಪಿನ ಉದ್ದೇಶ ಇತ್ತುದ್  ಅವ್ವೇ ಜಾಗೆಡ್ ಸಮಾಜ ಭಾಂಧವೆರು ಪಾದ ಕಾಣಿಕೆ ಸಮರ್ಪಣೆ  ಮಲ್ಪರೆಗ್ ಸೂಕ್ತ ವ್ಯವಸ್ಥೆನ್  ಮಲ್ದುಂಡ್.

ಈ ಕಾರ್ಯಕ್ರಮ  ದಕ್ಷಿಣ ಕನ್ನಡ ಮೊಗವೀರ ಮಹಾಜನ ಸಂಘದ ನೇತೃತ್ವಡ್ , ನಾಡೋಜ ಡಾ. ಜಿ. ಶಂಕರ್ ನ ಮಾರ್ಗದರ್ಶನಡ್  ಬೊಕ್ಕ ಸಮಾಜದ ಗಣ್ಯ ನಾಯಕೆರೆನ  ಘನ ಉಪಸ್ಥಿತಿಡ್  ನಡಪರೆಗುಂಡ್. ಕುಲಗುರುಕುಲೆನ ಕಂಚಿದ  ಪುತ್ಥಳಿ ನಿರ್ಮಾಣದಂಚಿನ  ಈ ಐತಿಹಾಸಿಕ ಬೊಕ್ಕ ಪುಣ್ಯ ಕಾರ್ಯಡ್ ಹೆಚ್ಚಿನ ಸಂಖ್ಯೆಡ್  ಸಮಾಜ ಬಾಂಧವೆರು ಪಾಲ್ ಪಡೆದ್  ಗುರುಪಾದ ಕಾಣಿಕೆ ಸಮರ್ಪಣೆ ಮಲ್ಪುನ ಮೂಲಕ ಶ್ರೀ ದೇವಿ ಬೊಕ್ಕ ಗುರುಕುಲೆನ  ಅನುಗ್ರಹಗ್ ಪಾತ್ರರಾವೊಡ್ ಪಂಡುದ್ ಪತ್ರಿಕಾ ಗೋಷ್ಠಿಡ್ ಪಂಡೆರ್.

ಪತ್ರಿಕಾ ಘೋಷ್ಠಿಡ್  ಜಯ ಸಿ. ಕೋಟ್ಯಾನ್, ಅಧ್ಯಕ್ಷರು, ದ.ಕ ಮೊಗವೀರ ಮಹಾಜನ ಸಂಘ (ರಿ.) ಉಚ್ಚಿಲ,
ಗಿರಿಧರ್ ಸುವರ್ಣ, ಕ್ಷೇತ್ರಾಧ್ಯಕ್ಷೆರು, ಶ್ರೀ ಮಹಾಲಕ್ಷ್ಮೀ ದೇವಸ್ಥಾನ ಉಚ್ಚಿಲ. ಮನೋಜ್ ಸಾಲ್ಯಾನ್, ಕಾರ್ಯಾಧ್ಯಕ್ಷೆರು, ಕುಲಗುರುಕುಲೆನ  ಕಂಚಿನ ಪುತ್ಥಳಿ ನಿರ್ಮಾಣ ಸಮಿತಿ,
ಶರಣ್ ಕುಮಾರ್ ಮಟ್ಟು, ಪ್ರ| ಕಾರ್ಯದರ್ಶಿ, ದ.ಕ ಮೊಗವೀರ ಮಹಾಜನ ಸಂಘ (ರಿ.) ಉಚ್ಚಿಲ,
ರತ್ನಾಕರ್ ಸಾಲಿಯಾನ್, ಮಲ್ಪೆ, ಕೋಶಾಧಿಕಾರಿ, ದ.ಕ ಮೊಗವೀರ ಮಹಾಜನ ಸಂಘ (ರಿ.) ಉಚ್ಚಿಲ,
ಸತೀಶ್ ಅಮೀನ್ ಬೆಣ್ಣೆಕುದ್ರು, ಬಾರ್ಕೂರು ಹೋಬಳಿ
, ಉದಯ ಕುಮಾರ್ ಹಟ್ಟಿಯಂಗಡಿ, ಬಗ್ವಾಡಿ ಹೋಬಳಿ,
ರವೀಶ್ ಎಸ್. ಕೊರವಡಿ, ಅಧ್ಯಕ್ಷರು ಮೊಗವೀರ ಯುವ ಸಂಘಟನೆ (ರಿ.) ಉಡುಪಿ,
ದಿನೇಶ್ ಎರ್ಮಾಳ್, ಕೋಶಾಧಿಕಾರಿ, ಕುಲಗುರುಗಳ ಕಂಚಿನ ಪುತ್ಥಳಿ ನಿರ್ಮಾಣ ಸಮಿತಿ, ಉಪಸ್ಥಿತರಿತ್ತೆರು.

ವಿನಯ ಕರ್ಕೇರ ಮಲ್ಪೆ, ಅಧ್ಯಕ್ಷರು, ದಸರಾ ಸಮಿತಿ ಉಚ್ಚಿಲ
,ಸುಜಿತ್ ಸಾಲ್ಯಾನ್, ಮುಲ್ಕಿ, ಜೊತೆ ಕಾರ್ಯದರ್ಶಿ, ದ.ಕ. ಮೊಗವೀರ ಮಹಾಜನ ಸಂಘ (ರಿ.),
ಗುಂಡು ಬಿ. ಅಮೀನ್, ಅಧ್ಯಕ್ಷೆರು, ಜೀರ್ಣೋದ್ಧಾರ ಸಮಿತಿ ಉಚ್ಚಿಲ,
ವಾಸುದೇವ ಸಾಲ್ಯಾನ್, ನಿಕಟಪೂರ್ವ ಕ್ಷೇತ್ರಾಡಳಿತ ಅಧ್ಯಕ್ಷರು
ಸುಧಾಕರ್ ಕುಂದರ್, ನಿಕಟಪೂರ್ವ ಪ್ರಧಾನ ಕಾರ್ಯದರ್ಶಿ ದ.ಕ ಮೊಗವೀರ ಮಹಾಜನ ಸಂಘ
ರಾಜೇಶ್ ಪುತ್ರನ್ ಉಳ್ಳಾಲ, ಅಧ್ಯಕ್ಷರು ಮಂಗಳೂರು ವಲಯ ಕುಲಗುರುಗಳ ಕಂಚಿನ ಪುತ್ಥಳಿ ನಿರ್ಮಾಣ ಸಮಿತಿ
ಲೋಕೇಶ್ ಸುವರ್ಣ ಕುದ್ರೋಳಿ, ಅಧ್ಯಕ್ಷರು ಮಂಗಳೂರು ಏಳುಪಟ್ಟ ಸಂಯುಕ್ತ ಸಭಾ,
ಪವನ್ ಆನಂದ್‌ ಎರ್ಮಾಳ್ ತೆಂಕ, ಅಧ್ಯಕ್ಷರು, ಮಧ್ಯ ವಲಯ ಕುಲಗುರುಗಳ ಕಂಚಿನ ಪುತ್ಥಳಿ ನಿರ್ಮಾಣ ಸಮಿತಿ,
ಯಜೇಶ್ ಕರ್ಕೇರ ಮಿತ್ರಪಟ್ಟ, ಸಂಚಾಲಕರು, ಮಧ್ಯ ವಲಯ ಕುಲಗುರುಗಳ ಕಂಚಿನ ಪುತ್ಥಳಿ ನಿರ್ಮಾಣ ಸಮಿತಿ,
ಸತೀಶ್ ಕುಂದರ್ ಮಲ್ಪೆ, ಅಧ್ಯಕ್ಷರು, ಉಡುಪಿ ವಲಯ ಕುಲಗುರುಗಳ ಕಂಚಿನ ಪುತ್ಥಳಿ ನಿರ್ಮಾಣ ಸಮಿತಿ ಮೊಕುಲು ಉಪಸ್ಥಿತರಿತ್ತೆರ್.