ಸುಮನಸಾ ಕೊಡವೂರು

ಸುಮನಸಾ ಕೊಡವೂರು ನಾಟಕೋತ್ಸವ ರಂಗಹಬ್ಬ-14ರ ಐನೇ ದಿನತ ಕಾರ್ಯಕ್ರಮಡ್ ಹರಿಪ್ರಸಾದ್ ರೈ

ರಂಗಚಟುವಟಿಕೆ  ಸೃಜನಶೀಲ ವ್ಯಕ್ತಿಯಾದ್  ರೂಪಿಸಾವುಂಡ್.. ಮಾನಸಿಕ ಒತ್ತಡೊನ್  ಕಡಿಮೆಮಲ್ತುದ್ ಎಡ್ಡೆ ವ್ಯಕ್ತಿಯಾದ್ ಮಲ್ಪುಂಡ್  ಪಂಡೂದು ಮಣಿಪಾಲ ಎಚ್‌ಪಿಆರ್‌ ಸಮೂಹ ಸಂಸ್ಥೆದ  ಅಧ್ಯಕ್ಷ ಹರಿಪ್ರಸಾದ್‌ ರೈ ಅಭಿಪ್ರಾಯಪಟ್ಟಿಯೆರು.

ಸುಮನಸಾ ಕೊಡವೂರು ಸಾಂಸ್ಕೃತಿಕ ಸಂಘಟನೆದ ನಾಟಕೋತ್ಸವ ರಂಗಹಬ್ಬ-14 ಐನೇ ದಿನತ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತುದ್ ಪಾತೆರಿಯೆರು.

ಉಡುಪಿದ  ಶ್ರೀಮಂತ ಸಾಂಸ್ಕೃತಿಕ ಕಲೆನ್  ಒರಿಪಾದ್  ಬುಲೆಪಾವುನ  ಕೆಲಸೊನ್  ಸುಮನಸಾ ಕೊಡವೂರು ಸಂಘಟನೆ ಮಲ್ತೊಂದ್  ಬರೊಂದುಂಡ್ ಪಂಡುದು ಶ್ಲಾಘನೆ ಮಲ್ತೆರು.

ರಂಗಸಾಧಕ ಸನ್ಮಾನ ಸ್ವೀಕಾರ ಮಲ್ತಿನ  ಬಹುಕ್ಷೇತ್ರದ ಸಾಧಕಿ ಕುಸುಮಾ ಕಾಮತ್‌ ಪಾತೆರ್ದ್ , ‘ಎನನ್ ಪ್ರೋತ್ಸಾಹ ಮಲ್ತಿನ ಮಾತೆರೆಗುಲಾ  ಈ ಸನ್ಮಾನ ಸಂದುಂಡ್. ಸುಂದರ ಮನಸ್ಸುಲು, ಸಂಘಟನೆಡ್  ಕಠಿಣ ಪರಿಶ್ರಮ, ಶಿಸ್ತು, ಹೊಂದಾಣಿಕೆ ಇತ್ತುಂಡ  ದುಂಬರಿಯರೆಗ್  ಸಾಧ್ಯ. ಅವ್ ಮಾತಾ  ಗುಣಕುಲೆನ್  ಸುಮನಸಾ ಕೊಡವೂರು ತಂಡೊಡ್ ಉಂಡು ಪಂಡೆರು.

ಕಲಾವಿದೆರೆಗ್  ಏತೇ ಬೇನೆ ಇತ್ತುಂಡಲಾ . , ರಂಗಪ್ರವೇಶ ಆಯಿಬೊಕ್ಕ ಮಾತಾ ಬೇನೆಲೆನ್ ಮಧತುದ್  ಪ್ರದರ್ಶನ ಕೊರ್ಪೆರ್.. ಕಲೆಕ್  ಭಾಷೆದ  ಹಂಗಿಜ್ಜಿ. ಒವ್ವೇ ಭಾಷೆ ಆಂಡಲಾ ಕಲೆ ಅರ್ಥ ಆಪುಂಡ್  ಪಂಡೆರು.

ಕೊಡವೂರು ಶಿರಿಡಿ ಸಾಯಿಬಾಬ ಮಂದಿರದ ಧರ್ಮದರ್ಶಿ ದಿವಾಕರ್ ಶೆಟ್ಟಿ ತೋಟದಮನೆ, ಬೊಳ್ಜೆ ಶ್ರೀ ಬ್ರಹ್ಮ ಬೈದೇರುಗಳ ಗರೋಡಿ ಅಧ್ಯಕ್ಷ ದಿನೇಶ್ ಸಾಲಿಯಾನ್, ಸಿತಾರ ಎಂಟರ್ ಪ್ರೈಸಸ್ ಪಾಲುದಾರ ಪ್ರಭಾಕರ್ ತಿಂಗಳಾಯ, ಮಲ್ಪೆ ಬೋಟ್ ಸಾಯಿಶ್ಯಾಮ್ ಉದ್ಯಮಿ ಹರೀಶ್ ಪೂಜಾರಿ, ಉಡುಪಿ ವ್ಯಾಸ ಮುದ್ರಣ ಮಾಲೀಕ ರಾಮಚಂದ್ರ ಪೂಜಾರಿ, ಸುಮನಸಾ ಕೊಡವೂರು ಸಾಂಸ್ಕೃತಿಕ ಸಂಘಟನೆಧ ಅಧ್ಯಕ್ಷ ಪ್ರಕಾಶ್ ಜಿ. ಕೊಡವೂರು, ಉಪಾಧ್ಯಕ್ಷ ವಿನಯ್‌ ಕಲ್ಮಾಡಿ ಉಪಸ್ಥಿತರಿತ್ತೆರು.

ಪ್ರಜ್ಞಾಶ್ರೀ ಸ್ವಾಗತ ಮಲ್ತೆರು. ಪ್ರಜ್ಞಾ ಸೊಲ್ಮೆ ಸಂದಾಯ್ತ ಮಲ್ತೆರು, ಶ್ರೀವತ್ಸ ರಾವ್‌ ಕಾರ್ಯಕ್ರಮ ನಿರೂಪಣೆ ಮಲ್ತೆರು.