ಕೊಡವೂರು ಸಾರ್ವಜನಿಕ ಗಣೇಶೋತ್ಸವದ ಧಾರ್ಮಿಕ ಸಭಾ ಕಾರ್ಯಕ್ರಮ

ಕೊಡವೂರುದ 55 ನೇ ವರ್ಷದ ಸಾರ್ವಜನಿಕ ಗಣೇಶೋತ್ಸವದ ಧಾರ್ಮಿಕ ಕಾರ್ಯಕ್ರಮಡ್ ಸಾಧಕೆರೆಗ್ ಸನ್ಮಾನ, ಇನಾಮು ಪಟ್ಟುನ ಲೇಸ್ ನಡತುಂಡ್.ನೂಲು ಕಲೆಡ್ ಅನನ್ಯ ಸಾಧನೆ ಮಲ್ತಿನ ನಿಟ್ಟುಡ್
ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಡ್ ಜಾಗೆ

ಪಡೆಯಿನ ಬಹುಮುಖ ಪ್ರತಿಭೆ ಗಗನ್ ಜೆ ಸುವರ್ಣ ಅರೆನ್ .ಮಾನಾದಿಗೆ ಮಲ್ತೆರ್.ಮುಖ್ಯ ಅತಿಥಿಯಾದ್ ಉಪಸ್ಥಿತರಿತ್ತಿನ ನಾರಾಯಣ ಗುರು ಆಂಗ್ಲ ಮಾಧ್ಯಮ ಶಾಲೆದ ಆಡಳಿತ ಮಂಡಳಿದ ಅಧ್ಯಕ್ಷೆರಾಯಿನ ಗೋಪಾಲ್ ಸಿ.ಬಂಗೇರ ಮೇರು ಪಾತೆರ್ದ್ ಸಮಾಜದ ಮಾತೆರೆನ್ ಒಟ್ಟು ಮಲ್ತೊಂದ್ ಧಾರ್ಮಿಕ ಕಾರ್ಯಕ್ರಮದೊಟ್ಟುಗ್ ಸಮಾಜಮುಖಿ ಸೇವಾ ಕಾರ್ಯಲೆನ್ ನಡಪಾವೊಂದ್ ಆರೋಗ್ಯಪೂರ್ಣ ಸಮಾಜದ ನಿರ್ಮಾಣಗ್ ಕೈ ಜೋಡಿಸಾವೊಂದುಪ್ಪುನ ಗಣೇಶೋತ್ಸವ ಸಮಿತಿಲೆನ ಕಾರ್ಯ ಶ್ಲಾಘನೀಯ, ಅನುಕರಣೀಯ ಪಂಡೆರು.ಕೊಡವೂರು ಶಂಕರನಾರಾಯಣ ದೇಗುಲದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಸಾಧು ಸಾಲ್ಯಾನ್ ಅಧ್ಯಕ್ಷತೆ ವಹಿಸಾದಿತ್ತೆರ್.ಗಣೇಶೋತ್ಸವದ ಅಂಗವಾದ್ ನಡಪಾಯಿನ ಬೇತೆ ಬೇತೆ ಸ್ಪರ್ಧೆದ ವಿಜೇತೆರೆಗ್ ಇನಾಮು ವಿತರಣೆ ಮಲ್ತೆರ್.
ಆಹಾರ,ನಾಗರಿಕ ಸರಬರಾಜು, ಗ್ರಾಹಕ ವ್ಯವಹಾರ ಬೊಕ್ಕ ಕಾನೂನು ಮಾಪನ ಶಾಸ್ತ್ರ ಇಲಾಖೆದ ಅಧೀನ ಕಾರ್ಯದರ್ಶಿ ಸದಾನಂದ ಯು.ಎಸ್, ಗಣೇಶೋತ್ಸವ ಸಮಿತಿದ ಅಧ್ಯಕ್ಷ ಕೃಷ್ಣ ದೇವಾಡಿಗ, ಗೌರವಾಧ್ಯಕ್ಷ ರತ್ನಾಕರ ಅಮೀನ್, ಕಾರ್ಯದರ್ಶಿ ಶರತ್ ಚಂದರ್, ಕೋಶಾಧಿಕಾರಿ ವಾದಿರಾಜ್ ಟಿ.ಸಾಲ್ಯಾನ್, ಸಾಂಸ್ಕೃತಿಕ ಕಾರ್ಯದರ್ಶಿ ಬಾಲಕೃಷ್ಣ ಕೊಡವೂರು , ಸಲಹೆಗಾರೆ ರಮೇಶ್ ಅಮೀನ್,ಸುಮನಸಾ ಕೊಡವೂರು ಅಧ್ಯಕ್ಷ ಪ್ರಕಾಶ್ ಜಿ ಕೊಡವೂರು, ಯುವಕ ಸಂಘದ ಅಧ್ಯಕ್ಷ ಪ್ರಭಾತ್ ಕೋಟ್ಯಾನ್ ಉಪಸ್ಥಿತರಿತ್ತೆರು.
ಸತೀಶ್ ಕೊಡವೂರು ಸ್ವಾಗತ ಮಲ್ತುದ್ ನಿರೂಪಣೆ ಮಲ್ತೆರು.