ಮಹಾರುದ್ರ ಯಾಗ ಪ್ರಾರಂಭ

🚩*ಕೊಡವೂರು ದೇವಸ್ಥಾನಡ್  ಮಹಾರುದ್ರಯಾಗದ ಧಾರ್ಮಿಕ ಕಾರ್ಯಕ್ರಮೊಲು ಆರಂಭ*🚩

🚩*ಕಡೇತ ದಿನತ ಮಹಾ ಪುಣ್ಯ‌ಕಾರ್ಯಡ್ ಹೆಚ್ಚಿನ ಸಂಖ್ಯೆಡ್ ಭಕ್ತೆರು ಪಾಲ್ ಪಡೆಯರೆಗ್ ಮನವಿ*🙏🏻🚩

ಉಡುಪಿ: ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನಡ್ ಪ್ರಸಾದ್ ರಾಜ್ ಕಾಂಚನ್ ನೇತೃತ್ವಡ್ ಲೋಕಕಲ್ಯಾಣಾರ್ಥವಾದ್ ಆಯೋಜನೆ ಮಲ್ದಿನ ಮಹಾರುದ್ರಯಾಗದ ಧಾರ್ಮಿಕ ಕಾರ್ಯಕ್ರಮೊಲು ಆರಂಭ ಆತುಂಡ್.
ಯಾಗದ ಅಂಗವಾದ್ ದೇವಸ್ಥಾನನ್ ವಿಶೇಷವಾದ್ ಅಲಂಕಾರ ಮಲ್ದಿತ್ತುದ್, ದೇವಾಲಯದ ಮುಂಭಾಗಡ್ ಬೃಹತ್ ಅಗ್ನಿಕುಂಡ ನಿರ್ಮಾಣ ಮಲ್ದೆರ್.. ಚಿತ್ತಾರದ ರಂಗೋಲಿ ಮೂಲಕ ಹೋಮಕುಂಡನ್ ಆಕರ್ಷಕವಾದ್ ಸಿಂಗಾರ ಮಲ್ದೆರ್.
ವೇದಮೂರ್ತಿ ಹಯವದನ ತಂತ್ರಿಲು ಪುತ್ತೂರು, ಮಧುಸೂದನ ತಂತ್ರಿಲು, ಸುಬ್ರಹ್ಮಣ್ಯ ಭಟ್ ಬೊಕ್ಕ ವಾದಿರಾಜ ತಂತ್ರಿಲೆನ  ನೇತೃತ್ವಡ್  ಮಹಾರುದ್ರಯಾಗದ ವಿಧಿವಿಧಾನೊಲು ನೆರವೇರುಂಡ್.. ದುರ್ಗೆನ ಸನ್ನಿಧಿಡ್ ದುರ್ಗಾಯಾಗಲಾ  ನಡಪರೆಗುಂಡ್.. ಬೊಕ್ಕ ಕಲಶಾಭಿಷೇಕ, ಪಲ್ಲಪೂಜೆ ಬೊಕ್ಕ ಮಹಾಪೂಜೆ ನಡಪರೆಗುಂಡ್.
ಮಧ್ಯಾಹ್ನ ಮಹಾ ಅನ್ನಸಂತರ್ಪಣೆ ನಡಪರೆಗಿತ್ತುದ್ ಪತ್ತು ಸಾವಿರಗುಲಾ  ಜಾಸ್ತಿ ಭಕ್ತೆರೆಗ್  ಭೋಜನ ವ್ಯವಸ್ಥೆ ಮಲ್ದೆರ್.. ಬಯ್ಯಗ್ ದೀಪಾರಾಧನೆ, ಪೂರ್ವಕರಂಗ ಪೂಜೆ ಬೊಕ್ಕ ರಂಗಪೂಜೆ ಬಲಿ ಕಾರ್ಯಕ್ರಮೊಲು ನಡಪರೆಗುಂಡ್.
ಸಮಾರೋಪ ಸಮಾರಂಭಡ್  ಶೃಂಗೇರಿ ಮಠದ ಶ್ರೀ ವಿಧುಶೇಖರ ಭಾರತೀ ಸ್ವಾಮೀಜಿ ಆಶೀರ್ವಚನ ಮಲ್ಪುವೆರ್.. ಬೊಕ್ಕ ಕಲರ್ಸ್ ಕನ್ನಡ ಖ್ಯಾತಿದ  ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ತುಳುನಾಡ ಗಾನ ಗಂಧರ್ವ ಬಿರುದಾಂಕಿತ ಪುತ್ತೂರು ಜಗದೀಶ್ ಆಚಾರ್ಯ ಬೊಕ್ಕ ಬಳಗದಕ್ಲೆನ ‘ಶಿವಗಾನ ಭಕ್ತಿ ಸಂಭ್ರಮ’ ಕಾರ್ಯಕ್ರಮ ನಡಪರೆಗುಂಡ್..
ಈ ಪೊರ್ತುಡ್ ಶ್ರೀ ಅನಂತ ಪದ್ಮನಾಭ ಯಕ್ಷಗಾನ ಮಂಡಳಿ, ಪೆರ್ಡೂರು ಮೇಳದಕ್ಲೆನ  ‘ಶ್ವೇತ ಕುಮಾರ ಚರಿತ್ರೆ’ ಯಕ್ಷಗಾನ ಬಯಲಾಟ (ಕಾಲಮಿತಿ) ಪ್ರದರ್ಶನ ಉಂಡು..
ಮಹಾಯಾಗದ ಪೂರ್ಣಾಹುತಿಡ್  ಹೆಚ್ಚಿನ ಸಂಖ್ಯೆಡ್  ಭಕ್ತೆರು ಪಾಲ್ ಪಡೆಯೊಡ್ ಪಂಡುದ್ ಆಯೋಜಕೆರು ಮನವಿ ಮಲ್ದೆರ್.