ಉಚ್ಚಿಲಡ್ ಪ್ರಬಂಧ ಸ್ಪರ್ಧೆ.

ಉಚ್ಚಿಲ ದಸರಾ ಮಹೋತ್ಸವ ಮಹಾಲಕ್ಷ್ಮೀ ಬ್ಯಾಂಕ್ ವತಿಡ್ದ್  ಸೆಪ್ಟೆಂಬರ್ 27 ಗ್  ಚಿತ್ರ ಬುಡ್ಪಾವುನ  ಸ್ಪರ್ಧೆ ಬೊಊ ಪೊಣ್ಣು ಪಿಲಿ ನಲಿಕೆ ಸ್ಪರ್ಧೆ : ಯಶ್ ಪಾಲ್ ಸುವರ್ಣ

ಉಡುಪಿ: ಉಚ್ಚಿಲ ದಸರಾ ಮಹೋತ್ಸವ ಅಂಗವಾದ್ ಮಹಾಲಕ್ಷ್ಮೀ ಬ್ಯಾಂಕ್ ವತಿಡ್ದ್  ವಿದ್ಯಾರ್ಥಿಲು ಬೊಕ್ಕ ಸಾರ್ವಜನಿಕೆರೆಗಾದ್  ಚಿತ್ರ ಬಡ್ಪಾವುನ  ಸ್ಪರ್ಧೆ ಬೊಕ್ಕ ಪೊಣ್ಣು ಜೋಕ್ ಲೆಗ್  ಪೊಣ್ಣು ಪಿಲಿ ನಲಿಕೆ 2025 ಕಾರ್ಯಕ್ರಮ ಅಯೋಜಿನೆ ಮಲ್ದುಂಡ್ ಪಂಡುದ್ ಬ್ಯಾಂಕ್ ದ ಅಧ್ಯಕ್ಷೆರಾಯಿನ ಉಡುಪಿ ಶಾಸಕ ಯಶ್ ಪಾಲ್ ಸುವರ್ಣ ತೆರಿಪಾದೆರ್..

ಸೆಪ್ಟೆಂಬರ್ 27 ಶನಿವಾರ ಕಾಂಡೆ  9.30ಕ್  ಉಚ್ಚಿಲ ಮೊಗವೀರ ಭವನಡ್ ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಜಿಲ್ಲಾ ಮಟ್ಟದ ಚಿತ್ರ ಬುಡ್ಪಾವುನ ಸ್ಪರ್ಧೆ ನಡಪರೆಗುಂಡ್..

ಚಿತ್ರ ಬುಡ್ಪಾವುನ ಸ್ಪರ್ಧೆದ  ಚಿತ್ರ ರಚನೆದ  ವಿಷಯವಾದ್ ನಾಡ ಹಬ್ಬ ದಸರಾನ್  ಆಯ್ಕೆ ಮಲ್ದಿತ್ತುದ್, ಸ್ಪರ್ಧಿಗಳು ಈ ವಿಷಯಗ್  ಸಂಬಂಧ ಪೆಟ್ಟಿನ  ಚಿತ್ರೊನ್ ಬಡ್ಪಾವೊಡು.. ಒಟ್ಟು ಐನ್ ವಿಭಾಗಲೆಡ್  ಸ್ಪರ್ಧೆನ್  ಆಯೋಜನೆ ಮಲ್ದಿತ್ತುದ್  ಕಿರಿಯರ ವಿಭಾಗ (1 ರಿಂದ 4ನೇ ತರಗತಿ), ಪ್ರಾಥಮಿಕ ವಿಭಾಗ ( 5 ರಿಂದ 7 ನೇ ತರಗತಿ), ಹೈಸ್ಕೂಲ್ ವಿಭಾಗ (8 ರಿಂದ 10ನೇ ತರಗತಿ), ಕಾಲೇಜು ವಿಭಾಗ (ಪದವಿ ಪೂರ್ವ ಮತ್ತು ಪದವಿ ತರಗತಿ) ಬೊಕ್ಕ ಸಾರ್ವಜನಿಕ ವಿಭಾಗಡ್ ಮುಕ್ತ ಅವಕಾಶ ಕಲ್ಪಿಸಾದುಂಡ್.. ಸ್ಪರ್ಧಾಳುಲೆಗ್  ಡ್ರಾಯಿಂಗ್ ಶೀಟ್ ಅಲ್ಪನೇ  ಕೊರ್ಪೆರ್., ಬಾಕಿದ ಪರಿಕರಲೆನ್ ಅಕುಲೇ ಕನವೊಡು.

ಪ್ರತಿ ವಿಭಾಗಡ್  ಸುರುತ, ರಡ್ಡನೇ ,ಮೂಜನೇ ಬೊಕ್ಕ ಸಮಾಧಾನಕರ ಪ್ರಶಸ್ತಿಗ್ ವಿಜೇತರೆನ್ ಆಯ್ಕೆ ಮಲ್ಪರೆಗಿತ್ತುದ್, ವಿಜೇತರೆಗ್ ಪಣವುಧ ಬಹುಮಾನ, ಸ್ಮರಣಿಕೆ, ಪ್ರಶಸ್ತಿ ಪ್ರಮಾಣಪತ್ರ ಕೊರ್ಪುಂಡ್.. ಸ್ಪರ್ಧೆಡ್ ಭಾಗವಹಿಸಾವುನ ಮಾತಾ ಸ್ಪರ್ಧಾಳುಲೆಗ್  ಪ್ರಮಾಣಪತ್ರ ಬೊಕ್ಕ ಸ್ಮರಣಿಕೆ ಕೊರ್ದು ಪುರಸ್ಕಾರ ಮಲ್ಪುಂಡ್‌.

ಮಧ್ಯಾಹ್ನ 2 ಗಂಟೆಗ್  ಶ್ರೀಮತಿ ಶಾಲಿನಿ ಜಿ. ಶಂಕರ್ ಓಪನ್  ಸಭಾಂಗಣಡ್  ಪೊಣ್ಣು ಪಿಲಿ ನಲಿಕೆ ಸ್ಪರ್ಧೆ ಆಯೋಜನೆ ಮಲ್ದಿತ್ತುದ್ , ಗುಂಪು ವಿಭಾಗಡ್ ಸುರುತ  ಇನಾಮು 30,000, ರಡ್ಡನೇ ಇನಾಮು  20,000, ಮೂಜನೇ ಇನಾಮು  15,000 ಬೊಕ್ಕ  ವೈಯುಕ್ತಿಕ ವಿಭಾಗಡ್ ಸುರುತ 6,000, ರಡ್ಡನೇ 4,000, ಮೂಜನೇ 3,000 ಬೊಕ್ಕ ಪ್ರಶಸ್ತಿ ಪತ್ರ ಕೊರ್ದು ಮಾನಾದಿಗೆ ಮಲ್ಪುಂಡ್..

ಚಿತ್ರ ಬುಡ್ಪಾವುನ  ಸ್ಪರ್ಧೆಡ್  ಭಾಗವಹಿಸರೆಗ್  ಆನ್ಲೈನ್ ನೋಂದಣಿಗಾದ್  ಬೊಕ್ಕ ಸ್ಫರ್ಧೆದ  ವಿವರಗಾದ್  ಮಹಾಲಕ್ಷ್ಮೀ ಬ್ಯಾಂಕಿನ ವೆಬ್ಸೈಟ್ http://www.mahalakshmicoopbank.com ನಲ್ಲಿ ಲಭ್ಯವಿದ್ದು ಆನ್ಲೈನ್ ಮೂಲಕ ನೋದಣಿ ಮಲ್ಪೊಲಿ. ಹೆಚ್ಚಿಗೆ ಮಾಹಿತಿಗಾದ್ 9972120332 ಸಂಪರ್ಕ ಮಲ್ಪುಲೆ.. ಸಾರ್ವಜನಿಕೆರು ಈ ಸ್ಪರ್ಧೆಡ್  ಹೆಚ್ಚಿನ ಸಂಖ್ಯೆಡ್  ಭಾಗವಹಿಸಾದ್  ಕಾರ್ಯಕ್ರಮನ್  ಯಶಸ್ವಿ ಮಲ್ಪೊಡುಂದ್  ಪ್ರಕಟಣೆಡ್ ಯಶ್ ಪಾಲ್ ಎ. ಸುವರ್ಣ ತೆರಿಪಾದೆರ್..