ಶೀರೂರು ಪರ್ಯಾಯ ಲೆಪ್ಪೋಲೆ

ಶೀರೂರು ಪರ್ಯಾಯದ ವಿಶೇಷ ಲೆಪ್ಪೋಲೆ   ಬುಡುಗಡೆ, ಮಾಧ್ಯಮ ಕೇಂದ್ರ ಉದಿಪನೆ
ಶೀರೂರು ಪರ್ಯಾಯದ ವಿಶೇಷ ಕಾರ್ಕ್ರಮದ  ಲೆಪ್ಪೋಲೆ ಪತ್ರಿಕೆ ಬುಡುಗಡೆ ಸಮಾರಂಭ ಬೊಕ್ಕ ಮಾಧ್ಯಮ ಕೇಂದ್ರದ ಉದಿಪನಾ ಕಾರ್ಯಕ್ರಮ‌ ನಡತುಂಡ್.. ಉಡುಪಿ‌ ಶಾಸಕ ಪರ್ಯಾಯ ಸ್ವಾಗತ ಸಮಿತಿ ಅಧ್ಯಕ್ಷ ಯಶ್ ಪಾಲ್ ಸುವರ್ಣ ಮಾಧ್ಯಮ‌ ಕೇಂದ್ರ ಉದಿಪನ ಮಲ್ತೆರು. ಲೆಪ್ಪೋಲೆ ಬುಡುಗಡೆ ಮಲ್ತಿನ ಆನೆಗುಡ್ಡೆ ಕ್ಷೇತ್ರದ ಮೊಕ್ತೇಸರ ಶ್ರೀ ರಮಣ ಉಪಾಧ್ಯಾಯ ಪಾತೆರ್ದ್  ಶ್ರೀ ಕೃಷ್ಣ ಮುಖ್ಯಪ್ರಾಣ ದೇವೆರೆನ ಅನುಗ್ರಹಡ್  ಸಾಂಗವಾದ್  ನೆರವೇರಡ್  ಪಂಡುದು ಶುಭ ಹಾರೈಸಿಯೆರು. ಬೊಕ್ಕ ನಡತಿನ  ಪತ್ರಿಕಾಗೋಷ್ಠಿಡ್ ಪಾತೆರಿನ ಪ್ರಧಾನ ಕಾರ್ಯದರ್ಶಿ ಮಟ್ಟಾರ್ ರತ್ನಾಕರ್ ಹೆಗ್ಡೆ ಪುರಪ್ರವೇಶ ಕಾರ್ಯಕ್ರಮದ ವ್ಯವಸ್ಥೆಲು ಬೊಕ್ಕ ಪರ್ಯಾಯ ಕಾರ್ಯಕ್ರಮದ‌ ಬಗ್ಗೆ ಮಾಹಿತಿ ಕೊರಿಯೆರು
ಪುರಪ್ರವೇಶ ಮೆರವಣಿಗೆದ  ಸಂಚಾಲಕ ಗಣೇಶ್ ರಾವ್ ಪಾತೆರ್ದ್  ಪುರಪ್ರವೇಶ ಮೆರವಣಿಗೆ ಕಡಿಯಾಳಿಡ್ದ್  ಪಿದಾಡ್ದ್  ಸಿಟಿಬಸ್ ಸ್ಟಾಂಡ್ ಮೂಲಕ ಕೃಷ್ಣ ಮಠ ತಲುಪುಂಡ್.. ಸುಮಾರು ೧೦೦೦ ಕ್ಕ್ ಲಾ  ಜಾಸ್ತಿ ಭಜಕೆರು , ಉಡುಪಿದ  ಸ್ಥಳೀಯ ಜಾನಪದ ತಂಡೊಲು, ಅತಿಥಿ ಅಭ್ಯಾಗತೆರು ಪುರಪ್ರವೇಶ ಮೆರಣಿಗೆಡ್ ಪಾಲ್ ಪಡೆಯರೆಗುಲ್ಲೆರ್  ಪಂಡುದು ಮಾಹಿತಿ ಕೊರಿಯೆರು.
ಹೊರೆಕಾಣಿಕೆ ಸಂಚಾಲಕ ಸುಪ್ರಸಾದ್ ಶೆಟ್ಟಿ ಪಾತೆರ್ದ್  ಉಡುಪಿ ಜಿಲ್ಲೆದ  ಪ್ರತೀ ಇಲ್ಲಡ್  ಹೊರೆಕಾಣಿಕೆ ಸಲ್ಲಿಕೆ ಆವೊಡು ಶ್ರೀ ವೇದ ವರ್ಧನ ತೀರ್ಥೆರೆನ ಆಶಯದಂಚ ಎಂಟು ವಲಯ ಆದ್  ವಿಂಗಡಣೆ ಮಲ್ತುದ್ಒಟ್ಟು54 ಹೊರೆಕಾಣಿಕೆ ಕೇಂದ್ರಲೆನ್  ವ್ಯವಸ್ಥೆ ಮಲ್ದುಂಡ್ ಪಂಡೆರು. ಅಂಚೆನೇ ಧರ್ಮಸ್ಥಳ‌ ಗ್ರಾಮಾಭಿವೃದ್ಧಿ ಯೋಜನೆ, ಮೀನುಗಾರರ ಸಂಘ, ಸಹಕಾರಿ ಯೂನಿಯನ್, ಬೆಳ್ತಂಗಡಿ ಭಕ್ತರ ತಂಡಡ್ದ್.  ಕನ್ನರ್ಪಾಡಿ ಭಕ್ತಬಳಗ, ಮಟ್ಟು ಗುಳ್ಳ ಸಮರ್ಪಣೆ , ಬೊಕ್ಕ ಬೇತೆ ಬೇತೆ ತಾಲೂಕು ಕೇಂದ್ರಲೆಡ್ದ್  ಸಂಘ ಸಂಸ್ಥೆಲೆಡ್ದ್  ಹೊರೆಕಾಣಿಕೆ‌ ಸಮರ್ಪಣೆ ಆವರೆಗುಂಡ್ ಪಂಡೆರು
ಬೊಕ್ಕ ಪಾತೆರಿನ ಸ್ವಾಗತ ಸಮಿತಿ ಅಧ್ಯಕ್ಷ ಶಾಸಕ ಯಶ್ ಪಾಲ್ ಸುವರ್ಣ ಪಾತೆರ್ದ್  ನನ  ಕೇವಲ ಪತ್ತು ದಿನೊಕುಲು ಬಾಕಿ ಇತ್ತುದ್  ಪರ್ಯಾಯದ ಬೇತೆ ಬೇತೆ ಅಗತ್ಯ ಕಾರ್ಯಕ್ರಮಲು ನಡತೊಂದುಂಡ್. ನಗರಸಭೆತ ಮೂಲಕ ನಗರದ ರಸ್ತೆ ಅಭಿವೃದ್ಧಿ, ಬೊಕ್ಕ ಮೂಲಭೂತ ಸೌಕರ್ಯದ ವ್ಯವಸ್ಥೆದ ಕೆಲಸಲಾ ನಡತೊಂದುಂಡ್  ಮಾತೆರ್ಲ ಕಾರ್ಯಕ್ರಮಡ್ ಭಾಗವಹಿಸಾದ್  ಕಾರ್ಯಕ್ರಮನ್ ಯಶಸ್ವಿ ಮಲ್ಪುಗ ಪಂಡೆರು.
ವೇದಿಕೆಡ್  ಸ್ವಾಗತ ಸಮಿತಿ ಅಧ್ಯಕ್ಷ ಶಾಸಕ ಯಶ್ ಪಾಲ್ ಸುವರ್ಣ, ಮಠದ ದಿವಾನೆರಾಯಿನ ಡಾ ಉದಯಕುಮಾರ್ ಸರಳತ್ತಾಯ ಪ್ರಧಾನ‌ ಕಾರ್ಯದರ್ಶಿ ಮಟ್ಟಾರ್ ರತ್ನಾಕರ ಹೆಗ್ಡೆ ಸಂಚಾಲಕ ಸುಪ್ರಸಾದ್ ಶೆಟ್ಟಿ, ಕಾರ್ಯದರ್ಶಿ ಮೋಹನ್ ಭಟ್ ,ಬಾಲಾಜಿ ಯೋಗೀಶ್ ಶೆಟ್ಟಿ , ಕೋಶಾಧಿಕಾರಿ ಜಯಪ್ರಕಾಶ್ ಕೆದ್ಲಾಯ, ಇಂದ್ರಾಳಿ ಜಯಕರ್ ಶೆಟ್ಟಿ , ಸಗ್ರಿ ಗೋಪಾಲಕೃಷ್ಣ ಸಾಮಗ, ಗಣೇಶ್ ರಾವ್ , ರಮೇಶ್ ಕಾಂಚನ್ , ರಮೇಶ್ ಬಂಗೇರ,ಪ್ರಚಾರ ಸಮಿತಿ ಸಂಚಾಲಕ ನಂದನ್ ಜೈನ್ ,ಮಧುಕರ್ ಮುದ್ರಾಡಿ ಮೊಕುಲು ಉಪಸ್ಥಿತರಿತ್ತೆರು. ಅಶ್ವಥ್ ಭಾರಧ್ವಜ್ ಕಾರ್ಯಕ್ರಮ‌ ನಿರೂಪಣೆ ಮಲ್ತೆರು.