ಅಗತಿನ ಪತ್ರಕರ್ತೆ ಶೇಷಗಿರಿ ಭಟ್ರೆಗ್ ಶ್ರದ್ಧಾಂಜಲಿ ಸಭೆ
ಉಡುಪಿ, ಮಾ.3: ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಡ್ದ್ ಇಂಚಪ್ಪೊಗ್ ಅಗತಿನ ಸಂಘದ ಸದಸ್ಯ ಬೊಕ್ಕ ಬ್ರಹ್ಮಾವರ ತಾಲೂಕು ಸಂಘದ ಉಪಾಧ್ಯಕ್ಷ ಬೊಕ್ಕ ಪ್ರಜಾವಾಣಿ ಪತ್ರಿಕೆದ ಬ್ರಹ್ಮಾವರ ವರದಿಗಾರೆ ಶೇಷಗಿರಿ ಭಟ್ರೆಗ್ ಶ್ರದ್ಧಾಂಜಲಿ ಸಭೆನ್ ಅಂಗಾರೆದಾನಿ ಉಡುಪಿ ಪತ್ರಿಕಾ ಭವನಡ್ ನಡತುಂಡ್.
ಸಂಘದ ಜಿಲ್ಲಾಧ್ಯಕ್ಷ ಸುಬ್ರಹ್ಮಣ್ಯ ಜಿ.ಕುರ್ಯ ಪಾತೆರ್ದ್ , ಸೌಮ್ಯ ಸ್ವಭಾವದ ಎಡ್ಡೆ ಬರಹಗಾರರಾದಿತ್ತಿನ ಶೇಷಗಿರಿ ಭಟ್, ಪತ್ರಕರ್ತೆರಾದ್ ಸಕ್ರಿಯವಾದ್ ತೊಡಗಿಸಾವೊಂದೆರ್.. ನಮ್ಮ ಸಂಘದ ಹಿರಿಯ ಸದಸ್ಯೆರು. ತಾಲೂಕು ಸಂಘಡ್ ಪದಾಧಿಕಾರಿಯಾದಿತ್ತಿನ ಮೆರೆನ ಅಗಲಿಕೆ, ನಮ್ಮ ಸಂಘಗ್ ಮಲ್ಲ ನಷ್ಟ ಆತುಂಡ್.. ಅರೆನ ಆತ್ಮೊಗ್ ಸದ್ಗತಿ ತಿಕ್ಕಡ್ ಪಂಡುದು ಪಂಡೆರು.
ಸಂಘದ ರಾಜ್ಯ ಸಮಿತಿ ಸದಸ್ಯ ಅಸ್ಟ್ರೋ ಮೋಹನ್, ಹಿರಿಯ ಪತ್ರಕರ್ತೆರಾಯಿನ ಕಿರಣ್ ಮಂಜನಬೈಲು, ಬಿ.ಬಿ.ಶೆಟ್ಟಿಗಾರ್, ಶಶಿಧರ್ ಮಾಸ್ತಿಬೈಲು, ನವೀನ್ ಕುಮಾರ್, ಬ್ರಹ್ಮಾವರ ತಾಲೂಕು ಘಟಕದ ಅಧ್ಯಕ್ಷ ರಾಜೇಶ್ ಗಾಣಿಗ ಅಚ್ಲಾಡಿ ಪಾತೆರಿಯೆರು.
ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸೊಲ್ಮೆ ಸಂದಾಯ್ತ ಮಲ್ತೆರು. ಜಿಲ್ಲಾ ಉಪಾಧ್ಯಕ್ಷ ಪ್ರಭಾಕರ ಆಚಾರ್ಯ ಚಿತ್ತೂರು ಕಾರ್ಯಕ್ರಮ ನಿರೂಪಣೆ ಮಲ್ತೆರು.
ಜಿಲ್ಲಾ ಸಂಘದ ಕೋಶಾಧಿಕಾರಿ ಹರೀಶ್ ಸುವರ್ಣ, ಕಾರ್ಯದರ್ಶಿಲಾಯಿನ ಉಮೇಶ್ ಮಾರ್ಪಳ್ಳಿ, ಲೋಕೇಶ್ ಆಚಾರ್ಯ ತೆಕ್ಕಟ್ಟೆ, ಸಮಿತಿ ಸದಸ್ಯ ಅಜಿತ್ ಆರಾಡಿ, ಮೋಹನ್ ಉಡುಪ, ಪ್ರವೀಣ್ ಮುದ್ದೂರು ಮೊಕುಲು ಉಪಸ್ಥಿತರಿತ್ತೆರು.
by 