ಅಪ್ಪೆ ಬೇರ್ ದ ತುಳುನಾಡ್

“ಅಪ್ಪೆ ಬೇರ್ ದ ತುಳುನಾಡ್” -ತುಳು ರಾಷ್ಟ್ರೀಯ ವಿಚಾರ ಸಂಕಿರಣದ ಪೂರ್ವಭಾವಿ ಸಭೆ

ತುಳುವ ಮಹಾಸಭೆ ಇಂಟರ್ ನ್ಯಾಷನಲ್, ಮೂಲ್ಕಿ ಘಟಕ  ಬೊಕ್ಕ ಬಂಟರ ಸಂಘ ಮೂಲ್ಕಿದ  ಸಂಯುಕ್ತಾಶ್ರಯಡ್  ಎಪ್ರಿಲ್ 11 ತಾರೀಕು ಗ್  ಮೂಲ್ಕಿದ ಬಂಟರ ಸಂಘ ನಡಪರೆಗುಪ್ಪುನ “ಅಪ್ಪೆ ಬೇರ್ ದ ತುಳುನಾಡ್” -ತುಳು ರಾಷ್ಟ್ರೀಯ ವಿಚಾರ ಸಂಕಿರಣದ ಪೂರ್ವಭಾವಿ ಸಭೆ ಪುನರೂರು ಹೋಟೆಲ್ ಸಭಾಂಗಣಡ್ ಘಟಕದ ಸಂಚಾಲಕಿ ಭಾನುಮತಿ ಶೆಟ್ಟಿ ಕಕ್ವಗುತ್ತು ಮೆರೆನ ಗುರ್ಕಾರ್ಮೆಡ್ ನಡತುಂಡ್. . ತುಳು ಮಣ್ಣಿನ ಮೂಲ ಸಂಸ್ಕೃತಿ, ಜಾತಿ-ಉಪಜಾತಿ, ಆಚಾರ-ವಿಚಾರಲೆನ್ ಒರಿಪಾದ್ ಬುಳೆಪಾವುನ ದುಂಬು ದ ಪೀಳಿಗೆಗ್  ತುಳುವಪ್ಪೆ  ಮಟ್ಟೆಲುದ ಮಮತೆ-ಪ್ರೀತಿನ್  ಬಿತ್ತುನ  ಕೆಲಸ ಈ ಸಂಕಿರಣದ ಮೂಲಕ ನಡಪೊಡ್ ಪನ್ಪಿನ  ಉದ್ದೇಶಡ್  ಪ್ರಸ್ತಾವನೆನ್  ತುಳು ವರ್ಲ್ಡ್ ಫೌಂಡೇಶನ್ ಮುಖ್ಯಸ್ಥೆರಾಯಿನ  ರಾಜೇಶ್ ಆಳ್ವ ಮಲ್ತೆರು. ಸಭೆಟ್ ವಿಚಾರ ಸಂಕಿರಣದ ರೂಪುರೇಷೆದ  ಬಗೆಟ್ ಚರ್ಚೆ ಮಲ್ತುದ್ ಅವ್ವೆನ್  ವ್ಯವಸ್ಥಿತವಾದ್ ಆಯೋಜನೆ ಮಲ್ಪರೆಗ್  ಸಮಿತಿ ರಚನೆ ಮಲ್ತುಂಡ್. ಭಾನುಮತಿ ಶೆಟ್ಟಿ  ಗುರ್ಕಾರ್ದಿ, ಪುಷ್ಪರಾಜ್ ಚೌಟ ಕಾರ್ಯಂತೆರ್ , ಬೊಕ್ಕ ಗೀತಾ ಗಣೇಶ್ ಮೆರೆನ್ ಪಣವುದ ಪಾಲವೆರಾದ್  ಆಯ್ಕೆ ಮಲ್ತೆರ್. ಉಳಿದಂತೆ ಗೌರವ ಮಾರ್ಗದರ್ಶಕರು, ಉಪಾಧ್ಯಕ್ಷರುಗಳು,  ಸಮಿತಿದ  ಕಾರ್ಯಕಾರಿಣಿಲಾದ್  ಕುಬೆವೂರು ಮುರಳೀಧರ ಭಂಡಾರಿ, ಲಯನ್ಸ್ ಅಧ್ಯಕ್ಷ ಹರ್ಷರಾಜ್ ಶೆಟ್ಟಿ, ಬಂಟರ ಸಂಘದ ಅಧ್ಯಕ್ಷ ಅಶೋಕ್ ಕುಮಾರ್ ಶೆಟ್ಟಿ, ರೋಹಿಣಿ ಶೆಟ್ಟಿ, ನಗರ ಪಂಚಾಯತ್ ಮಾಜಿ ಅಧ್ಯಕ್ಷೆ ಸರೋಜಿನಿ ಸುವರ್ಣ, ಬಿಲ್ಲವ ಸಮಾಜದ ಶಶಿಕಲಾ ಸುವರ್ಣ, ಮೊಗವೀರ ಸಭಾದ ಸುಜೀತ್ ಸಾಲ್ಯಾನ್, ರವೀಶ್ ಕಾಮತ್, ಅಮೂಲ್ಯ ಶೆಟ್ಟಿ, ಭಾರತೀ ಶೆಟ್ಟಿ, ಸರೋಜಿನಿ ಶೆಟ್ಟಿ, ಭಾಸ್ಕರ್ ಕೊಟ್ಯಾನ್, ಸಾಧು ಅಂಚನ್, ಪ್ರಶಾಂತ್ ಶೆಟ್ಟಿ ಮೊಕ್ಲೆನ್  ಆಯ್ಕೆ ಮಲ್ತೆರ್.

ವೇದಿಕೆಡ್  ತುಳುವ ಮಹಾಸಭೆತ್ತ  ಪ್ರಧಾನ ಕಾರ್ಯದರ್ಶಿ ವಸಂತ್ ರೈ, ಮಂಗಳೂರು ಸಂಚಾಲಕ ಅರವಿಂದ್ ಬೆಲ್ಚಡ, ಮೂಡಬಿದ್ರೆ ಸಂಚಾಲಕಿ ಜಯಂತಿ ಬಂಗೇರ ತಮ್ಮ ಅಮೂಲ್ಯ ಅಭಿಪ್ರಾಯಲೆನ್  ಪಟ್ಟೊಂಡೆರ್ .ಸಭೆಟ್   ತುಳುವ ಮಹಾಸಭೆತ ಕಾರ್ಯದರ್ಶಿ ಹರಿಪ್ರಸಾದ್ ರೈ ಸೊಲ್ಮೆ ಸಂದಾಯ್ತ ಮಲ್ತೆರ್..