ಬಜೆಟ್ ಡ್ ಕರಾವಳಿ ಗ್ ನಿರಾಸೆ

ಕೇಂದ್ರ ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಮುಲ್ಪ ಮುಲ್ಪ ಮಲ್ತಿನ ಬಜೆಟ್ ಕರಾವಳಿ ಜಿಲ್ಲೆಲೆಗ್ ನಿರಾಸೆ ಆತ್ಂಡ್ ಪಂದ್ ಕಾರ್ಕಳ ಕಾಂಗ್ರೆಸ್ ನಾಯಕ ಉದಯ ಶೆಟ್ಟಿ ಮುನಿಯಲು ಅಭಿಪ್ರಾಯ ಕೊರ್ತೆರ್.

ಉಂದು ಚುನಾವಣೆದ ಬಜೆಟ್ ಆದುಪ್ಪುನೆರ್ದಾತ್ರ ಬಿಜೆಪಿ ಅಧಿಕಾರೊಡು ಇಜ್ಜಂದಿನ ರಾಜ್ಯೊಲೆಡ್ ಪಕ್ಷೊನು ಬಲಪಡಿಸಾಯಿನ ಬಜೆಟ್ ದಲೆಕ ಉಂಡು. ಈ ಬಜೆಟ್ ಜನ ಸಾಮಾನ್ಯೆರೆಗ್ ಲಾಭ ಆಪುಜಿ. ರಡ್ಡ್ ಕರಾವಳಿ ಜಿಲ್ಲೆಲೆಡ್ಲಾ ಬಿಜೆಪಿ ಸಂಸದೆರ್ ಉಲ್ಲೆರ್, ಆಂಡ ಅಕುಲು ಕರಾವಳಿ ಪ್ರದೇಶೊಲೆನ ನಿಜವಾಯಿನ ಸಮಸ್ಯೆಲೆನ್ ಕೇಂದ್ರ ಸರ್ಕಾರೊಗು ಮನವರಿಕೆ ಮಲ್ಪೆರೆ ವಿಫಲರಾಯೆರ್. ಜನಕ್ಲೆನ ಅಗತ್ಯೊಗು ಸ್ಪಂದನೆ ಮಲ್ತ್ದ್ ಎಡ್ಡೆ ಬಜೆಟ್ ಕೊರೊಡಾಯಿನ ಕೇಂದ್ರ ಸರಕಾರ ತನ್ನ ಪಕ್ಷದ ಚುನಾವಣಾ ಬಜೆಟ್ ನ್ ಮಾತ್ರ ಕೊರ್ತುಂಡು.

ಜನಕುಲೆನ ದೃಷ್ಟಿಡ್ ಉಂದು ನಿರಾಸೆದ ಬಜೆಟ್ ಪಂದ್ ಉದಯ ಶೆಟ್ಟಿ ಮುನಿಯಲು ತನ್ನ ಅಭಿಪ್ರಾಯೊನು ವ್ಯಕ್ತಪಡಿಸಾದೆರ್.