ಕಸಾಪ ಸಮಾಲೋಚನಾ ಸಭೆ

ಕಸಾಪ ಉಡುಪಿ ತಾಲೂಕು ಘಟಕದ ಸಮಾಲೋಚನಾ ಸಭೆ


ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ತಾಲೂಕು ಘಟಕದ 16ನೇ ಕನ್ನಡ ಸಾಹಿತ್ಯ ಸಮ್ಮೇಳನನ್ ಏಪ್ರಿಲ್ ತಿಂಗಳುಡ್ ಮಲ್ಪುಂಡ್ ಪಂಡುದು ನಿರ್ಣಯ ಮಲ್ತೆರ್.. ಈ ಸಂಬಂಧ  ಉಡುಪಿ ಮಥುರಾ ಕಂಫರ್ಟ್ ಡ್ ಉಡುಪಿ ತಾಲೂಕು ಘಟಕಾಧ್ಯಕ್ಷ  ರವಿರಾಜ್ ಹೆಚ್ ಪಿ.ನ ಅಧ್ಯಕ್ಷತೆಡ್ ಸಭೆ ನಡತುಂಡ್.

ಸಮ್ಮೇಳನದ ಅಧ್ಯಕ್ಷತೆಗ್ ಸುಮಾರು 8 ಪುದರ್ ಸಭೆಟ್ ಬತ್ತಿತ್ತುದ್ ದುಂಬುದ ವಾರಡ್ ಆಯ್ಕೆ ಪ್ರಕ್ರಿಯೆ ನಡಪುಂಡು ಪಂಡುದು ತೆರಿಪಾಯೆರ್..

ಉಡುಪಿ ತಾಲೂಕು ಇತ್ತೆದ ಸಮಿತಿದ ಅಧಿಕಾರದವಧಿಡ್ ಉಂದು 4ನೇ ಸಮ್ಮೇಳನ ವಾದಿತ್ತುದ್, ಉಡುಪಿ ತಾಲೂಕುದ 16ನೇ ಸಮ್ಮೇಳನ ನಡಪರೆಗುಂಡ್..

ಬಾರೀ ಅದ್ದೂರಿಡ್ ಸಮ್ಮೇಳನ ನಡಪರೆಗಿತ್ತುದ್ ಬೇತೆ ಬೇತೆ ವಿಚಾರ ಗೋಷ್ಠಿಲು ಪುಸ್ತಕದ ಲೋಕಾರ್ಪಣೆ, ಸಾಂಸ್ಕೃತಿಕ ಕಾರ್ಯಕ್ರಮ, ಸಾಧಕರೆಗ್ ಸನ್ಮಾನ ಇಂಚ ಕೆಲವು ಕಾರ್ಯಕ್ರಮೊಲು ನಡಪರೆಗ್ ನಿರ್ಣಯ ಮಲ್ತೆರ್..

ಈ ಸಂದರ್ಭಡ್ ಜಿಲ್ಲಾ ಮಹಿಳಾ ಪ್ರತಿನಿಧಿ ಪೂರ್ಣಿಮಾ ಜನಾರ್ದನ್ ಆಸ್ಟ್ರೋ ಮೋಹನ್, ರಾಘವೇಂದ್ರ ಪ್ರಭು ಕರ್ವಾಲ್, ರಮಾನಂದ, ವಿದ್ಯಾ ಸರಸ್ವತಿ, ದೀಪಾ ಕರ್ಕಿ,  ಸಿದ್ದ ಬಸಯ್ಯ ಸ್ವಾಮಿ ಚಿಕ್ಕಮಠ, ಸುಭೋದ್, ಉಮೇಶ್ *ಆಚಾರ್ಯ* ಉಪಸ್ಥಿತರಿತ್ತೆರು.

ಗೌರವ ಕಾರ್ಯದರ್ಶಿ ಜನಾರ್ದನ್ ಕೊಡವೂರು ಸ್ವಾಗತ ಮಲ್ತೆರು. ಉಡುಪಿ ತಾಲೂಕು ಅಧ್ಯಕ್ಷ ರವಿರಾಜ ಎಚ್ ಪಿ ಪ್ರಸ್ತಾಪನೆ ಮಲ್ತೆರು.
ಗೌರವ ಕಾರ್ಯದರ್ಶಿ ರಂಜನಿ ವಸಂತ್ ನಿರೂಪಣೆ ಮಲ್ತೆರು. ಕೋಶಾಧಿಕಾರಿ ರಾಜೇಶ್ ಭಟ್ ಪಣಿಯಾಡಿ ವಂದಿಸಾಯೆರು.