ಸುನೀತಾ ವಿಲಿಯಮ್ಸ್.

ಸುನೀತಾ ವಿಲಿಯಮ್ಸ್ ಭೂಮಿಗ್ ಯಶಸ್ವಿಯಾದ್ ಪಿರ ಬತ್ತುದೆರ್. ಇನಿ , ಮಾರ್ಚ್ 19, 2025 ಗ್, ಭಾರತೀಯ ಕಾಲಮಾನದ ಪ್ರಕಾರ ಕಾಂಡೆ ಸುಮಾರು 3:27 ಗ್, ಸುನೀತಾ ವಿಲಿಯಮ್ಸ್ ಬೊಕ್ಕ ಅರೆನ ಸಹ ಗಗನಯಾತ್ರಿಲಾಯಿನ ಬುಚ್ ವಿಲ್ಮೋರ್, ನಿಕ್ ಹೇಗ್ ಬೊಕ್ಕ ಅಲೆಕ್ಸಾಂಡರ್ ಗೋರ್ಬುನೋವ್ ಮೊಕುಲು ಸ್ಪೇಸ್‌ಎಕ್ಸ್‌ನ ಕ್ರ್ಯೂ ಡ್ರ್ಯಾಗನ್ ಕ್ಯಾಪ್ಸೂಲ್ ಮೂಲಕ ಫ್ಲೋರಿಡಾ ಕರಾವಳಿಡ್ ಸುರಕ್ಷಿತವಾದ್  ಭೂಮಿಗ್ ಬತ್ತು  ಜತ್ತುದೆರ್.

ಉಂದು ಅರೆನ  9 ತಿಂಗಳುಗುಲಾ  ಜಾಸ್ತಿ ಕಾಲ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಡ್ (ISS) ಕರಿನ ಸುದೀರ್ಘ ಪೊರ್ತುಡ್ ಬೊಕ್ಕ ಪಿರ ಬತ್ತುದೆರ್.

ಭೂಮಿಗೆ ಬತ್ತಿಬೊಕ್ಕ  ಸುನೀತಾ ವಿಲಿಯಮ್ಸ್ ಬೊಕ್ಕ ಬಾಕಿದ ಗಗನಯಾತ್ರಿಲೆಗ್  ಸುರುಕ್ಕಾದ್ ವೈದ್ಯಕೀಯ ಪರೀಕ್ಷೆ ಆವರೆಗುಂಡ್. ಉಂದು ಅಕ್ಲೆನ ದೀರ್ಘಕಾಲೀನ ಬಾಹ್ಯಾಕಾಶ ವಾಸಡಾದ್ ಆರೋಗ್ಯದ ಮಿತ್ತ್ ಆಯಿನ ಪರಿಣಾಮಲೆನ್  ಮೌಲ್ಯಮಾಪನ ಮಲ್ಟರೆಗ್ ಅಗತ್ಯವಾದುಂಡ್.

ಕೇವಲ 8 ದಿನದ ಯಾನಗ್  ಪೋದು, ತಾಂತ್ರಿಕ ಸಮಸ್ಯೆಡಾದ್ 9 ತಿಂಗಳ ಬಾಹ್ಯಾಕಾಶ ವಾಸಡ್  ಬೊಕ್ಕ ಸುನಿತಾ, ಸಹ ಗಗನಯಾತ್ರಿ ಭೂಮಿಗ್!

ಗುರುತ್ವಾಕರ್ಷಣೆಯಿಪ್ಪಂದಿನ  ವಾತಾವರಣಡ್ ಈತ್ ದಿನ ಇತ್ತಿನೇಡ್ ಬೊಕ್ಕ, ದೇಹ ಭೂಮಿದ  ಗುರುತ್ವಾಕರ್ಷಣೆಗ್ ಹೊಂದರೆಗ್ ಸಮಯ ದೆತೊಂಬುಂಡ್. ಈ ಪ್ರಕ್ರಿಯೆಡ್ ಅಕ್ಲೆನ  ಆರೋಗ್ಯನ್  ನಿಕಟವಾದ್ ಗಮನ ಕೊರ್ಪುಂಡ್.

ವೈದ್ಯಕೀಯ ತಪಾಸಣೆ  ಎಂಚ ಉಪ್ಪುಂಡ್?

ಸುನೀತಾ ವಿಲಿಯಮ್ಸ್ ಬೊಕ್ಕ ಬಾಕಿದ  ಗಗನಯಾತ್ರಿಲು ಭೂಮಿಗ್ ಬತ್ತಿನೇಡ್ ಬೊಕ್ಕ  ಆರೋಗ್ಯ ತಪಾಸಣೆಗ್ ದೆತೊಂಬಿನ ಪೊರ್ತು  ನಿಖರವಾದ್ ಅಕ್ಲೆನ ದೈಹಿಕ ಸ್ಥಿತಿ ಬೊಕ್ಕ ಬಾಹ್ಯಾಕಾಶಡ್  ಕಳೆಯಿನ  ಸಮಯದ ದೀರ್ಘತೆದ  ಮಿತ್ತ್ ಅವಲಂಬಿತವಾದುಪ್ಪುಂಡ್. ಸಾಮಾನ್ಯವಾದ್ , NASA ಬೊಕ್ಕ ಬಾಕಿದ ಬಾಹ್ಯಾಕಾಶ ಸಂಸ್ಥೆದ  ಪ್ರಕಾರ, ದೀರ್ಘಕಾಲೀನ ಮಿಷನ್‌ ಡ್ ಬೊಕ್ಕ  , ಗಗನಯಾತ್ರಿಲು ಕನಿಷ್ಠ 2-3 ವಾರಡ್ದ್ಷ 1 ತಿಂಗೊಲುಮುಟ್ಟ ಆರಂಭಿಕ ಆರೋಗ್ಯ ತಪಾಸಣೆ ಬೊಕ್ಕ ಪುನರ್ವಸತಿ ಪ್ರಕ್ರಿಯೆಡ್  ಇಪ್ಪೊಡ್.

ಸುನೀತಾ ವಿಲಿಯಮ್ಸ್ ಈ ಸರ್ತಿ ಸುಮಾರು 9 ತಿಂಗಳು ( 270 ದಿನೊಕುಲು) ISS ಡ್  ಕಳೆದೆರ್. ಇಂಚಿನ ಸುದೀರ್ಘ ಅವಧಿಡ್  ಬೊಕ್ಕ, ಆರೋಗ್ಯ ತಪಾಸಣೆಡ್ ಈ ತಿರ್ತುದ ಕೆಲವ್ ಅಂಶೊಲು ಉಪ್ಪುಂಡ್ :

• ತಕ್ಷಣದ ಪರೀಕ್ಷೆ: ಭೂಮಿಗ್ ಜತ್ತಿನ ಕೆಲವೇ ಗಂಟೆಲೆಡ್ ಆರಂಭಿಕ ವೈದ್ಯಕೀಯ ತಪಾಸಣೆ ನಡಪುಂಡ್. ಉಂದು ಒಂಜಿ  ದಿನ ಅತ್ತುಂಡ ರಡ್ಡ್ ದಿನಮುಟ್ಟ  ಇಪ್ಪುಂಡ್.
• ಗುರುತ್ವಾಕರ್ಷಣೆಗ್  ಹೊಂದರೆಗ್ ಬೊಕ್ಕ ಸ್ನಾಯುಲು,, ಎಲುಬುಲೆನ  ಶಕ್ತಿ ಪಿರ ಪಡೆಯರೆಗ್ ಸಾಮಾನ್ಯವಾದ್  2-3 ವಾರ  ಕಾಲ ವ್ಯಾಯಾಮ ಬೊಕ್ಕ  ಚಿಕಿತ್ಸೆ ನಡಪುಂಡ್.
• ಕೆಲವೊರ  ತಿಂಗೊಲುಮುಟ್ಟ  ಅಕ್ಲೆನ ಆರೋಗ್ಯದ ಮಿತ್ತ್ ವೈದ್ಯೆರು ನಿಗಾ ದೀಪೆರ್.

ಅಂಚಾದ್, ಸುನೀತಾ ವಿಲಿಯಮ್ಸ್ ಸಾಮಾನ್ಯವಾದ್ ಕನಿಷ್ಠ 2-3 ವಾರ ಕಾಲ ತೀವ್ರ ಆರೋಗ್ಯ ತಪಾಸಣೆ ಹಿನ್ನೆಲೆ ಇಲ್ಲಗ್  ಸಾಮಾನ್ಯವಾದ್ ಪೋರೆಗಾಪುಜಿ. ನಿಖರವಾಯಿನ ಅವಧಿನ್  NASA ನನಲಾ  ಘೋಷಣೆ ಮಲ್ದುಜಿ, ಆಂಡ  ಅರೆನ  ದುಂಬುದ ಮಿಷನ್‌ ಬೊಕ್ಕ ಗಗನಯಾತ್ರಿಲೆನ  ಸಾಮಾನ್ಯ ಪ್ರಕ್ರಿಯೆ ಆಧಾರದ ಮಿತ್ತ್  ಈ ಅಂದಾಜು ಮಲ್ದುಂಡ್.

ಅಯಿಬೊಕ್ಕ , ಸುನೀತಾ ವಿಲಿಯಮ್ಸ್ ಸಾಮಾನ್ಯವಾದ್ ತಮ್ಮ ಅನುಭವಲೆನ್ ವಿಜ್ಞಾನಿಲು ಬೊಕ್ಕ ಸಾರ್ವಜನಿಕೆರೆನೊಟ್ಟುಗ್ ಪಟ್ಟೊನುವೆರ್. ಆರು ISS ಡ್ ನಡಪಾಯಿನ  ಪ್ರಯೋಗ ಬೊಕ್ಕ ಸಂಶೋಧನೆದ  ಬಗ್ಗೆ ವರದಿ ಸಿದ್ಧಪಡಿಸಾದ್, ಭವಿಷ್ಯದ ಬಾಹ್ಯಾಕಾಶ ಯೋಜನೆಲೆಗ್ ತಮ್ಮ ಒಳನೋಟಲೆನ್ ಕೊರುವೆರ್. ಒಟ್ಟುಗ್, ಆರು ತಮ್ಮ ವೃತ್ತಿಜೀವನದ ದುಂಬುದ ಪಜ್ಜೆನ್ ದೀಪೆರ್. ಉಂದೆಟ್ ಪೊಸ ಬಾಹ್ಯಾಕಾಶ ಮಿಷನ್‌ ಲೆಡ್ ಪಾಲ್ ಪಡೆಪಿನ  ಅತ್ತುಡ ಯುವ ಗಗನಯಾತ್ರಿಲೆಗ್ ಮಾರ್ಗದರ್ಶನ ಕೊರ್ಪಿನ  ಕೆಲಸಲಾ  ಸೇರ್ದಿಪ್ಪು.