ಪರಿಸರ ದಿನಾಚರಣೆ

*ಪರಿಸರದ ಬಗ್ಗೆ ಜಾಗೃತಿ ಮೂಡಿಸಾವರೆಗ್
*ಮಾಧ್ಯಮದ ಪಾತ್ರ ಮುಖ್ಯ: ಡಿಎಫ್‌ಓ ಸಿವರಾಮ್ ಬಾಬು*

*ಉಡುಪಿ ಜಿಲ್ಲಾ ಪತ್ರಕರ್ತರ ಸಂಘಡ್ದ್  ಪರಿಸರ ದಿನಾಚರಣೆ*

ಉಡುಪಿ, ಜೂ.೧೯:  ಪರಿಸರ ದಿನಾಚರಣೆ ಪನ್ಪಿನವ್ ಕೇವಲ ಒಂಜೇ ದಿನತ್ತ  ಆಚರಣೆಯತ್ತ್. ಪ್ರತಿದಿನ ಮಲ್ಪೊಡಾಯಿನ ಕಾರ್ಯ. ಒಂಜಿ ದಿನ ಗಿಡ ನಡಿಯೆರೆಡ  ಯಾವುಜಿ, ಅವ್ವೆನ್ ಪ್ರತಿದಿನ ಪೋಷಿಸಾವೊಡ್. ಅವ್ವೇ  ರೀತಿ ಪರಿಸರ ಬಗ್ಗೆ ಜನಕ್ಲೆಡ ಜಾಗೃತಿ ಪುಟ್ಟಾವುನ  ಕೆಲಸಲಾ  ಆವೊಡ್.. ಉಂದೆಟ್ ಮಾಧ್ಯಮದಕ್ಲೆನ ಪಾತ್ರ  ಮುಖ್ಯವಾದುಂಡ್ ಪಂಡುದು ಕಾರ್ಕಳ ಕುದುರೆಮುಖ ವನ್ಯಜೀವಿ ವಿಭಾಗದ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಸಿವರಾಮ್ ಬಾಬು ಎಂ. ಪಂಡೆರ್..
ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಡ್ದ್  ಉಡುಪಿ ಪತ್ರಿಕಾ ಭವನ ಸಮಿತಿದ ಸಹಯೋಗದೊಟ್ಟುಗ್ ಶುಕ್ರವಾರ ಉಡುಪಿ ಪತ್ರಿಕಾ ಭವನಡ್  ಆಯೋಜನೆ ಮಲ್ದಿನ ವಿಶ್ವ ಪರಿಸರ ದಿನಾಚರಣೆ ಕಾರ್ಯಕ್ರಮನ್ ಪತ್ರಿಕಾ ಭವನದ ಆವರಣಡ್  ಗಿಡ ನಡ್ಪಿನ  ಮೂಲಕ ಉದಿಪನ ಮಲ್ತುದ್ ಆರು ಪಾತೆರಿಯೆರು.
ಇಡೀ ಪರಿಸರ ವ್ಯವಸ್ಥೆದ ಪ್ರತಿಯೊಂಜಿಲಾ    ಮುಖ್ಯವಾದುಂಡ್ . ಒಂದು ಅಳಿದು ಪೋಂಡಲಾ ಅಯಿತ್ತ ಪ್ರಾಮುಖ್ಯತೆ ನಮಕ್  ಅರ್ಥ ಆಪುಂಡ್. ಅಂಚಾದ್ ನಮ ಇಡೀ ಪರಿಸರ ವ್ಯವಸ್ಥೆನ್  ಕಾಪೊಡಾಪುಂಡ್. ಇತ್ತೆ ಮುಂಗಾರು ಬಾರೀ  ಕಮ್ಮಿ ಆದ್  ಶೇ.60 ದಾತ್ ಬರ್ಸ ಕಮ್ಮಿ  ಆತುಂಡ್.. ಉಂದೆಕ್  ಹವಾಮಾನಡ್  ಆಪಿನ ಬದಲಾವಣೆನೇ ಕಾರಣವಾದುಂಡ್. ಅಂಚಾದ್ ಪರಿಸರನ್ ಕಾಪಾಡುನವ್ ನಮ್ಮ ಜವಾಬ್ದಾರಿಯಾದುಂಡ್ ಪಂಡೆರು.
ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷೆರಾಯಿನ  ಸುಬ್ರಹ್ಮಣ್ಯ ಜಿ.ಕುರ್ಯ ಅಧ್ಯಕ್ಷತೆಡಿತ್ತೆರು. ಉಡುಪಿ ಜಿಲ್ಲಾ ವಾರ್ತಾಧಿಕಾರಿ ಮಂಜುನಾಥ್, ಕನ್ನಡ ಸಾಹಿತ್ಯ ಪರಿಷತ್ ಉಡುಪಿ ಜಿಲ್ಲಾಧ್ಯಕ್ಷ ನೀಲಾವರ ಸುರೇಂದ್ರ ಅಡಿಗ ಪಾತೆರಿಯೆರು.
ಸಂಘದ ರಾಜ್ಯ ಸಮಿತಿ ಸದಸ್ಯ ಅಸ್ಟ್ರೋ ಮೋಹನ್, ರಾಷ್ಟ್ರೀಯ ಸಮಿತಿ ಸದಸ್ಯ ಅರುಣ್ ಕುಮಾರ್ ಶಿರೂರು, ಪತ್ರಿಕಾ ಭವನ ಸಮಿತಿದ ಸಹಸಂಚಾಲಕ ಗಣೇಶ್ ಕಲ್ಯಾಣ ಪುರ, ಕೋಶಾಧಿಕಾರಿ ಹರೀಶ್ ಕುಂದರ್ ಉಪಸ್ಥಿತರಿತ್ತೆರು.
ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಪ್ರಾಸ್ತಾವಿಕವಾದ್ ಪಾತೆರ್ದ್ , ಸ್ವಾಗತ ಮಲ್ತೆರು. ಸಂಘದ ಸದಸ್ಯ ಅಜಿತ್ ಆರಾಡಿ ವಂದಿಸಾಯೆರು. ಯಶೋಧಾ ಕೇಶವ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಪತ್ರಿಕಾ ಭವನದ ಸುತ್ತಮುತ್ತ ಬೇತೆ ಬೇತೆ ಜಾತಿದ  ಗಿಡಕುಲೆನ್  ನಡಿಯೆರ್. ಈ ಸಸಿಕುಲೆನ  ಪ್ರಾಯೋಜಕತ್ವನ್  ಸಾಮಾಜಿಕ ಕಾರ್ಯಕರ್ತ ರಾಘವೇಂದ್ರ ಪ್ರಭು ಕರ್ವಾಲು ವಹಿಸೊಂದೆರು.