ಮಲಬಾರ್ ಗೋಲ್ಡ್ &ಡೈಮಂಡ್ಸ್ ವತಿಡ್ದ್ ವಿದ್ಯಾರ್ಥಿ ವೇತನ.

ಉಡುಪಿ: ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಸಂಸ್ಥೆದ ಸಿಆರ್‌ಎಸ್ ಯೋಜನೆದಡಿಟ್ ಜಿಲ್ಲೆದ 53 ವಿದ್ಯಾರ್ಥಿನಿಯೆರೆಗ್ ವಿದ್ಯಾರ್ಥಿವೇತನ ವಿತರಣಾ ಸಮಾರಂಭ ಶನಿವಾರ ಶಾಖೆಡ್ ನಡತುಂಡ್.
ಬೈಂದೂರು ವಿಧಾನಸಭೆ ಶಾಸಕೆರಾಯಿನ ಸುಕುಮಾರ್ ಶೆಟ್ಟಿ ಪಾತೆರ್ದ್ ಸಮಾಜಮುಖಿ ಕಾರ್ಯೊಲೆನ್ ಪುಗಾರಿಯೆರ್.
ಕೆ.ಎಮ್.ಎಫ್ ನ ನಿರ್ದೇಶಕೆರಾಯಿನ ದಿವಾಕರ್ ಶೆಟ್ಟಿ ಪಾತೆರ್ದ್ ಪೊಣ್ಣು ಜೋಕ್ಲೆನ ಶಿಕ್ಷಣದ ಮಹತ್ವದ ಬಗ್ಗೆ ವಿದ್ಯಾರ್ಥಿಲೆಗ್ ತೆರಿಪಾಯೆರ್. ಕೊಲ್ಲೂರು ದೇವಸ್ಥಾನದ ಮಕ್ತೆಸರರು ಚಂದ್ರಶೇಖರ್ ಶೆಟ್ಟಿ ಪಾತೆರ್ದ್ ಜೀವನಡ್ ಎಡ್ಡೆ ಸಂಸ್ಕಾರವಂತೆರಾದ್ ಬದುಕೊಡ್ ಪಂಡುದ್ ಜೋಕ್ಲೆಗ್ ಮಾರ್ಗದರ್ಶನ ಕೊರಿಯೆರ್.

ಜಮಿಯಿತುಲ್ ಫಲಾಹ್ (ರಿ.)
ಅಧ್ಯಕ್ಷೆರಾಯಿನ ಶಬಿ ಅಹ್ಮದ್ ಕಾಜಿ
ವೇದಿಕೆಡ್ ಉಪಸ್ಥಿತರಿತ್ತೆರ್. ಡಾ.ವಿದ್ಯಾ ಸರಸ್ವತಿ ಮೇರು ಪಾತೆರ್ದ್ ಸಂಸ್ಥೆ ವ್ಯಾಪಾರಡ್ ಬರ್ಪಿನ ಲಾಭಂಶದ ಶೇ.5ದಾತ್ ಕಾಸ್ ನ್ ಸಿಎಸ್‌ಆರ್ ನಿಧಿ ಕೊರೊಂದಿತ್ತುದ್ ನೇಟ್ ಬಡವರೆಗ್ ಧರ್ಮಾರ್ಥ ಮರ್ದ್ ವಿತರಣೆ, ಪರಿಸರ ಕಾಳಜಿ, ಧರ್ಮಾರ್ಥ ಗೃಹ ನಿರ್ಮಾಣ, ವಿದ್ಯಾರ್ಥಿ ವೇತನ,ಬಡ ಪೊಣ್ಣು ಜೋಕ್ಲೆನ ಮದಿಮೆಗ್ ಸಹಾಯ ಸೇರಿನಂಚ ಬೇತೆ ಬೇತೆ ಸಾಮಾಜಿಕ ಕಾರ್ಯಕ್ರಮೊಲೆನ್ ನಡಪಾವೊಂದ್ ಬರೊಂದುಂಡ್.

ಒಟ್ಟು ಭಾರತದಾದ್ಯಂತ 9.45 ಲಕ್ಷ ಫಲಾನುಭವಿಲೆಗ್ 165 ಕೋಟಿ ರೂಪಾಯಿ ಖರ್ಚಿ ಮಲ್ದುಂಡ್ ಪಂಡುದ್ ತೆರಿಪಾಯೆರ್.

ಉಡುಪಿ ಜಿಲ್ಲೆಡ್ ಮಸ್ತ್ ಅಂಕೊ ಪಡೆಯಿನ ಹರ್ಷಿತ,ಗುರುರಾಜ್,ಪುನೀತ್ ನಾಯ್ಕ್ ಮಲ್ಪೆ,ಅದ್ವೈತ್ ಶಂಕರನಾರಾಯಣ ಮೊಕ್ಲೆಗ್ ಗೌರವಿಸಾದ್ ಮಾನಾದಿಗೆ ಮಲ್ತೆರ್.

ಕಾರ್ಯಕ್ರಮಡ್ ಶಾಖಾ ಮುಖ್ಯಸ್ಥೆರಾಯಿನ ಹಫೀಝ್ ರೆಹಮಾನ್,ಪುರಂದರ ತಿಂಗಳಾಯ,ತಂಝೀಮ್ ಶಿರ್ವ,ಸಂದ್ಯಾ ಶೆಣೈ ಬೊಕ್ಕ ಗಣ್ಯೆರು,ಹಿತೈಷಿಲು ,ಬೇತೆ ಬೇತೆ ಕಾಲೇಜಿದ ಪ್ರಾಂಶುಪಾಲೆರು,ಅಧ್ಯಾಪಕೆರು, ಜೋಕ್ಲೆನ ಪೋಷಕೆರು, ಸಿಬ್ಬಂದಿ ವರ್ಗದಕುಲು
ಉಪಸ್ಥಿತರಿತ್ತೆರ್.
ಕಾರ್ಯಕ್ರಮನ್ ವಿಘ್ನೇಶ್ ನಿರೂಪಣೆ ಮಲ್ತುದ್ ರಾಘವೇಂದ್ರ ನಾಯಕ್ ಸೊಲ್ಮೆ ಸಂದಾಯ್ತ ಮಲ್ತೆರ್.