ಉಡುಪಿ: ಏಕ ವಿನ್ಯಾಸ ನಕ್ಷೆಗ್ ರಡ್ಡ್ ವರ್ಷಡಿಂಚಿ ಅನುಮೋದನೆ ಕೊರಂದೆ ವಿಳಂಬ ಮಲ್ತೊಂದುಪ್ಪುನ ಉಡುಪಿ ನಗರಾಭಿವೃದ್ಧಿ ಪ್ರಾಧಿಕಾರದ ವಿರುದ್ಧ ಮಾರ್ಚ್ 23ಡ್ದ್ ಅನಿರ್ದಿಷ್ಟಾವಧಿ ಧರಣಿ ಸತ್ಯಾಗ್ರಹ ಮಲ್ಪುವೆ ಪಂಡುದ್ ಮಾಜಿ ಶಾಸಕೆ ರಘುಪತಿ ಭಟ್ ತೆರಿಪಾದೆರ್.
ಉಡುಪಿಡ್ ನಡತಿನ ಸುದ್ದಿಗೋಷ್ಠಿಡ್ ಪಾತೆರಿನ ಆರು, ಬಡಾನಿಡಿಯೂರು ಗ್ರಾಮದ 90 ಸೆಂಟ್ಸ್ ಜಾಗೆಡ್ ರೆಸಾರ್ಟ್ ನಿರ್ಮಾಣ ಮಲ್ಪರೆಗ್ ರಡ್ಡ್ ವರ್ಷ ಪಿರ ಏಕ ವಿನ್ಯಾಸ ನಕ್ಷೆ ಅನುಮೋದನೆಗಾದ್ ಅರ್ಜಿ ಪಾಡುದಿತ್ತುಂಡ್.. ಆಂಡ ಇನಿಕುಲಾ ಅನುಮತಿ ಕೊರಂದೆ ಪ್ರಾಧಿಕಾರ ವಿಳಂಬ ಮಲ್ತೊಂದುಂಡ್ ಪಂಡೆರು. ಒರಿ ಮಾಜಿ ಶಾಸಕಗ್ ಈತ್ ಬಂಗ ಕೊರಿಯೆರೆಡ ಸಾಧಾರಣ ಜನಕ್ಲೆನ ಪರಿಸ್ಥಿತಿ ಎಂಚ ಆವೊಡ್ ಪಂಡುದ್ ಈ ಪೊರ್ತುಡ್ ಆರ್ ಬೇಜಾರ್ ಡ್ ಪಂಡೆರ್.
ಅಂಚಾದ್ ಮಾರ್ಚ್ 23ಡ್ದ್ ಕಾಂಡೆ 9.30 ಗಂಟೆಡ್ದ್ ಬಯ್ಯಗ್ 6ಗಂಟೆಮುಟ್ಟ ಪ್ರಾಧಿಕಾರದ ಆವರಣಡ್ ಒರಿಯೇ ಕುಲ್ಲುದ್ ಧರಣಿ ಸತ್ಯಾಗ್ರಹ ಮಲ್ಪುವೆ, ನ್ಯಾಯ ಸಿಕ್ಕಮುಟ್ಟ ಹೋರಾಟ ದುಂಬರಿಪುವೆ ಪಂಡೆರು.
ಏಕ ವಿನ್ಯಾಸ ನಕ್ಷೆಗ್ ಅನುಮೋದನೆ ಕೊರೊಡು ಇಜ್ಜಿಡ ಕೊರ್ರೆಗ್ ಆಪುಜಿ ಪಂಡುದ್ ಲಿಖಿತವಾದ್ ಬರೆದ್ ಕೊರೊಡ್ ಪಂಡೆರ್. ಅದಮುಟ್ಟ ಧರಣಿ ದುಂಬರಿಯುಂಡ್ ಪಂಡೆರ್ ಲಿಖಿತ ಉತ್ತರ ತಿಕ್ಕಿಬೊಕ್ಕ ಕಾನೂನು ಹೋರಾಟ ದುಂಬರಿಪುವೆ ಪಂಡೆರು.
ಶಾಸಕೆ ಯಶ್ಪಾಲ್ ಸುವರ್ಣೆರ್ ರಾಜಕೀಯಡ್ ಮಿತ್ತ್ ಬರ್ರೆಗ್ ಯಾನ್ ಮಸ್ತ್ ಸಹಕಾರ ಮಲ್ದೆ.ಆಂಡ ಆರ್ ಇತ್ತೆ ಎನ್ನ ಒಂಜಿ ರೆಸಾರ್ಟ್ ಪರ್ಮಿಷನ್ ಕೊರ್ರೆಗ್ ಬೊಡ್ಚಾವಂದಿನ ನೆಪ ಕೊರೊಂದುಲ್ಲೆರ್.ಆರ್ ದಾಯೆಗ್ ಎಂಕ್ ಈತ್ ವಿರೋಧ ಮಲ್ಪುವೆರ್ ಗೊತ್ತಾಪುಜಿ.ಚುನಾವಣೆದ ಪೊರ್ತುಡ್ ಯಾನ್ ಬೊಕ್ಕ ಎನ್ನ ಬುಡೆದಿ ಇರುವೆರ್ಲಾ ಅರೆನೊಟ್ಟುಗ್ ಬೇಲೆ ಮಲ್ದ.ಎನ್ನ ಸಂಪೂರ್ಣ ಬೆರಿಬಲೊನ್ ಅರೆಗ್ ಯಾನ್ ಶಾಸಕೆ ಆಯಿನ ಪೊರ್ತುಡ್ ಕೊರ್ತೆ.ಆಂಡ ಆರ್ ಎಂಕ್ ಅಡ್ಡ ಕಾರ್ ದೀಯೊಂದುಲ್ಲೆರ್.
ಉಡುಪಿ ಡ್ ಒವ್ವೇ ರೀತಿದ ಅಭಿವೃದ್ಧಿ ಕಾರ್ಯೊಲು ಆವೊಂದಿಜ್ಜಿ.ಸಾಮಾನ್ಯ ಜನಕ್ಲೆಗ್ ಅನ್ಯಾಯ ಆವೊಂದುಂಡ್.ಶಾಸಕೆರ್ ಉಂದೆನ್ ಮಾತಾ ಅರ್ಥ ಮಲ್ತೊನಂದೆ ವ್ಯಯಕ್ತಿಕ ದ್ವೇಷ ತೋಜಾವೊಂದುಲ್ಲೆರ್.ಅಂಚಾದ್ ಯಶ್ಪಾಲ್ ಸುವರ್ಣೆರ್ ದುಂಬು ದ ಸರ್ತಿಗ್ ಶಾಸಕ ತಾನೊಗ್ ಅರ್ಹತೆ ಇಜ್ಜಿ ಪಂಡುದ್ ಆರ್ ಪಂಡೆರ್.
by 