ಸ್ಕೂಲ್ ಲೀಡರ್.

ಕರಾವಳಿಡ್ ಸ್ಕೂಲ್ ಲೀಡರ್ ಚಿತ್ರದ ಹವಾ ಶುರು! ಕನ್ನಡ ಚಿತ್ರ ರಂಗಡ್  ಜೋಕ್ಲೆನ  ಕಥೆ ಆಧಾರಿತ ಚಿತ್ರೊಲೆನ ಕೊರತೆದ  ನಡುಟ್ ಸ್ಕೂಲ್ ಲೀಡರ್ ಜೋಕ್ಲೆನ  ಚಲನಚಿತ್ರ ಮೇ.30ಡ್ದ್  ಕರವಳಿಯಾದ್ಯಂತ ತೆರೆಟ್ ಬರೊಂದುಂಡ್.. ಚಿತ್ರದ ಪ್ರಮುಖ ಪದ ‘ ಓಟು ಓಟು ಸಿಕ್ಕಿದಾಗ ಸೀಟು, ಓಟು ಕೊಟ್ಟ ಮಂದಿಯನ್ನು ಮರೆಯ ಬಾರದು’ ಸಾಮಾಜಿಕ ಜಾಲ ತಾಣಡ್  ಬುಡುಗಡೆಯಾತಿನ ದಿನೊಡ್ದ್  ಪ್ರೇಕ್ಷಕರೆಡ ಭಾರೀ ನಿರೀಕ್ಷೆ ಮೂಡಿಸಿದಾಂಡ್..  ‘ಜೋಕ್ಲೆಗ್  ಬೋಡಾಪಿನ ಎಡ್ಡೆ ಸಂದೇಶ ಕೊರ್ಪಿನ  ಈ ಚಿತ್ರ ಕನ್ನಡ ಮಾಧ್ಯಮ ಶಾಲೆದ ಒರಿಪರೆಗ್  ಧ್ವನಿ  ದೆರ್ಪುನ ಕಾರಣಡಾದ್  ಗಮನ ಕೊರ್ಪುಂಡ್.. ಪರಿಪೂರ್ಣವಾದ್ ಜೋಕ್ಲೆನ ಚಿತ್ರವಾದ್ ಮೂಡ್ದಿನ ಈ ಚಿತ್ರೊನ್  ಗಂಧದಕುಡಿ ಚಿತ್ರ ನಿರ್ಮಿಸಾದಿನ ಸನ್ ಮ್ಯಾಟ್ರಿಕ್ಸ್ ಬ್ಯಾನರ್ ಅಡಿಟ್  ನಿರ್ಮಾಣ ಮಲ್ದುಂಡ್.. ಸ್ಕೂಲ್ ಲೀಡರ್ ಚಿತ್ರಗ್  ರಜಾಕ್ ಪುತ್ತೂರು ಮೇರು ಕಥೆ, ಚಿತ್ರಕಥೆ, ಸಂಭಾಷಣೆ ಬೊಕ್ಕ ಸಾಹಿತ್ಯ ಬರೆದು ಆಕ್ಷನ್ ಕಟ್ ಕೊರ್ತೆರ್. ನೈಜ ಘಟನೆ ಆಧಾರಿತ ಈ ಜೋಕ್ಲೆನ  ಚಿತ್ರೊಡ್ ಸಂಪೂರ್ಣವಾದ್  ಕಟಪಾಡಿದ ಎಸ್ ವಿ ಎಸ್ ಪ್ರೌಢಶಾಲೆನ್  ಬಳಸೊಂದ್,, ಕರಾವಳಿದ  ಬೇತೆ ಬೇತೆ  ಶಾಲೆದ 120 ವಿದ್ಯಾರ್ಥಿಲು ಅಭಿನಯ ಮಲ್ದೆರ್. ಶಾಲಾ ವಿದ್ಯಾರ್ಥಿ ಸಂಸತ್ತಿನ ಮೂಲಕ ರಾಜಕೀಯರಹಿತವಾದ್  ಶಿಕ್ಷಣ ಸಂಸ್ಥೆದ ಮೂಲಭೂತ ಸೌಕರ್ಯಲೆನ್  ಕಲ್ಪಿಸಾವರೆಗ್ ಕಿನ್ನ  ದ್ವನಿ  ದೆರ್ಪುನ ಪ್ರಯತ್ನ ನಡೆದುಂಡ್..
ಕರಿನ ರಡ್ಡ್  ದಶಕಡಿಂಚಿ ಚಿತ್ರರಂಗಡ್ ತೊಡಗಿಸಾವೊಂದಿನ ರಜಾಕ್ ಪುತ್ತೂರು ಈ ಚಿತ್ರಡ್ ತನ್ನ ಅದೃಷ್ಟ ಪರೀಕ್ಷೆಗ್ ಜತ್ತುದೆರ್.. ಈ ಚಿತ್ರದ ನಿರ್ಮಾಪಕೆರಾಯಿನ  ಕೆ.ಸತ್ಯೇಂದ್ರ ಪೈ ಕಟಪಾಡಿ ಮೇರು ಬಂಡವಾಳ ಪಾಡ್ದ್  ಎಡ್ಡೆ   ಚಿತ್ರದ ನಿರ್ಮಾಣದ ಕನನ್  ನಿಜ ಮಲ್ದೆರ್.. ಈ ಚಿತ್ರಡ್ ಹಾಸ್ಯಕಲಾವಿದೆರಾಯಿನ ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರು,ದೀಪಕ್ ರೈ ಪಾಣಾಜೆ , ನಾಗೇಶ್ ಕಾಮತ್ ಶಾಲಾ ಶಿಕ್ಷಕೆರೆನ ಪಾತ್ರೊಡುಲ್ಲೆರ್.  ಬಾಲಕಲಾವಿದೆರಾದ್  ಶ್ರೀಜಯ್, ದೀಕ್ಷಾ ಡಿ ರೈ, ದೃಶಾ ಕೊಡಗು, ಯಶಸ್ ಪಿ ಸುವರ್ಣ ಮುಖ್ಯಭೂಮಿಕೆಡುಲ್ಲೆರ್. ಈ ಚಿತ್ರಡ್ 2 , ಕೇರಳದ ಜಯ ಕಾರ್ತಿ ಸಂಗೀತ ಸಂಯೋಜನೆ ಮಲ್ದೆರ್.. ಮೋಹನ್ ಪಡ್ರೆ ಛಾಯಾಗ್ರಹಣ, ಸಚಿನ್  ಸಂಕಲನ ಈ ಚಿತ್ರಕ,ಅಕ್ಷತ್ ವಿಟ್ಲ ಸಹನಿರ್ದೇಶಕರದುಲ್ಲೆರ್.