ಸಿಂಧೂರ ಕಲಾವಿದೆರ್ ಕಾರ್ಲ ಮೊಕಲ್ನ ವತಿಡ್ದ್ ಪ್ರತೀ ವರ್ಸ ಕೊರ್ಪಿನ ವಿದ್ಯಾರ್ಥಿವೇತನ ಕಜ್ಜೊ ಸೆಪ್ಟೆಂಬರ್ 19 ತಾರೀಕುದಾನಿ ಕಾರ್ಲದ ಇಂದಿರಾನಗರ ಪುಲ್ಕೇರಿ ದೇವಿಕೃಪಾಡ್ ನಡತುಂಡ್.ಕಜ್ಜೊನ್ ಉದಿಪನ ಮಲ್ತುದ್ ಪಾತೆರಿನ ಉದ್ಯಮಿ ವಿಜಯ ಶೆಟ್ಟಿ ಕಾರ್ಲ ಮೇರು ಸಿಂಧೂರ ಕಲಾವಿದೆರ್ ಜನಕ್ಲೆಗ್ ಮನರಂಜನೆ ಕೊರ್ಪುನೊಟ್ಟುಗ್ ಸಮಾಜಮುಖಿ ಬೇಲೆ ಮಲ್ಪುನವ್ವ್ ನಿಜವಾದುಲಾ ಮೆಚ್ಚೊಡಾಯಿನವ್ವ್ ಪಂಡೆರ್.
ಕಜ್ಜೊದ ಅಧ್ಯಕ್ಷತೆಡ್ ತಂಡದ ಸಂಚಾಲಕೆರಾಯಿನ ಶ್ರೀ ಜೆರಾಲ್ಡ್ ಡಿಸಿಲ್ವ ಮಿಯ್ಯಾರು ಇತ್ತೆರ್.ಮಲ್ಲ ಬಿನ್ನೆರಾದ್ ಶೇಖ್ ಶಬ್ಬೀರ್ ಮಿಯ್ಯಾರು,ಸುಧಾಕರ ಪೂಜಾರಿ ಪುಣೆ,ಅಶೋಕ್ ಪೊಸಲಾಯಿ,ಬೊಕ್ಕ ತಂಡದ ಸಾರಥಿ ಲೀಲಾವತಿ ಪೊಸಲಾಯಿ ಬೊಕ್ಕ ರವೀಂದ್ರ ಶಾಂತಿ ಪುಲ್ಕೇರಿ ಬೊಕ್ಕ ತಂಡದಕುಲು ಉಪಸ್ಥಿತರಿತ್ತೆರ್.
ಹಮೀದ್ ಮಿಯ್ಯಾರು ಮೆರೆನ ಮುತಾಲಿಕೆಡ್ ನಡತಿನ ಈ ಕಜ್ಜೊಡ್ 13 ಜೋಕುಲೆಗ್ ವಿದ್ಯಾಥರ್ಿ ವೇತನ,ಕೊಡೆ,ಮಾಸ್ಕ್,ಪುಸ್ತಕ,ಬೊಕ್ಕ ಪೆನ್ನುಲೆನ್ ವಿತರಣೆ ಮಲ್ತೆರ್.ಕಲಾಪೋಷಕೆ ವಿಜಯಚಂದ್ರ ಮುಂಡ್ಲಿ ಮೆರೆಗ್ ಸಭೆಟ್ ಮಾನಾದಿಗೆ ಮಲ್ತೆರ್. ತಾರಾನಾಥ್ ಬೋಳ ಪ್ರಾಸ್ತವಿಕ ಪಾತೆರ್ದ್ ಪ್ರವೀಣ್ ನೆಲ್ಲಿಕಟ್ಟೆ ಸ್ವಾಗತ ಮಲ್ತುದ್ ಕುಮಾರಿ ಸುಚಿತ್ರಾ ಸೊಲ್ಮೆ ಸಂದಾಯ್ತ ಮಲ್ತೆರ್.ಸಂದೀಪ್ ಬಾರಾಡಿ ಕಜ್ಜೊದ ಮದಿಪು ಕೊರಿಯೆರ್
by 