ಆಟಿದ ಬೂತಾರಾದನೆ

ಆ.02. ‘ಆಟಿದ ಬೂತಾರಾದನೆ’ ಸಾಕ್ಷ್ಯ ಚಿತ್ರ ಬುಡುಗಡೆ ಬೊಕ್ಕ ವಿಚಾರಗೋಷ್ಠಿ

ಮಂಗಳೂರು: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ವತಿಡ್ದ್ ‘ಆಟಿದ ಬೂತಾರಾದನೆ’ ಬಗೆಟ್  ಸಾಕ್ಷ್ಯ ಚಿತ್ರ ಬುಡುಗಡೆ ಬೊಕ್ಕ ವಿಚಾರಗೋಷ್ಠಿ ಆ.02 ರ ಶನಿವಾರ  2 ಗಂಟೆಗ್ ಮಂಗಳೂರುದ ತುಳು ಭವನಡ್ ನಡಪರೆಗುಂಡ್..
ಪತ್ರಕರ್ತೆ ರಾಯಿನ ರಮೇಶ್ ಮಂಜೇಶ್ವರ ಮೇರು ದಾಖಲೀಕರಣ ಮಲ್ದಿನ ಆಟಿದ ಭೂತಾರಾಧನೆದ ಸಾಕ್ಷ್ಯ ಚಿತ್ರೊನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆರು ಬೊಕ್ಕ ಹಿರಿಯ ಜಾನಪದ ವಿದ್ವಾಂಸೆರಾಯಿನ  ಡಾ.ವೈ.ಎನ್.ಶೆಟ್ಟಿ ಮೇರು ಬುಡುಗಡೆ ಮಲ್ಪುವೆರು . ಕಾರ್ಯಕ್ರಮದ ಅಧ್ಯಕ್ಷತೆಡ್  ಅಕಾಡೆಮಿದ ಅಧ್ಯಕ್ಷೆರಾಯಿನ ತಾರಾನಾಥ್ ಗಟ್ಟಿ ಕಾಪಿಕಾಡ್ ಮೇರು ಉಪ್ಪುವೆರ್..
ಸಾಕ್ಷ್ಯಚಿತ್ರ ಬುಡುಗಡೆ ಡ್ ಬೊಕ್ಕ ‘ಆಟಿದ ಬೂತಾರಾದನೆ, ನೇಮದ ಬಗೆಟ್ ವಿಚಾರಗೋಷ್ಠಿ ನಡಪರೆಗುಂಡ್. ಪೆರುವಾಯಿದ ಮೂಜಿ ದೈವೊಲೆನ  ದೈವಸ್ಥಾನದ ಗುರಿಕಾರೆರಾಯಿನ  ಸುಬ್ರಮಣ್ಯ ಭಟ್ ಕೆ.ಜೆ, ಪೆರುವಾಯಿದ ನಿವೃತ್ತ ಶಿಕ್ಷಕೆರಾಯಿನ  ಎಂ.ಕೆ. ಕುಕ್ಕಾಜೆ ವಿಚಾರ ಮಂಡನೆ ಮಲ್ಪುವೆರ್.
ಕುಂಬಳೆದ ನಿವೃತ್ತ ಮುಖ್ಯೋಪಾಧ್ಯಾಯೆರಾಯಿನ  ಮಳಿ ನಾರಾಯಣ ಗಟ್ಟಿ, ಪೆರುವಾಯಿ ದೈವಾರಾದಕೆರಾಯಿನ  ಆನಂದ ನಲಿಕೆ, ದೈವರಾಧಕೆರಾಯಿನ  ಐತಪ್ಪ ಆರಿಕ್ಕಾಡಿ ಕುಂಬಳೆ, ಪೆರುವಾಯಿದ  ಪ್ರಗತಿ ಪರ ಕೃಷಿಕೆ ರಾಜೇಂದ್ರನಾಥ್ ರೈ ಮೊಕುಲು ವಿಚಾರಗೋಷ್ಠಿ ದ ಬಗೆಟ್ ಪ್ರತಿಕ್ರಿಯೆ ಕೊರ್ಪೆರ್ ಪಂಡುದು ಅಕಾಡೆಮಿದ ಪ್ರಕಟಣೆ ತೆರಿಪಾದುಂಡ್.