ಜಾನಪದ ಕಲಾವಿದೆ ಕಮಲಾ ನಲಿಕೆ

“ವೀರ ರಾಣಿ ಅಬ್ಬಕ್ಕ ” ಗೌರವ ಪುರಸ್ಕಾರಗ್ ದ ಕ ಜಿಲ್ಲೆದ ಹಿರಿಯ ಜಾನಪದ ಕಲಾವಿದೆ ಕಮಲಾ ನಲಿಕೆ ಪೆರುವಾಯಿ ಆಯ್ಕೆ

ಪೆರುವಾಯಿ: ಹಿರಿಯ ಜಾನಪದ ಕಲಾವಿದೆ ಕಮಲಾ ನಲಿಕೆ ಪೆರುವಾಯಿ ಮೇರು “ವೀರ ರಾಣಿ ಅಬ್ಬಕ್ಕ ” ಗೌರವ ಪುರಸ್ಕಾರಗ್ ಆಯ್ಕೆ ಆತೆರ್..

ABRSM-KRMSS, ಕರ್ನಾಟಕ ರಾಜ್ಯ ಮಹಾವಿದ್ಯಾಲಯ ಶಿಕ್ಷಕ ಸಂಘ (ಮಂಗಳೂರು ವಿಭಾಗ) ಆಯೋಜನೆ ಮಲ್ದಿನ “ಅಬ್ಬಕ್ಕ 500 ಪ್ರೇರಣಾದಾಯಿ 100 ಉಪನ್ಯಾಸದ ಸರಣಿ ಕಾರ್ಯಕ್ರಮದ ಅಂಗವಾದ್ ಬೇತೆ ಬೇತೆ ಕ್ಷೇತ್ರಲೆಡ್  ಸಾಧನೆ ಮಲ್ದಿನ ಮಹಿಳಾ ಸಾಧಕರೆಗ್ ಈ ಪ್ರಶಸ್ತಿನ್ ಕೊರ್ದು ಮಾನಾದಿಗೆ ಮಲ್ಪರೆಗುಲ್ಲೆರ್..

ಕೇರಳದ ಕುಂಬಳೆ ಆರಿಕ್ಕಾಡಿ ದಿ.ಗೋಪಾಲ ನಲಿಕೆ ಬೊಕ್ಕ ಯಮುನಾ ದಂಪತಿಲೆನ ಮಗಲಾಯಿನ    ಪೆರುವಾಯಿ ಗ್ರಾಮದ ಮುಂಚಿರಬೆಟ್ಟು ನಿವಾಸಿ ಪುಗಾರ್ತೆದ ದೈವನರ್ತಕರಾದಿತ್ತಿನ  ದಿ. ಕೊರಗು ನಲಿಕೆ ಮೆರೆನ ಸುರುತ ಮಗೆ ಮಾಂಕು ನಲಿಕೆ ಮೆರೆನ ಬುಡೆದಿ..

ಎಲ್ಯ  ಪ್ರಾಯೊಡೇ  ಕೂಡು ಕುಟುಂಬದೊಟ್ಟುಗ್  ಸಂಸಾರ ನಿಭಾಯಿಸಾವೊಂದ್ , ಮಾಮು ಬೊಕ್ಕ ಕಂಡನಿನೊಟ್ಟುಗ್ ದೈವಾರಾಧನೆ ಕ್ಷೇತ್ರಡ್  ತೆಂಬರೆ ಬೊಟ್ಟೊಂದ್, ಪಾಡ್ದನ ಪನೊಂದ್ ದೈವರಾಧನೆ ಕ್ಷೇತ್ರಡ್ ತಮ್ಮ ಸೇವೆನ್ ಕೊರೊಂದ್  ಬೈದೆರ್.. ಆಳ್ವಾಸ್ ನುಡಿಸಿರಿ ಕಾರ್ಯಕ್ರಮ ಸೇರಿನಂಚ ಕೆಲವ್  ವೇದಿಕೆಲೆಡ್  ಜಾನಪದ ಕಲೆ  ಮಾದಿರ ಕುಣಿತ, ಕನ್ಯಾಪು ನಲಿಕೆನ್ ಪ್ರದರ್ಶನ ಮಲ್ತುದ್ ಇನಾಮು ಗೆಂದುದೆರ್.

ತಮ್ಮ ಬಡತನದ ಜೀವನದ ನಡುಟುಲಾ ತನ್ನ ಮಾತಾ ಜೋಕುಲೆಗುಲಾ ವಿದ್ಯಾಭ್ಯಾಸ  ಕಲ್ಪಾದ್, ಜೋಕ್ ಲೆಗ್  ಸಮಾಜಡ್  ಎಡ್ಡೆ ಸ್ಥಾನ-ಮಾನ ಗೌರವ ತಿಕ್ಕುನಂಚ  ಮೇರ್ ಬೈದಿನ  ಶ್ರಮ ಮೆರೆನ ಜೀವನ ಇನಿತ ಜೀವನ ಶೈಲಿಗ್ ಸ್ಪೂರ್ತಿ. ವೃತ್ತಿ ಬದುಕುದ  ಒಟ್ಟುಗ್ ಪಜೆಮುಡೆಯುನ್,, ಮುಟ್ಟಾಳೆ ತಯಾರಿಕೆಡ್  ಮೇರ್  ಪರಿಣಿತೆರಾದುಲ್ಲೆರ್..

ಪೆರುವಾಯಿ ಗ್ರಾಮ ಪಂಚಾಯತ್ ದ ಮಾಜಿ ಸದಸ್ಯೆಯಾದ್ ರಾಜಕೀಯ ಕ್ಷೇತ್ರಡುಲಾ ಜನಕ್ಲೆನ ಸೇವೆ ಮಲ್ತೊಂದ್  ಬೈದಿನ ಮೆರೆನ ಜಾನಪದ ಕಲೆ ಬೊಕ್ಕ ದೈವಾರಧನೆ ಕ್ಷೇತ್ರದ ಸೇವೆನ್ ಗುರುತಿಸಾದ್ ಕೆಲವು ವೇದಿಕೆಲೆಡ್ ಗೌರವಿಸಾದ್ ಮಾನಾದಿಗೆ ಮಲ್ದೆರ್.