ಅಪ್ಪೆ ಬೇರ್ ದ ತುಳುನಾಡ್

*ಅಪ್ಪೆ ಬೇರ್ ದ ತುಳುನಾಡ್ ಕಾರ್ಯಕ್ರಮಗ್ ಡಾ. ಇಂದಿರಾ ಹೆಗ್ಗಡೆ ಸಮ್ಮೇಳನ ಅಧ್ಯಕ್ಷೆ*

ತುಳುನಾಡುದ ಸಂಸ್ಕೃತಿ, ಭಾಷೆ ಬೊಕ್ಕ ಅಪ್ಪೆ ಮೂಲ ಪರಂಪರೆದ ಪುನರುಜ್ಜೀವನಗಾದ್  ಆಯೋಜನೆ ಮಲ್ತೊಂದುಪ್ಪುನ ಮಹತ್ವದ “ಅಪ್ಪೆ ಬೇರ್ ದ ತುಳುನಾಡ್” ಕಾರ್ಯಕ್ರಮಗ್ ಖ್ಯಾತ ಲೇಖಕಿ ಬೊಕ್ಕ ಜಾನಪದ ತಜ್ಞೆ ಡಾ. ಇಂದಿರಾ ಹೆಗ್ಗಡೆ ಮೆರೆನ್ ಸಮ್ಮೇಳನ ಅಧ್ಯಕ್ಷೆಯಾದ್ ಆಯ್ಕೆ ಮಲ್ದುಂಡ್..

ಡಾ. ಇಂದಿರಾ ಹೆಗ್ಗಡೆ ಮೇರು ತುಳುನಾಡುದ ಜಾನಪದ, ಆಚರಣೆಲು,, ನಂಬಿಕೆಲು  ಬೊಕ್ಕ ಸಂಸ್ಕೃತಿದ ಬಗ್ಗೆ ದೀರ್ಘಕಾಲಡ್ ಆಳವಾಯಿನ ಅಧ್ಯಯನ ಮಲ್ತೊಂದುಪ್ಪುನ ಪ್ರಮುಖ ವಿದ್ವಾಂಸೆರು. ಕಿನ್ನಿಗೋಳಿ ಮೂಲದ ಆರು ತುಳು ಬೊಕ್ಕ ಕನ್ನಡ ಸಾಹಿತ್ಯ ಕ್ಷೇತ್ರಡ್ ವಿಶಿಷ್ಟ ಸ್ಥಾನ ಪಡೆತುದೆರ್..

ಆರು ರಚನೆ ಮಲ್ದಿನ ಕೃತಿಕುಲೆಡ್  “ತುಳುವರ ಮೂಲತಾನ ಆದಿ ಆಲಡೆ ಪರಂಪರೆ ಬೊಕ್ಕ ಪರಿವರ್ತನೆ”, “ಬಂಟರು – ಒಂದು ಸಮಾಜೋ ಸಾಂಸ್ಕೃತಿಕ ಅಧ್ಯಯನ”, “ಸಿರಿಬಾರಿ ಲೋಕ ತುಳು ನಾಡು”, “ಕರಾವಳಿ ಸಂಸ್ಕೃತಿ ಸಮೀಕ್ಷೆ” ತುಳುನಾಡಿನ ಗ್ರಾಮಾಡಳಿತ ಮತ್ತು ಅಜಲು,   ಗ್ರಂಥಗಳು ತುಳುನಾಡಿನ ಇತಿಹಾಸ, ಸಂಸ್ಕೃತಿ ಬೊಕ್ಕ ಸಾಮಾಜಿಕ ಜೀವನದ ಅಧ್ಯಯನಗ್ ಮಹತ್ವದ ಆಧಾರವಾದುಂಡ್..

ತುಳುನಾಡುದ  ನಾಗಾರಾಧನೆ, ಭೂತಾರಾಧನೆ, ದೈವಾರಾಧನೆ, ಕುಟುಂಬ ವ್ಯವಸ್ಥೆ, ಸಮಾಜ ವ್ಯವಸ್ಥೆ, ಜಾನಪದ ಆಚರಣೆಲು ಬೊಕ್ಕ ಪರಂಪರೆದ  ಬಗ್ಗೆ ಆರು ಮಲ್ದಿನ  ಅಧ್ಯಯನೊಲು ಇನಿಕುಲಾ  ಮಸ್ತ್ ಸಂಶೋಧನೆಲೆಗ್ ಮಾರ್ಗದರ್ಶಕವಾದುಂಡ್. ವಿಶೇಷವಾದ್ , ತುಳುವೆರೆನ ಮೂಲತತ್ವ ಬೊಕ್ಕ ಪರಂಪರೆಲೆನ್ ಆಳವಾದ್  ವಿಶ್ಲೇಷಣೆ ಮಲ್ತಿನ ಅರೆನ ಡಾಕ್ಟರೇಟ್ ಅಧ್ಯಯನ ಬಾರೀ ಮಹತ್ವವಾದುಂಡ್..

ಡಾ. ಇಂದಿರಾ ಹೆಗ್ಗಡೆರೆಗ್  ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಕರ್ನಾಟಕ ಸಾಹಿತ್ಯ ಅಕಾಡೆಮಿ ಸೇರಿನಂಚ ಮಸ್ತ್  ಪ್ರಶಸ್ತಿಲು  ತಿಕ್ಕುದುಂಡ್.. ಜಾನಪದ ತಜ್ಞೆಯಾದ್ ಅರೆನ ಸೇವೆ ಅಪಾರವಾದುಂಡ್.. ಆರು ಸ್ಥಾಪನೆ ಮಲ್ತಿನ ಚೇಳ್ಯಾರುಗುತ್ತು ಎಸ್.ಆರ್. ಹೆಗ್ಡೆ ಚಾರಿಟೇಬಲ್ ಟ್ರಸ್ಟ್ ಮೂಲಕ ವಿದ್ಯಾರ್ಥಿಲೆಗ್ ಶಿಕ್ಷಣ ಸಹಾಯ, ಪುಸ್ತಕ ದಾನ ಬೊಕ್ಕ ಸಂಸ್ಕೃತಿ ಜಾಗೃತಿ ಕಾರ್ಯಕ್ರಮ ನ್ ಮಲ್ತೊಂದುಲ್ಲೆರ್..

ತುಳುವ ಮಹಾಸಭೆ ಇಂಟರ್ನ್ಯಾಷನಲ್ ಮುಲ್ಕಿ ತಾಲೂಕು ನೇತೃತ್ವಡ್  ನಡಪುನ  ಈ ಕಾರ್ಯಕ್ರಮಗ್ ಅಲಯನ್ಸ್ ಯುನಿವರ್ಸಿಟಿ ಬೆಂಗಳೂರು ಬೊಕ್ಕ ಬಂಟ್ಸ್ ಸಂಘ ಮುಲ್ಕಿ  ಸಹಭಾಗಿತ್ವ ದೆತೊಂದುಂಡ್. 2026 ಮೇ 24ಗ್ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್  ನಡಪರೆಗುಪ್ಪುನ “ಅಪ್ಪೆ ಬೇರ್ ದ ತುಳುನಾಡ್” ಕಾರ್ಯಕ್ರಮ ತುಳು ಭಾಷೆ, ಕಲೆ, ಸಂಸ್ಕೃತಿ ಬೊಕ್ಕ ಮಾತೃಮೂಲ ಪರಂಪರೆದ ಉಳಿವು ಬೊಕ್ಕ ಅಭಿವೃದ್ಧಿದ ವೇದಿಕೆಯಾದಿತ್ತುದ್, ತುಳುನಾಡುದ ಬೇತೆ ಬೇತೆ ಕ್ಷೇತ್ರದ ಗಣ್ಯೆರು, ಸಂಶೋಧಕೆರು, ಕಲಾವಿದೆರು ಬೊಕ್ಕ ಯುವಜನತೆ ಪಾಲ್ ಪಡೆಯರೆಗುಲ್ಲೆರ್. ಬಿಲ್ಲವ ಮಹಿಳಾ ಮಹಾಮಂಡಳಿ ಮುಲ್ಕಿ, ಲಯನ್ಸ್ ಕ್ಲಬ್ ಮುಲ್ಕಿ, ರೋಟರಿ ಇಂಟರ್ನ್ಯಾಷನಲ್ ಮುಲ್ಕಿ  ಸಂಘ ಸಂಸ್ಥೆಲು ಈ ಕಾರ್ಯಕ್ರಮಗ್ ಸಹಕಾರ ಕೊರ್ಪುಂಡ್.

ಡಾ. ಇಂದಿರಾ ಹೆಗ್ಗಡೆ ಅವರಂತಹ ಅನುಭವಸಂಪನ್ನ ವ್ಯಕ್ತಿತ್ವ ಸಮ್ಮೇಳನ ಅಧ್ಯಕ್ಷೆಯಾದ್  ಆಯ್ಕೆಯಾತಿನವ್  ರಾಷ್ಟ್ರೀಯ ವಿಚಾರ ಸಂಕೀರ್ಣದ  ಘನತೆ ಹೆಚ್ಚ ಮಲ್ದುಂಡ್.. ಅರೆನ ಮಾರ್ಗದರ್ಶನಡ್  ಈ ಸಮ್ಮೇಳನ ತುಳುನಾಡುದ  ಸಾಂಸ್ಕೃತಿಕ ಚಿಂತನೆಗ್ ಪೊಸ ದಿಕ್ಕು ಕೊರ್ಪುಂಡ್  ಪನ್ಪಿನ ವಿಶ್ವಾಸ ವ್ಯಕ್ತವಾತುಂಡ್.

ತುಳು ಸಂಸ್ಕೃತಿದ  ಸಂರಕ್ಷಣೆ ಬೊಕ್ಕ ಪ್ರಚಾರಡ್  ಜೀವನನೇ ಅರ್ಪಿಸಾಯಿನ  ಮಹಾನ್ ವ್ಯಕ್ತಿತ್ವ  ಸಮ್ಮೇಳನ ಅಧ್ಯಕ್ಷೆಯಾದ್ ಆಯ್ಕೆ ಮಲ್ದುಂಡ್..


“ಅಪ್ಪೆ ಬೇರ್ ದ ತುಳುನಾಡ್” ಪನ್ಪಿನ  ಪರಿಕಲ್ಪನೆದ ಬಗ್ಗೆ ಪಾತೆರಿನ ಡಾ. ಇಂದಿರಾ ಹೆಗ್ಗಡೆ ಮೇರು,
“ಅಪ್ಪೆ ಬೇರು ಪನ್ಪಿನವ್  ಪ್ರಾಕೃತಿಕ ಪರಿಕಲ್ಪನೆ. ಅಪ್ಪೆ ಬೇರುಡಾದ್  ಒಂಜಿ  ಮರ ಒರಿಯುಂಡ್. ಆ ಮರ ಪ್ರಾಣಿ ಪಕ್ಷಿಲು  ಸೇರಿನಂಚ ಮಾತೆರೆಗುಲಾ  ಆಶ್ರಯ ಕೊರ್ಪುಂಡ್.. ಅಪ್ಪೆ ಬೇರು ಇಜ್ಜಿಡ  ಒಂಜಿ  ಮರ ನಾಶ ಆಪುಂಡ್.. ಅವ್ವೇ ರೀತಿ ಮಾತೃಮೂಲ ಸಂಸ್ಕೃತಿದ  ತುಳು ನಾಡುದ ಪದ್ಧತಿಲು ಒರಿಯೊಡಾಯಿನ  ಅನಿವಾರ್ಯ. ಈ ನಿಟ್ಟುಡ್ ಈ ರಾಷ್ಟ್ರೀಯ ವಿಚಾರ ಸಂಕೀರ್ಣ ಬಾರೀ ಮಹತ್ತರವಾಯಿನವ್. ಎನನ್ ಸಮ್ಮೇಳನ ಅಧ್ಯಕ್ಷೆಯಾದ್  ಆಯ್ಕೆ ಮಲ್ದಿನವ್  ಎಂಕ್ ಪೆರ್ಮೆ  ಬೊಕ್ಕ  ಖುಷಿ ಕೊರ್ತುಂಡ್ ,” ಪಂಡುದು ಪಂಡೆರು.