ಕಂಬುಲ ಸಮಿತಿ ಡ್ದ್ ಮನವಿ

ಉಡುಪಿ ಜಿಲ್ಲೆ ಸಂಪ್ರದಾಯಬದ್ಧ ಕಂಬುಲ ಸಮಿತಿ ವತಿಡ್ದ್  ಜಿಲ್ಲಾಧಿಕಾರಿಲೆಗ್ ಮನವಿ

ಇನಿ  ಸಂಪ್ರದಾಯಬದ್ಧ ಕಂಬಳ ಸಮಿತಿ ಉಡುಪಿ ಜಿಲ್ಲೆದ ಪರವಾದ್ ಮಾನ್ಯ ಉಡುಪಿ ಜಿಲ್ಲಾಧಿಕಾರಿಲೆಗ್ ಜಿಲ್ಲೆದ ಸಂಪ್ರದಾಯಬದ್ಧ ಕಂಬಳದ ವಿವರ ಬೊಕ್ಕ ಸರ್ಕಾರಡ್ದ್ ಅನುದಾನ ಒದಗಿಸಾವುನ ಬಗ್ಗೆ ಮನವಿ ಕೊರಿಯೆರ್..  ಮನವಿಗ್ ಸಕಾರಾತ್ಮಕವಾದ್ ಸ್ಪಂದಿಸಾಯಿನ ಜಿಲ್ಲಾಧಿಕಾರಿಲು ದುಂಬುದ ದಿನಕ್ಲೆಡ್ ಅನುದಾನದ ಬಗ್ಗೆ ಸರ್ಕಾರದೊಟ್ಟುಗ್ ಸಮಾಲೋಚನೆ ಮಲ್ತುದ್ ವ್ಯವಸ್ಥೆ ಮಲ್ಪುನ ಬಗ್ಗೆ ಬೊಕ್ಕ ಈ ಸರ್ತಿದ ಸಂಪ್ರದಾಯಬದ್ಧ ಕಂಬಳ ವೀಕ್ಷಣೆಗುಲಾ ಬರ್ಪೆ ಪಂಡುದ್ ತೆರಿಪಾಯೆರು. ಈ ಸಂದರ್ಭಡ್ ಜಿಲ್ಲಾ ಸಮಿತಿದ ಅಧ್ಯಕ್ಷೆರಾಯಿನ ಸುಧಾಕರ್ ಹೆಗ್ಡೆ ಹೆರಂಜೆ ದೊಡ್ಡಮನೆ ಬೊಕ್ಕ ಸಮಿತಿದ ಕಾನೂನು ಸಲಹೆಗಾರೆರಾಯಿನ ಚೇರ್ಕಾಡಿ ದೊಡ್ಡಮನೆ ಪ್ರೇಮ್ ಪ್ರಸಾದ್ ಶೆಟ್ಟಿ ಮೇರು ಜಿಲ್ಲಾಧಿಕಾರಿಲೆಗ್ ಮನವಿ ಸಲ್ಲಿಸಾಯೆರು.