ಕೊಡವೂರು ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆ, ಶಾಲಾಭಿವ್ರದ್ಧಿ ಸಮಿತಿ,ಹಳೆವಿದ್ಯಾಥರ್ಿ ಸಂಘ,ಯುವಕಸಂಘ,ಶ್ರೀದುರ್ಗಾ ಮಹಿಳಾ ಮಂಡಲ,ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಒಟ್ಟು ಸೇರಿಗೆಡ್ ಕರಿನ 36 ವರ್ಷೋಡಿಂಚಿ ಕೊಡವೂರು ಶಾಲೆದ ಶಿಕ್ಷಕಿಯಾದ್ ಅನನ್ಯ ಸೇವೆ ಮಲ್ತುದ್ ಇಂಚಪ್ಪೊಗ್ ನಿವ್ರತ್ತಿ ಆಯಿನ ಮಲ್ಲಿಕಾ ದೇವಿ ಮೆರೆಗ್ ಮಾನಾದಿಗೆದ ಕಜ್ಜೊ ಸೆಪ್ಟೆಂಬರ್ 6 ತಾರೀಕುದಾನಿ ಕೊಡವೂರು ವಿಪ್ರಶೀ ಸಭಾಂಗಣೊಡ್ ನಡತುಂಡ್.
ಶಾಲೆದ ಪೊಸ ಕೋಣೆಲೆನ್ ಉದಿಪನ ಮಲ್ತಿನ ಉಡುಪಿ ನಗರಾಭಿವ್ರದ್ಧಿ ಪ್ರಾಧಿಕಾರದ ಅಧ್ಯಕ್ಷೆರಾಯಿನ ರಾಘವೇಂದ್ರ ಕಿಣಿ ಪಾತೆರ್ದ್ ಶಿಕ್ಷಕೆರ್ ಮೌಲ್ಯಯುತ ಶಿಕ್ಷಣ ಕೊರ್ಪಿನ ಮುಖೇನ ಜೋಕ್ಲೆಗ್ ಸಾದಿಬೊಲ್ಪು ಆವೊಡ್.ಅಂಚಿನ ಶಿಕ್ಷಕೆರ್ ಏಪೊಲಾ ಜೋಕ್ಲೆನ ಬದುಕುಡ್ ನೆಂಪುಡಿಪ್ಪುವೆರ್ ಪಂಡುದ್ ಪಂಡೆರ್.
ಮಾನಾದಿಗೆ ಪಡೆಯಿನ ಶಿಕ್ಷಕಿ ಮಲ್ಲಿಕಾ ದೇವಿ ಪಾತೆರ್ದ್ ಶಿಕ್ಷಣ ಇಲಾಖೆ,ಸಹೋದ್ಯೋಗಿಲು,ಊರುದ ಸಂಘ ಸಂಸ್ಥೆಲು,ಎನ್ನ ಮೋಕೆದ ವಿದ್ಯಾರ್ಥಿಲು ಕೊರಿನ ಸಹಕಾರೊಡ್ 36 ವರ್ಷ ಒವ್ವೇ ಅಡ್ಡಿ ಆತಂಕ ಉಪ್ಪಂದೆ ಸೇವೆ ಮಲ್ಪರೆಗ್ ಸಾಧ್ಯ ಆಂಡ್ ಪಂಡುದ್, ಸಹಕಾರ ಕೊರಿನ ಮಾತೆರೆಗುಲಾ ಸೊಲ್ಮೆ ಸಂದಾಯ್ತ ಮಲ್ತೆರ್.
ಕಜ್ಜೊದ ಗುರ್ಕಾರ್ಮೆಡಿತಿನ ನಗರ ಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು ಪಾತೆರ್ದ್ ಪುಸ್ತಕದ ಪಾಠದೊಟ್ಟುಗ್ ಬದುಕುನ ಪಾಠೊನ್ಲಾ ಕಲ್ಪಕೊರ್ತಿನ ಶಿಕ್ಷಕಿ ಮಲ್ಲಿಕಾದೇವಿ ಪಂಡೆರ್.
ವೇದಿಕೆಡ್ ಮಲ್ಲ ಬಿನ್ನೆರಾದ್ ಕೊಡವೂರು ವ್ಯವಸಾಯ ಸೇವಾ ಸಹಕಾರಿ ಸಂಘದ ಅಧ್ಯಕ್ಷೆರಾಯಿನ ನಾರಾಯಣ ಬಲ್ಲಾಳ್,ಮತ್ಸ್ಯೋದ್ಯಮಿ ಆನಂದ ಪಿ.ಸುವರ್ಣ,ಶಂಕರನಾರಾಯಣ ಪ್ರತಿಷ್ಠಾನದ ಅಧ್ಯಕ್ಷೆರಾಯಿನ ಟಿ.ರಾಘವೇಂದ್ರ ರಾವ್,ಶಾಲಾ ಕಟ್ಟಡ ನಿರ್ಮಾಣ ಸಮಿತಿ ಅಧ್ಯಕ್ಷ ಮಧು ಬಂಗೇರ,ಮುಖ್ಯ ಶಿಕ್ಷಕಿ ಪುಷ್ಪಾವತಿ,ಯುವಕ ಸಂಘದ ಅಧ್ಯಕ್ಷೆ ಪ್ರಭಾತ್ ಕೋಟ್ಯಾನ್,ಸಾರ್ವಜನಿಕ ಗಣೇಶೊತ್ಸವ ಸಮಿತಿದ ಅಧ್ಯಕ್ಷೆರಾಯಿನ ಹರೀಶ್ ಕೊಡವೂರು, ಸಾಮಾಜಿಕ ಮುಂದಾಳು ಅರುಣ್ ಕುಮಾರ್ ಉಪಸ್ಥಿತರಿತ್ತೆರ್.
ಕಜ್ಜೊಡ್ ಶಾಲೆದ ಕನ್ನಡ ಬೊಕ್ಕ ಇಂಗ್ಲೀಷ್ ಮೀಡಿಯಮ್ ದ ಮಾತಾ ಕಲ್ಪಾದಿಲೆನ್ ಮಾನಾದಿಗೆ ಮಲ್ತೆರ್.
ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆರಾಯಿನ ಸತೀಶ್ ಕೊಡವೂರು ಕಜ್ಜೊದ ಮದಿಪು ಕೊರಿಯೆರ್. ಮಧುಬಂಗೇರ ಎದ್ಕೊಂಡೆರ್,ಪ್ರಭಾತ್ ಕೋಟ್ಯಾನ್ ಸೊಲ್ಮೆ ಸಂದಾಯ್ತ ಮಲ್ತೆರ್
by 